Bregðast þarf við þurrkum

Alþjóðlega veðurfræðistofnunin segir nauðsynlegt að ríki heims komi sér saman um skynsamleg viðbrögð við þurrkum, sem eru óvenju miklir þetta árið og hafa áhrif á matvælaverð um heim allan.

Kínverskur bóndi smíðaði sér nýja handleggi

Síðustu átta ár hefur kínverski bóndinn Sun Jifa unnið sleitulaust að því að smíða sér gervihendur. Gervilimirnir eru nú tilbúnir og Jifa getur loks hugsað um búið sitt.

Uppvakningur í framboð - keyrir á einu máli

Uppvakningur mun tilkynna um framboð sitt til embættis forseta Bandaríkjanna á næstu dögum. Hræið, sem kallar sig A. Zombie, mun ferðast um landið á næstu dögum ásamt mennskri konu sinni.

Smálánafyrirtæki hafna 40% umsókna um lán

Haukur Örn Birgisson, hæstaréttarlögmaður, fer fyrir Útlánum, samtökum smálánafyrirtækja. Hann var gestur í útvarpsþættinum Reykjavík síðdegis á Bylgjunni í dag. Hann gaf þar álit sitt á þeirri umræðu sem sprottið hefur upp vegna smálánafyrirtækja.

Beljur, þungarokk og fjörug næturvakt í Noregi

Endurgerð á sjónvarpsþáttunum Næturvaktin verður brátt tekin til sýninga í Noregi. Stutt stikla fyrir þáttaröðina var frumsýnd í dag. Ragnar Bragason, leikstjóri og einn af höfundum Vaktaseríanna, býst við góðri skemmtun.

Ungir fíkniefnaneytendur leggja undir sig tóm hús

Fíkniefnaneytendur leggja undir sig fjölda tómra húsa á höfuðborgarsvæðinu til að stunda neyslu sína. Faðir fjórtán ára drengs sem dvalist hefur ásamt félögum sínum í tómu iðnaðarhúsi í Borgartúni segist í áfalli eftir að hafa uppgötvað hvað sonurinn hafði fyrir stafni.

Níu prófmál af 11 ekki komin til dómstóla

Aðeins tvö prófmál af ellefu, sem eiga að skera á gengislánahnútinn, eru komin inn í dómskerfið.

Spjaldtölvur virkja áhuga nemenda

Nemendur sem nota spjaldtölvur í tímum eru áhugasamari en áður um námið, betur skipulagðir og muna betur það sem þeir læra. Þetta sýnir rannsókn sem gerð var meðal nemenda sem taka þátt í tilraunaverkefni með spjaldtölvur í skóla í Reykjavík.

Hjúkrunarheimilið verður rekið með nýstárlegu sniði

Hjúkrunarheimilið Sundabúð á Vopnafirði verður rekið með öðru sniði frá og með næsta ári. Mest áhersla verður lögð á heimaþjónustu. Þjónusta við sjúklinga verður aukin að því leyti að boðið verður upp á kvöld- og helgarþjónustu.

Óttast að Pussy Riot verði beittar ofbeldi

Einn ef verjendum stúlknanna þriggja í pönkhljómsveitinni Pussy Riot sem voru dæmdar í tveggja ára fangelsi fyrir mótmælasöng í kirkju í síðustu viku varar við því að stúlkurnar muni sæta illri meðferð og ofbeldi í fangelsinu. Ein stúlknanna hefur þegar sagt frá ómannúðlegri meðferð fangelsisvarða.

Lést eftir fall úr háhýsi

Maðurinn sem féll fram af svölum í Lautasmára í Kópavogi er látinn. Læknir á slysadeild Landspítalans í Fossvogi staðfesti þetta við Vísi í dag. Samkvæmt upplýsingum sem Vísir fékk frá lögreglunni á höfuðborgarsvæðinu í dag féll hann fram af sjöttu hæð.

Thorning-Schmidt heimsækir Ísland

Helle Thorning-Schmidt, forsætisráðherra Danmerkur, kemur til landsins í opinbera heimsókn til Íslands á mánudag í næstu viku. Jóhanna Sigurðardóttir, forsætisráðherra, mun taka á móti henni á Þingvöllum og verður fundur þeirra haldinn í Þingvallabústaðnum.

Stikla úr norsku Næturvaktinni

Nú styttist í að norsk endurgerð Næturvaktarþáttanna verði sýnd á norsku sjónvarpsstöðinni TV2 og stutt kynningarmyndband eða stikla (e. trailer) er farin að birtast á stöðinni.

Brutust inn á breskar vefsíður til að mótmæla meðferð á Assange

Samtök netþrjóta, sem kalla sig Anonymous, segjast hafa brotist inn á vefsíður breskra stjórnvalda til að mótmæla afstöðu þeirra í máli Julians Assange, stofnanda WikiLeaks. Vefsíður sem samtökin segjast hafa ráðist á eru meðal annars vefsíður forsætisráðuneytisins og innanríkisráðuneytisins. Assange dvelur sem kunnugt er í sendiráði Ekvadors í London og kemst þar hvorki lönd né strönd af ótta við að breska lögreglan handtaki hann og framselji til Svíþjóðar.

Konur brugðust við auglýsingu eftir gjafaeggi

Í kjölfar þess að par auglýsti á netinu eftir gjafaeggi til að stytta biðina eftir tæknifrjóvgun höfðu konur samband við ArtMedica og lýstu sig tilbúnar að gefa egg til að greiða götu parsins. Auglýsingin bar því árangur og parið er komið með gjafa samkvæmt upplýsingum frá ArtMedica.

Lögreglumaður óvinnufær eftir að ekið var á hann

Lögreglumaður er meiddur og óvinnufær eftir að hafa komið íbúa í Elliðaárdal til hjálpar þegar hópur ungmenna réðst á hann með grjótkasti fyrir utan heimili hans í nótt.

Strætó til Akureyrar í fyrsta sinn

Strætó mun ganga frá Reykjavík til Akureyrar frá og með 2. september næstkomandi. Það verður í fyrsta sinn sem strætisvagnar ganga þá leið.

Tæplega 1200 fíkniefnabrot á þessu ári

Fíkniefnamálum hefur fjölgað á síðustu tveimur árum og sömu sögu eru að segja um brot vegna ölvunaraksturs. Þetta kemur fram í bráðabirgðatölum ríkislögreglustjóra um afbrotatíðni fyrir mánuðina janúar til júlí. Það sem af er þessu ári hafa tæplega 1200 fíkniefnabrot verið skráð hjá ríkislögreglustjóra miðað við rúmlega 900 á sama tíma og árið 2010.

Jarðskjálfti upp á 3,1 stig í Mýrdalsjökli

Jarðskjálfti upp á 3,1 stig varð norður af Hábungu í Mýrdalsjökli um klukkan sjö í morgun. Skjálftinn var á 1,1 kílómetra dýpi. Þetta kemur fram á sjálfvirkum mælum Veðurstofunnar. Nokkrir minni skjálftar hafa fylgt í kjölfarið en þeir eru allir minni en 2 stig að stærð. Þó nokkuð hefur verið um jarðskjálfta undanfarið. Á föstudag varð skjálfti upp á 3,8 á sama stað.

Pussy Riot gefa út nýtt lag um Pútín

Hafi einhver haldið að ungu konurnar í rússnesku hljómsveitinni Pussy Riot hafi látið tveggja ára fangelsisdóm slá sig út af laginu ættu þeir hinir sömu að hlusta á nýjasta lag bandsins. Lagið heitir Pútin kveikir elda og textinn fjallar um það að Rússland muni segja skilið við stjórn Pútins. Konurnar í Pussy Riot voru handteknar í febrúar þegar þær héldu pönkmessu í kirkju. Þær voru dæmdar í fangelsi í síðustu viku fyrir að raska almannafriði.

Tekjur af íslenska hestinum nema milljörðum króna árlega

Ætla má að beinar tekjur Íslendinga af íslenska hestinum séu að minnsta kosti 2,5 milljarðar króna á ársgrundvelli. Þá eru ekki meðtaldar tekjur vegna landsmóts hestamanna sem haldið er árlega. Þetta kemur fram í svari Steingríms J. Sigfússonar, sjávarútvegs- og landbúnaðarráðherra, við fyrirspurn Guðrúnar H. Valdimarsdóttur um gjaldeyristekjur af íslenska hestinum.

Ákærðir fyrir grófa árás í Breiðholti

Tveir karlmenn hafa verið ákærðir fyrir að hafa ráðist inn til karlmanns á sjötugsaldri í efra Breiðholti aðfara nótt 6. júlí síðastliðinn, og halda honum í tæpa átta klukkustundir, beita hann ofbeldi og hóta honum líkamsmeiðingum og lífláti í því skyni að ná af honum verðmætum.

Vegaframkvæmdir í Hafnarfirði í dag

Í dag verður unnið við fræsingar í Hafnarfirði, á Reykjavíkurvegi frá Flatahrauni að gatnamótum Hjallahrauns. Einnig stendur til að malbika kafla á Strandgötu, á milli Fjarðartorgs og Flensborgartorgs. Hjáleiðir verða settar upp vegna þessa.

Alltof margir reykja - fátækir kaupa sígarettur í staðinn fyrir mat

Þrátt fyrir að gríðarlegum fjármunum hefur verið eytt í herferðir gegn reykingum á síðustu árum reykja alltof margir.

Konur fá að spila á Augusta-golfvellinum

Samþykkt hefur verið að konur fái að leika golf á Augusta golfvellinum í Bandaríkjunum í framtíðinni. Augusta golfvöllurinn er þekktastur fyrir það að Masters-golfmótin eru haldin þar.

Rosie O'Donnell fékk hjartaáfall

Íturvaxna leikkonan Rosie O´Donnell sagði frá því á vefsíðu sinni í gær að hún hefði fengið hjartaáfall í síðustu viku. Í færslunni þakkar O´Donnell fyrir það að vera á lífi og lýsir atburðunum þannig að á þriðjudaginn hafi hún verið að hjálpa konu út úr bíl sínum í New York.

Sprengjuárásir kostuðu tugi lífa

Tugir manna féllu í sprengjuárásum stjórnarhersins á borgirnar Aleppo og Daraa í Sýrlandi í gær, á öðrum degi lokahátíðar föstumánaðarins ramadan.

Fylgst með störfum lögreglunnar á Suðurnesjum

Nóg var að gera hjá lögreglunni á Suðurnesjum um helgina eins og Sindri Sindrason í Íslandi í dag fékk að kynnast þegar hann fylgdi lögreglumönnum heila nótt. Ölvunarakstur, slagsmál og hávaðaútköll var á meðal þess sem lögreglumennirnir þurftu að glíma við. Í kvöld fylgist Ísland í dag með landamæralögreglunni á Keflavíkurflugvelli. Endilega horfið á fróðlegan þátt sem sýndur var á Stöð 2 í gær í meðfylgjandi myndskeiði.

Talið að maður hafi fallið af sjöttu hæð húss

Karlmaður slasaðist alvarlega þegar hann féll fram af svölum háhýsis við Lautasmára í Kópavogi snemma á ellefta tímanum í morgun. Hann var hálf meðvitundarlaus þegar lögregla og sjúkraflutningamenn komu á vettvang og er nú búið að flytja hann á slysadeild. Talið er að maðurinn hafi jafnvel fallið af sjöttu hæð, en málið er í frumrannsókn og því ekki nánar vitað um tildrög slyssins á þessari stundu.

Ætla ekki að vera hefðbundnir stjórnmálamenn

Í nýjum samstarfssamning bæjarstjórnar í Grindavík kemur fram að ekki verði unnið eftir hefðbundnum vinnubrögðum í stjórnmálum þar sem meirihluti keyrir mál í gegn í krafti fjöldans án aðkomu minnihluta. Þetta kemur fram á fréttavef Víkurfrétta.

Besta túlkunin á mannréttindum í ljósmynd

Friðrik Halldór Kristjánsson, þroskaþjálfi, hlaut fyrstu verðalun í ljósmyndasamkeppni mannréttindaskrifstofu Reykjavíkurborgar sem haldin var til að vekja athygli á mannréttindum almennt og mikilvægi þess að borgarbúum sé ekki mismunað. Myndin nefnist Það þurfa ekki allir að vera eins og sést hér til hliðar.

Fjölskyldan segir Scott ekki hafa verið með ólæknandi krabbamein

Fjölskylda Tony Scott, sem svipti sig lífi í gær, segir að hann hafi ekki verið með ólæknandi heilakrabbamein líkt og fjölmiðlar vestanhafs fullyrtu í gær. Blaðið The Los Angeles Times hefur eftir lögreglustjóra í borginni að fjölskyldan hafi tjáð lögreglu þetta.

Breiður af kóral við Ísland

Í neðansjávarmyndatökuleiðangri Hafrannsóknastofnunar fundust ýmsar tegundir af sjaldgæfum kórölum og margs konar dýrategundir við Ísland. Sumar lífverurnar hafa sjaldan eða aldrei verið myndaðar hér við land áður.

Forseti Ekvadors óttast ekki innrás Breta í sendiráðið

Bretland væri að fremja diplómatískt sjálfsmorð ef þeir myndu reyna að ráðast inn í sendiráð Ekvadors í London. Þetta segir Rafael Correa, forseti Ekvadors, í samtali við ríkissjónvarpsstöð landsins. Assange hefur verið í sendiráðinu frá því í júní og var veitt pólitískt hæli í Ekvador í síðustu viku. Bretar hafa sagst ætla að framselja hann til Svíþjóðar, þar sem hann er grunaður um kynferðisglæpi, en hann óttast að Svíar muni framselja sig til Bandaríkjanna.

Forsætisráðherra Eþíópíu látinn

Meles Zenawi, forsætisráðherra Eþíópíu, lést í nótt fimmtíu og sjö ára að aldri. Hann lést eftir langvarandi veikindi. Hann hafði ekki sést opinberlega í margar vikur. Hann hafði verið við völd í landinu síðan á tíunda áratug síðustu aldar - fyrst sem forseti og síðar sem forsætisráðherra.

Grikkir þurfa enn á ný meiri aðstoð

Seðlabanki Evrópusambandsins segir að það yrði öllum ríkjum Evrópusambandsins dýrkeypt ef Grikkir hrektust úr evrusamstarfinu. Þýskir ráðamenn þverneita enn að veita Grikkjum meira svigrúm til að ná endum saman.

Fékk hliðarspegil í sig og handleggsbrotnaði

Aðeins munaði hársbreidd að verr færi þegar bíl var ekið utan í gangandi vegfaranda á Bústaðavegi við Veðurstofuna um klukkan eitt í nótt. Talið er að spegill bílsins hafi slegist utan í manninn með þeim afleiðingum að hann handleggsbrotnaði og var fluttur á slysadeild. Ekki kemur fram í skeyti frá lögreglu hvort ökumaðurinn nam staðar, en slæmt skyggni og rigningarúði var á vettavangi þegar þetta gerðist.

Gunnar Andersen ákærður

Embætti ríkissaksóknara hefur gefið út ákæru á hendur Gunnari Andersen, fyrrum forstjóra Fjármálaeftirlitsins (FME), og starfsmanni Landsbankans fyrir brot á þagnarskyldu með því að brjóta bankaleynd, samkvæmt heimildum Fréttablaðsins. Gunnar hefur auk þess verið ákærður fyrir brot í opinberu starfi. Ákæran var gefin út um miðjan júlí síðastliðinn. Brot á þagnarskyldu getur varðað allt að þriggja ára fangelsi.

Sala án áfengisgjalds ekki upplýst af ÁTVR

ÁTVR neitar að upplýsa um sölu á áfengi á kostnaðarverði til ríkisstofnana. Aðeins menntamálaráðuneytið og forsetaembættið hafa svarað Fréttablaðinu um innkaupin frá því fyrirspurn var send viðkomandi aðilum um miðjan júlí.

Obama hótar stjórnvöldum í Sýrlandi

Barack Obama, bandaríkjaforseti, varaði Bashar Assad, forseta Sýrlands, við því í gær að nota efnavopn gegn uppreisnarmönnum í landinu. Harðir bardagar hafa geisað í landinu síðustu mánuði á milli stjórnarhersins og uppreisnarmanna.

Borguðu með koníaksflösku, gjafabréfi og saltfiskhnökkum

Leiga fyrir afnot á túnum og kornökrum er orðin gríðarlega há og heyrst hafa tölur upp á 350 þúsund krónur fyrir leigu á kornakri yfir veiðitímabilið, segir umfjöllun um málið, sem veiðiklúbburinn Hólkarnir hafa sent Fréttastofu.

Stökk út úr sjúkrabílnum og fór aftur að djamma

Karlmaður á fertugsaldri var sleginn með glasi á skemmtistað í miðborg Reykjavíkur á Menningarnótt. Maðurinn var blóðugur eftir árásina og var fluttur með sjúkrabíl á slysadeild. Sá slasaði komst hins vegar ekki undir læknishendur því á leiðinni stökk hann út úr sjúkrabílnum. Þetta átti sér stað á fjölförnum gatnamótum en þrátt fyrir leit fannst maðurinn ekki aftur. Klukkutíma eftir þetta var óskað eftir aðstoð lögreglu á skemmtistað í miðborginni en þá hafði fyrrnefndur maður snúið þangað aftur. Enn á ný var honum komið í sjúkrabíl og í þetta skiptið tókst að koma manninum á leiðarenda þar sem hægt var að gera að sárum hans.

Átök í Elliðarárdal í nótt - átta piltar köstuðu grjóti að íbúa

Átta ungir karlmenn hófu grjótkast að húsráðanda í Elliðaárdal þegar hann ætlaði að hafa tal af þeim fyrir utan heimili sitt í nótt. Hann komst ómeiddur undan og hringdi á lögreglu, en þegar lögreglumaður kom á vettvang ætlaði einn árásarmaðurinn að komast undan á bíl.

Danir kaupa danskan bjór í Þýskalandi

Nær sex af hverjum tíu Dönum hafa síðastliðið ár keypt bjór og gosdrykki í verslunum í Þýskalandi rétt við landamæri Danmerkur, að því er niðurstöður könnunar dönsku kaupmannasamtakanna sýna.

Aukið eftirlit með verði og ráðgjöf banka

Umboðsmaður neytenda í Danmörku á í framtíðinni að fá möguleika til að fylgjast með verðstefnu bankanna. Þar með munu bankar fara undir sama hatt og seljendur notaðra bíla, útvarpa, reiðhjóla og alls mögulegs annars. Á fréttavef Politiken segir að þetta sé liður í víðtækri áætlun danskra stjórnvalda um aukið gagnsæi í neytendamálum.