Þýska leyniþjónustan stjórnar njósnum gegn sýrlenska hernum

Þýskir og breskir fjölmiðlar hafa greint frá því að það sé þýska leyniþjónustan sem stjórni njósnum Vesturveldanna gegn sýrlenska hernum.

Ísak nálgast fellibylsstyrk, skellur á New Orleans í kvöld

Hitabeltisstormurinn Ísak er við það að ná fellibylisstyrk. Barack Obama Bandaríkjaforseti hefur lýst yfir neyðarástandi í Louisiana en reiknað er með að Ísak skelli á borgina New Orleans í kvöld. Þá verða liðin nákvæmlega sjö ár frá því að fellibylurinn Katrina lagði stóran hluta borgarinnar í rúst.

1,5 milljónir tonna af makríl við Ísland

Um 5,1 milljón tonna af makríl mældist í sex vikna rannsóknarleiðangri Íslendinga, Færeyinga og Norðmanna í sumar og þar af 1,5 milljónir tonna innan íslenskrar efnahagslögsögu. Það er um 29% af heildarmagninu á rannsóknasvæðinu, að því er Hafrannsóknastofnun greinir frá.

Skattamál Helle Thorning Schmidt í brennidepli

Skattamál Helle Thorning Schmidt forsætisráðherra Danmerkur er aftur komið í sviðsljósið vegna máls sem tekið verður fyrir í réttarsal í Söborg í dag.

Helmingur tekna Hörpunnar rennur til Reykjavíkurborgar

Pétur J. Eiríksson, stjórnarformaður Portusar, eignarhaldsfélags Hörpu, segir að verði fasteignagjöldin af Hörpu ekki lækkuð sé það vandamál sem eigendurnir, ríki og Reykjavíkurborg, þurfi að glíma við.

Sá eftirlýsti er enn ófundinn

Steinar Aubertsson, 29 ára maður sem íslensk lögregluyfirvöld lýstu eftir með aðstoð Interpol í lok júní vegna fíkniefnamáls, er enn ófundinn. Fjórir hafa verið ákærðir fyrir þátt sinn í málinu, en hann er ekki þeirra á meðal.

Talibanarnir myrtu sautján veislugesti

Skæruliðar talibana í Afganistan drápu sautján manns, þar af tvær konur í árás í gleðskap á sunnudag. Líkin fundust í vegarkanti, margir höfðu verið afhöfðaðir.

Merkel vill breyta sáttmála ESB

Angela Merkel Þýskalandskanslari vill kalla leiðtoga Evrópusambandsins (ESB) saman fyrir lok árs til að ná saman um breytingu á sáttmála sambandsins. Þetta kemur fram í þýska blaðinu Spiegel og vefurinn Euobserver segir frá. Óvíst er hvort Merkel verði að ósk sinni en hún hefur áður lýst yfir vilja til frekari pólitískrar samþættingar ESB-ríkja í skiptum fyrir frekari samruna í efnahagsmálum til að vinna gegn skuldavandanum á evrusvæðinu.

Úrskurður í máli Rachel Corrie í dag

Dómstóll í Ísrael mun í dag kveða upp úrskurð í máli foreldra Rachel Corrie sem beið bana á Gaza-ströndinni árið 2003 þegar hún mótmælti eyðileggingu Ísraela á palestínskum heimilum. Rachel Corrie stóð í veginum fyrir jarðýtu og kramdist til bana þegar ýtan ók yfir hana.

Vændisfólk í bílskúr sendiráðsins

Tveir starfsmenn kanadísku stjórnarinnar hafa verið í Kaupmannahöfn til að rannsaka meint misferli í sendiráði Kanada í borginni, svo sem misnotkun á eignum sendiráðsins, kynþáttafordóma, einelti, ráðningu svarts vinnuafls og vændi í bílskúr sendiráðsins. Öryggisvörður er sagður hafa sést á myndbandsupptöku með vændisfólk í sendiráðsbíl sem lagt hafði verið í bílskúr sendiráðsins.

Stórtapaði á öryggisgæslu

Til stendur að rannsaka öryggisgæslufyrirtækið G4S, en það sá um gæslu á Ólympíuleikunum í London. Gríðarlegt tap varð af því verkefni, en fyrirtækið gat aðeins útvegað 7 þúsund verði af þeim 10.400 sem samið hafði verið um. Guardian greinir frá þessu.

Íslenskur snekkjugerðarmaður ákærður fyrir skjalafals í Dúbaí

Rétt rúmlega fertugur snekkjusmiður frá Íslandi hefur verið ákærður fyrir skjalafals í Sameinuðu arabísku furstadæmunum en hann gengur nú laus gegn tryggingu sem hljóðar upp á tæplega tvær milljónir íslenskrar króna.

Bílstjórinn sem taldi vitlaust miður sín

"Að sjálfsögðu er þetta óheppilegt mál en bílstjórinn gerði þetta rétt og stóð sig vel. En mannleg mistök geta átt sér stað,“ sagði Kristján Daníelsson, framkvæmdastjóri Kynnisferða, í viðtali við Reykjavík síðdegis á Bylgjunni í dag, en bílstjóri hjá fyrirtækinu taldi vitlaust ferðamenn sem voru að ferðast með rútunni með þeim afleiðingum að hátt í 50 einstaklingar voru kallaðir út til þess að leita að konunni á laugardaginn síðasta.

Ógnin sem birtist Armstrong - Víti til varnaðar

Gígur í Öskju, sem Neil Armstrong skoðaði á Íslandi sumarið 1967, var nauðalíkur gíg á tunglinu sem honum tókst með snarræði að forðast í lendingu tunglferjunnar tveimur árum síðar. Íslandsleiðangur NASA hafði þannig raunverulega þýðingu í að hjálpa geimförunum að kynnast hættunum sem biðu þeirra á tunglinu.

Kona um sextugt sagði Tinnu Rós að skjóta sig í höfuðið

"Svo sannarlega og ég hef fengið að kynnast því," svarar Tinna Rós Steinsdóttir, blaðamaður á Fréttablaðinu sem skrifaði pistil í Fréttablaðið á laugardaginn undir fyrirsögninni "Ósjálfbjarga og elska það" þegar útvarpsmenn í Reykjavík síðdegis á Bylgjunni spurðu hana hvort það væri dýrkeypt að viðra skoðanir sínar um jafnréttismál.

Segir ráðninguna ekki pólitíska

Ekki var auglýst eftir sérfræðingi í þróunarmálum heldur lögð áhersla á að fá mann með reynslu úr stjórnkerfinu til að stýra verkefni í Malaví. Þetta segir framkvæmdastjóri Þróunarsamvinnustofnunar um umdeilda ráðningu. Hann neitar afskiptum ráðherra.

Íslendingar í New Orleans búa sig undir fellibyl

Neyðarástandi hefur verið lýst yfir í fjórum fylkjum Bandaríkjanna vegna hitabeltisstormsins Ísaks. Spáð er að hann nái landi annað kvöld. Íslenskur námsmaður í New Orleans ætlar að vera um kyrrt á á heimili sínu meðan Ísak fer yfir, og telur líf sitt ekki í hættu.

Skemmdi tímatöflu út af of stundvísum strætisvagni

Skemmdarverk á biðskýlum strætós á höfuðborgarsvæðinu eru ekki ný af nálinni og lögreglan er stundum kölluð út vegna þessa.

Klemmdi fingur í Selfossi

Að morgni fimmtudags í síðustu viku var tilkynnt um vinnuslys um borð í flutningaskipinu Selfossi þar sem skipið lá við bryggju í Vestmannaeyjahöfn. Einn af skipverjunum hafði klemmt fingur á milli flutningagáms og spredda þannig að hann fékk sár á fingurinn og þurfti að leita á slysadeild.

Fjórir búnir að missa prófið og tveir aldrei fengið það

Átján ökumenn voru teknir fyrir ölvunar- og fíkniefnaakstur á höfuðborgarsvæðinu um helgina. Sextán þeirra voru stöðvaðir í Reykjavík og einn í Kópavogi og Hafnarfirði. Um er að ræða tólf karla á aldrinum 21-51 árs og sex konur, 19-41 árs. Fjórir þessara ökumanna höfðu þegar verið sviptir ökuleyfi og tveir hafa aldrei öðlast ökuréttindi.

Fjögurra mánaða fangelsi fyrir kannabisrækt

Karlmaður var í dag dæmdur í fjögurra mánaða fangelsi í Héraðsdómi Suðurlands í dag fyrir að hafa haft tæplega 100 kannabisplöntur í vörslu sinni í Smáratúni. Fíkniefnin fundust við húsleit lögreglu í byrjun apríl. Maðurinn mætti við þingfestingu málsins og lýsti yfir að hann óskaði ekki eftir skipun verjanda. Ákærði viðurkenndi skýlaust að hafa gerst sekur um þá háttsemi sem honum er gefin að sök í ákæru. Samkvæmt sakavottorði hefur maðurinn ellefu sinnum áður sætt refsingu, þar af fjórum sinnum fyrir brot á ávana- og fíkniefnalöggjöf.

Íslendingur lést í vinnuslysi

Íslenskur karlmaður á þrítugsaldri lést í vinnuslysi í Noregi á laugardaginn. Utanríkisráðuneytið staðfesti þetta við fréttastofu í dag en nánari upplýsingar fást ekki um slysið að svo stöddu.

Leit hætt - ljónið líklega villiköttur

Leit hefur verið hætt að ljóni sem leitað hefur verið að síðasta sólarhring í sveitarfélaginu Essex á suð-austur Englandi. Vopnaðir lögreglumenn hafa leitað að kisa bæði úr lofti og á landi.

Spáir Of Monsters and Men góðu gengi

Blaðamaður Guardian spáir íslensku hljómsveitinni Of Monsters and Men góðu gengi. Hann var viðstaddur tónleikahátíð í Leeds í Englandi á föstudag. Þar kom hljómsveitin fram. Blaðamaðurinn, Dave Simpson, segir að hresst og gleðilegt lag hljómsveitarinnar, sem hafi fjallað um úlfa og skóga hafi fengið góðar undirtektir fólk jafnvel tekið undir trompettsóló.

Missti stjórn á krossaranum og slasaðist

Karlmaður á þrítugsaldri féll um helgina af bifhjóli sínu við mótorkrossbrautina í Sandgerði og slasaðist á fæti. Slysið vildi til með þeim hætti að maðurinn hjólaði ofan í poll og missti við það stjórn á hjólinu. Hann var fluttur með sjúkrabifreið á Heilbrigðisstofnun Suðurnesja þar sem gert var að meiðslum hans.

Geit og lömb á vappi á Suðurnesjum

Tilkynnt var um lausa get á vappi á Suðurnesjum í gær. Þegar lögregla kom á staðinn reyndist um eina geit og tvö lömb að ræða, sem eiga heimkynni sín í litlum húsdýragarði sem er í Víkingaheimum í innri Njarðvík. "Starfsfólk húsdýragarðsins vildi gleðja dýrin og hafði hleypt þeim í gott og safaríkt gras rétt hjá garðinum, þar sem þau hámuðu í sig undir stöðugu eftirliti starfsmanna. Málið leystist því að sjálfu sér og þess má geta að landnámsdýrin í húsdýragarðinum hafa glatt augu fjölmargra barna og fullorðinna,“ segir í tilkynningu frá lögreglu.

Þjóðgarðsvörður fylgir forsætisráðherrum um Þingvelli

Ólafur Örn Haraldsson, þjóðgarðsvörður á Þingvöllum, fékk það hlutverk að sýna Helle Thorning Schmidt þjóðgarðinn þegar hún kom þangað um eittleytið í dag. Thorning-Schmidt skoðaði meðal annars nýja göngubrú yfir Almannagjá. Hún og Jóhanna Sigurðardóttir, forsætisráðherra Íslands, munu svo funda saman í Þingvallabústaðnum á eftir.

Geimfarar sváfu undir berum himni í vikurdyngjum Öskju

Bandarísku geimfararnir sem æfðu á Íslandi sumarið 1967 fyrir tunglferðirnar völdu flestir að sofa undir berum himni í Öskju fremur en í tjöldum. "Það var afskaplega gott veður, hlýtt og lygnt," segir Sverrir Pálsson, ljósmyndari á Akureyri, um aðstæður þessa júlídaga inni á hálendi Íslands fyrir 45 árum í gróðurauðninni norðan Vatnajökuls. Tjaldbúðum var komið upp í Drekagili í Öskju, þar sem nú eru skálar Ferðafélags Akureyrar, en þeir eru í 780 metra hæð yfir sjávarmáli. "Þeir gistu fæstir í tjöldum. Flestir völdu að sofa úti og hafa himininn sem sæng," segir Sverrir þegar hann rifjar upp þessa daga í tilefni af

Bíll féll ofan á mann

Það óhapp átti sér stað í Grindavík um helgina að bíll féll ofan á mann. Atvikið átti sér stað með þeim hætti að maðurinn hafði tjakkað bílinn upp til að laga bensíntank hans. Talið er að bíllinn hafði lent á bringu mannsins. Þegar lögreglan á Suðurnesjum kom á vettvang var verið að flytja manninn í sjúkrabifreið á Heilbrigðisstofnun Suðurnesja. Meiðsli hans voru talin minni háttar.

Má ekki tala um ESB af léttúð

Katrín Jakobsdóttir varaformaður Vinstri Grænna segir að flokksmenn megi ekki ráðast á hvert annað vegna ESB málsins. Hún segist ekki tala um málið af léttúð og flokksmenn þurfi að horfa á málefnið frekar en einstaklinga og persónur.

Ljósleiðari á Reykjanesi bilaður

Bilun hefur komið upp í ljósleiðara Mílu á Reykjanesi, milli Keflavíkur og Hvaleyri. Bilanagreining stendur yfir og í kjölfarið verður hafist handa við viðgerð, að því er fram kemur í tilkynningu frá Mílu.

Mesta frost í þrjátíu ár

Kuldamet í ágúst eru nú að taka við af hitametunum fyrr í mánuðinum og viðbúið er að ber hafi víða skemmst í næturfrosti undanfarna sólarhringa.

Þráðlaus sjúkdómsgreining á tíu mínútum

Geimferðastofnun Kanada þróar nú flæðismásjá sem getur greint helstu sjúkdóma á nokkrum mínútum, og það þráðlaust í þokkabót.

Forsætisráðherra Danmerkur lendir í hádeginu

Helle Thorning-Schmidt, forsætisráðherra Danmerkur, kemur til landsins í opinbera heimsókn í dag. Flugvél hennar lendir á Reykjavíkurflugvelli rétt fyrir klukkan tólf.

Fráleitt að birta laun fólks

"Við viljum bara vekja athygli á því hversu fráleitt það er að birta viðkvæmar persónuupplýsingar um laun hvers einasta manns á landinu," segir Davíð Þorláksson, formaður Sambands ungra sjálfstæðismanna. Félagið skorar á stjórnvöld og fjölmiðla að hætta að birta laun almennra borgara, líkt og tíðkast hefur síðustu ár.

Náði í 32 lög af netinu og þarf að greiða 82 milljónir

Dómstólar í Bandaríkjunum hafa hafnað kröfu Joels Tenenbaum um að mál hans verði tekið fyrir á ný.

Óhugnaður í Afganistan

Fimmtán karlmenn og tvær konur voru hálshöggvin í suðvestur Afganistan í nótt. Lík þeirra fundust í vegkanti nótt.

Tveir ungir piltar drukknuðu við Skotland

Tveir ungir piltar, þriggja og fimm ára, létust eftir að kanó sem þeir voru á fór á hvolf undan norðvestur strönd Skotlands í gærkvöld.

Ljón í Essex

Lögreglan í Essex í Bretlandi leitar nú að ljóni sem talið er vera á svæðinu. Vopnaðir lögreglumenn leituðu að kattardýrinu í nótt en tvær þyrlu aðstoðuðu við leitina. Tilkynnt var um dýrið í gær en í fyrstu var talið að um gabb væri að ræða.

Grábjörn drap og át göngumann

Grábjörn réðst á og drap göngumann í þjóðgarði í Alaska í gær. Er þetta í fyrsta sinn sem björn verður manni að bana á svæðinu.

Ben Stiller kafaði í Silfru

Bandaríski gamanleikarinn Ben Stiller virðist njóta sín vel á Íslandi en tökur á nýjustu kvikmynd hans munu fara fram í Stykkishólmi á næstu vikum.

Kynlífsverkfall í Tógó

Mannréttindasamtök í Tógó hvetja nú konur landsins til að neita karlmönnum um kynlíf í eina viku. Er þetta gert í mótmælaskyni við forseta landsins en þess er krafist að hann segi af sér.

Tilraun til ráns í 10-11

Tveir átján ára piltar, vopnaðir hnífum og með hettur á höfði, gerðu tilraun til að fremja rán í verslun 10-11 við Arnarbakka í Reykjavík laust fyrir klukkan ellefu í gærkvöldi.

Enn loga eldar í Venesúela

Enn loga eldar í olíuhreinsistöðinni sem sprakk í Venesúela í gær. Slökkviliðsmenn berjast nú við elda tveimur olíugeymum.

Ferskur fiskur olli lokunum á Reykjanesbrautinni

Loka þurfti Reykjanesbrautinni á móts við Kaplakrika á sjöunda tímanum í morgun eftir að ferskur fiskur hafði dreifst þar um allt.