Ætlar ekki að gefa kost á sér til biskups

"Ég var að spá í það en ég alveg búinn að gefa það frá mér núna,“ segir séra Þórhallur Heimisson, sóknarprestur við Hafnarfjarðarkirkju, aðspurður hvort að hann ætli að gefa kost á sér til embættis biskups. Nafn hans hefur dúkkað upp í umræðunni um hugsanlega frambjóðendur til embættisins en Karl Sigurbjörnsson, biskup, mun láta af embætti í sumar.

Leiða vatn til átöppunar í Kópavogi

Fyrirtækið Catco vatn ehf. hefur fengið heimild bæjaryfirvalda í Kópavogi til að leggja vatnslögn frá aðveituæð Orkuveitunnar í Reykjavík að iðnaðarhúsnæði í Kópavogi.

Ræða uppsögn kjarasamninga

Skiptar skoðanir eru um það innan verkalýðshreyfingarinnar hvort segja skuli upp gildandi kjarasamningum. Endurskoðunarnefnd Alþýðusambandsins þarf að skila ákvörðun í dag um það hvort sambandið hyggst virkja endurskoðunarákvæði kjarasamninganna.

Grænt ljós á búfjárrækt í Skutulsfirði

Beitartilraun í nágrenni við sorpbrennslustöðina Funa í Skutulsfirði sýnir að svæðið hentar aftur til búfjárhalds. Matvælastofnun ætlar að aflétta banni á nýtingu fóðurs. Bóndinn í Efri-Engidal segir það litlu breyta og leitar réttar síns.

Sú sem rannsakaði fjöldamorðin í Útey sagði upp störfum

Janne Kristiansen, yfirmaður norsku öryggislögreglunnar, tilkynnti dómsmálaráðherra landsins í nótt að hún ætlaði að segja upp störfum. Ástæðan ku vera hugsanlegt brot á þagnarskyldu Kristansen var spurð að því af þingmanninum Akhatar Chaudry á norska þinginu í gær hvort að öryggislögreglan myndi starfa með pakistönsku leyniþjónustunni.

Meirihluti vill staðgöngumæðrun

Velferðarmál Alþingi samþykkti í gær þingsályktunartillögu um staðgöngumæðrun með 33 atkvæðum gegn þrettán. Fjórir þingmenn sátu hjá og aðrir voru fjarverandi.

Unnið að frávísunartillögu

Þingflokkar funduðu í gær um tillögu Bjarna Benediktssonar um að draga ákæru á hendur Geir H. Haarde til baka. Tillagan verður til umræðu á morgun og hefur hún valdið miklum titringi innan stjórnarflokkanna.

Íbúar við Tjarnargötu andmæla gistiheimili

Heilbrigðiseftirlit Reykjavíkur hafnar ásökunum íbúasamtaka um losaraleg vinnubrögð í framkvæmd reglugerða um gististaði. Eftirlitið er þó samstiga íbúunum í að skora á borgaryfirvöld að koma böndum á gististaði í íbúðabyggð.

Helmingur lýtalækna svaraði ekki

Helmingur þeirra lýtalækna sem landlæknisembættið krafði upplýsinga um brjóstastækkanir hefur ekki svarað formlega. Frestur til svara rann út 13. janúar síðastliðinn.

Skerpa lög um peningaþvætti

Steingrímur J. Sigfússon, efnahags- og viðskiptaráðherra, mælti í gær á Alþingi fyrir frumavarpi um breytingu á lögum um aðgerðir gegn peningaþvætti. Skerpt er á skilgreiningum á persónuskilríkjum og því hver sé raunverulegur eigandi bankareikninga.

Heitt sumar veldur köldum vetri

Hækkandi hitastig yfir sumartímann gæti valdið því að veturnir verði kaldari og snjóþyngri, samkvæmt nýrri kenningu umhverfisvísindamanna. Þeir telja þetta líklega skýringu á öfgafullu veðurfari á norðurhveli jarðar á undanförnum árum.

Meira en 20 er enn saknað

Enn er 23 manna saknað en ellefu að auki hafa fundist látnir í skemmtiferðaskipinu Costa Concordia, sem strandaði við Ítalíu um síðustu helgi.

Vetrarfæri um allt land

Vetrarfæri eru um allt land , víða þæfingur og sumstaðar ófært, þannig að mikil vinna bíður Vegagerðarmanna í dag við snjóruðning og hálkuvörn.

Dvínandi líkur á uppsögn kjarasamninga

Dvínandi líkur eru á því að kjarasamningum verði sagt upp vegna vanefnda stjórnvalda á fyrirheitum, sem gefin voru við undirritun samninganna.

Strand Costa Concordia dýrasta sjóslys sögunnar

Talið er að strand Costa Concordia við eyjuna Giglio á Ítalíu sé dýrasta sjóslys sögunnar.

Náttúruhamfarir kostuðu um 30.000 mannslíf í fyrra

Náttúruhamfarir kostuðu um 30.000 jarðarbúa lífið á síðasta ári. Fjárhagstjón af völdum þeirra er hið mesta í sögunni á einu ári en það er metið upp á um 366 milljarða dollara eða sem svarar til 45.000 milljarða króna.

Fjórir jarðskjálftar við Hellisheiðarvirkjun

Fjórir jarðskjálftar upp á einn komma þrjá til tvo á Richter, urðu norð-norðvestur af Hellisheiðarvirkjun í gær. Sá snarpast um klukkan hálf sjö í gærkvöldi.

Gefa lítið fyrir endurskoðunina

sjávarútvegurHafrannsóknastofnun telur ekki ástæðu til að endurskoða tillögurnar um aflamark í ýsu fyrir fiskveiðiárið 2011/2012. Landssamband smábátaeigenda (LS) gefur lítið fyrir vinnubrögð Hafrannsóknastofnunar.

FIFA krefst þess að bjórsala verði leyfð á HM í Brasilíu

Alþjóðaknattspyrnusambandið FIFA hefur krafist þess að bjór verði seldur á öllum leikvöngum þar sem Heimsmeistarakeppnin í fótbolta fer fram í Brasilíu árið 2014.

100 ár liðin frá ferð Robert Scott á Suðurpólinn

Í þessari viku voru liðin 100 ár frá örlagaríkum leiðangri breska landkönnuðarins Robert Scott á Suðurpólinn.

Kennari átti óvænt 120 milljarða inn á bankareikningi

Grunnskólakennari á Indlandi varð fyrir töluverðu áfalli í vikunni þegar hann athugaði stöðuna á bankareikingi sínum. Í ljós kom að innistæðan var nær 500 milljarðar rúpía eða yfir 120 milljarðar króna.

Útlit fyrir aukinn viðbúnað á Þjóðhátíð

Útlit er fyrir að viðbúnaður og gæsla verði aukin fyrir næstu Þjóðhátíð í Eyjum í ljósi þess að að minnsta kosti fimm konur tilkynntu um nauðgun þar á síðasta ári.

Norðmenn æfir af reiði út í dönsku dómarana

Norðmenn eru æfir af reiði út í dönsku dómarana á leik Íslands og Noregs sem Ísland vann með tveimur mörkum í gærkvöldi. Norðmenn telja að dómararnir hafi haft af þeim víti á lokamínútinni í leiknum.

Systurskipin voru aflahæst

Einni lengstu humarvertíð hér á landi lauk rétt fyrir jól, að því er aflafrettir.com greina frá. Systurskipin Þórir SF og Skinney SF voru aflahæst; Þórir með tæp 320 tonn og Skinney 318 tonn.

Fréttaskýring: Ágreiningur um öll grundvallaratriðin

Rökræður forsvarsmanna fjórflokksins um sjávarútvegsmál í gær staðfestu að breytingar á stjórn fiskveiða verður stærsta og erfiðasta mál Alþingis í vetur.

Flestir vilja koma aftur

Erlendir ferðamenn dvöldu að jafnaði 10,2 nætur á Íslandi sumarið 2011 og ferðuðust langflestir, eða 79,6 prósent, á eigin vegum. Þetta er meðal þess sem fram kemur í könnun sem Ferðamálastofa fékk MMR til að gera meðal erlendra ferðamanna hér á landi í fyrrasumar.

FBI býður 1 milljón dollara fyrir Gerena

Aðeins einn af þeim sem eru á lista FBI yfir þá tíu sem eru efstir á lista yfir eftirlýsta glæpamenn er verðlagður á eina milljón dollara, ef þannig má að orði komast. Bandaríska alríkislögreglan býður eina milljón dollara, tæplega 130 milljónir króna, fyrir upplýsingar sem leiða til handtöku Victors Manuels Gerena.

Þvertekur fyrir að skila afturenda Saddam Hussein

Yfirvöld í Írak heimta að fyrrverandi hermaður breska hersins skili afturenda Saddam Husseins hið fyrsta. Maðurinn gefur lítið fyrir óskir stjórnvalda í Írak.

Hungraður sebrahestur bragðaði á stúlku

Sebrahestur nartaði í stúlku eftir að hafa fengið að bragða á gómsætum kartöfluflögum. Vitanlega var félagi stúlkunnar með snjallsíma á lofti og náðist atvikið því á myndband.

Skipstjóri Concordia segist hafa dottið í björgunarbátinn

Skipstjóri skemmtiferðaskipsins Costa Concordia heldur því fram að hann hafi hrasað á þilfari skipsins og þannig dottið í björgunarbát sem ferjaði fólk á þurrt land.

Ritstjóri Eyjunnar hættur

Karl Th. Birgisson hefur ákveðið yfirgefa ritstjórastól Eyjunnar. Persónulegar ástæður liggja að baki ákvörðuninni og þakkar hann útgefendum og lesendum síðunnar ánægjulega samfylgd.

Nærmynd af Heiðu Kristínu

Heiða Kristín Helgadóttir ætlaði að verða annað hvort Bandaríkjaforseti eða forsætisráðherra Íslands. Hún stýrði Besta flokknum til sigurs í borginni en undirbýr nú Bjarta framtíð fyrir Alþingiskosningar árið 2013.

Náði mynd af andliti í Norðurljósunum

Hinn tuttugu og fimm ára gamli ljósmyndari, Jonathan Tucker, náði ótrúlegri mynd af Norðurljósunum á dögunum. Tucker var staddur í Kanada þegar hann tók myndina en þegar hann kom heim tók hann eftir því að andlit sést mótað í ljósunum. Myndin var tekin í Yukon en á henni sést mótað fyrir nefi, kinnum og brosandi munni í grænu ljósunum.

Sigríður vill efla lýðræðið innan Þjóðkirkjunnar

Sigríður Guðmarsdóttir, sóknarprestur í Grafarholti, ætlar að gefa kost á sér til embættis biskups. Hún segir að kirkjan þurfi alltaf á siðbót að halda og framundan sé mikil þörf á miklu umbótartímabili í Þjóðkirkjunni.

Hleraður í hálft ár

Annar höfuðpauranna í stærsta fíkniefnamáli síðasta árs var hleraður af lögreglu í rúmt hálft ár áður en hann var handtekinn í október. Hann neitaði sök við þingfestingu málsins í Héraðsdómi Reykjavíkur í morgun.

Fíkniefnasali tekinn í Kópavogi

Lögreglan á höfuðborgarsvæðinu fann fíkniefni við húsleit í Kópavogi í gærkvöld. Karl á þrítugsaldri var handtekinn í þágu rannsóknarinnar og viðurkenndi hann að fíkniefnin, marijúana og kókaín, hefðu verið ætluð til sölu. Þá tók lögregla líka í sína vörslu töluvert af peningum sem grunur leikur á að séu tilkomnir vegna fíkniefnasölu.

Stal vöruflutningabíl fullum af vodka

Atvinnulaus Rússi stal vöruflutningabíl fullum af vodka og öðru áfengi í Rússlandi nýlega en lögreglan stöðvaði hann þó áður en hann náði að taka sjúss af einni flösku.

Sigríður vill verða biskup

Sigríður Guðmarsdóttir, sóknarprestur í Grafarholti, ætlar að gefa kost á sér til embættis Biskups Íslands. Þetta kom fram í síðdegisútvarpinu á Rás 2 nú fyrir stundu.

Nýr biskup mun taka við í lok júní

Stefnt er að því að vígja nýjan biskup á prestastefnu sem fram fer um Jónsmessu í júní. Karl Sigurbjörnsson biskup hefur beðist lausnar frá embætti þann 30. júní. Kjörnefnd tekur nú til starfa vegna fyrirhugaðra biskupskosninga. Stefnt verður að því að leggja fram kjörskrá sem miðast við 1. febrúar næstkomandi, samkvæmt ákvörðun Kirkjuráðs í dag.

Bæjarfulltrúar svara 100 körlum: Ofbeldi er aldrei líðandi

Bæjarfulltrúar í Vestmannaeyjum hafa svarað karlmönnunum hundrað sem sendu bréf til bæjarstjóranum í Vestmannaeyjum, lögreglustjóranum í Vestmannaeyjum og framkvæmdastjóra ÍBV spurningar um það kynferðisofbeldi sem framið hefur verið á Þjóðhátíð í Vestmannaeyjum og hvaða áhrif það gæti haft á fyrirkomulag og framtíð hátíðarinnar. Í yfirlýsingu bæjarstjórnar er bréfriturum þakkaður sá áhugi "sem þeir hafa á öryggismálum á Þjóðhátíðinni í Vestmannaeyjum. Þeir segja það samfélagslega ábyrgð okkar allra að hindra að ofbeldisverk séu framin. Því erum við sammála.“

Mun semja frumvarp um staðgöngumæðrun

Alþingi samþykkti í dag að fela velferðarráðherra að skipa starfshóp sem undirbýr frumvarp til laga sem heimilar staðgöngumæðrun í velgjörðarskyni. Það var Ragnheiður Elín Árnadóttir sem var fyrsti flutningsmaður tillögunnar, en samkvæmt henni verður við vinnslu frumvarpsins unnið að því að tryggja í fyrsta lagi hag og réttindi barnsins, að tryggja í öðru lagi rétt, sjálfræði og velferð staðgöngumóðurinnar og fjölskyldu hennar, og að tryggja í þriðja lagi farsæla aðkomu hinna verðandi foreldra. Tillagan var samþykkt með 34 atkvæðum gegn 13. Fjórir sátu hjá.

Gefa kost á sér í embætti 2. varaformanns

Aldís Hafsteinsdóttir, bæjarstjóri í Hveragerði hefur ákveðið að gefa kost á sér til embættis 2. varaformanns Sjálfstæðisflokksins en kosið verður í þá stöðu í fyrsta sinn á fundi flokksráðs í lok mars. Aldís hefur verið formaður sveitarstjórnarráðs Sjálfstæðisflokksins í nokkur ár. Hún á sæti í stjórn Sambands íslenskra sveitarfélaga auk þess að hafa verið bæjarstjóri í Hveragerði í tæp sex ár. Auk þess hefur hún gengt fjölda annarra embætta bæði heima í héraði sem utan. Auk Aldísar hefur Jens Garðar Helgason, formaður bæjarráðs í Fjarðabyggð, gefið kost á sér í embættið.

Hundrað karlmenn spyrjast fyrir um kynferðisofbeldi á Þjóðhátíð

Hundrað karlmenn hafa sent bæjarstjóranum í Vestmannaeyjum, lögreglustjóranum í Vestmannaeyjum og framkvæmdastjóra ÍBV spurningar um það kynferðisofbeldi sem framið hefur verið á Þjóðhátíð ií Vestmannaeyjum og hvaða áhrif það gæti haft á fyrirkomulag og framtíð hátíðarinnar. Á meðal þeirra sem skrifa undir bréfið eru Halldór Gylfason og Jörundur Ragnarsson leikarar, Ragnar Bragason leikstjóri og Hugleikur Dagsson rithöfundur.

Slæmt veður víðast hvar um landið

Slæmt veður er nú víða um land. Hálka og óveður er á Hellisheiði, hálka og skafrenningur í Þrengslum og snjóþekja víða á Suðurlandi að því er fram kemur á vef Vegagerðarinnar. Á Mosfellsheiði og Lyngdalsheiði er skafrenningur og þæfingsfærð og óveður frá Hellu og austur fyrir Vík í Mýrdal. Á Suðurnesjum er snjóþekja á flestum vegum og skafrenningur á Reykjanesbraut.

Leita að Jóhanni Inga Margeirssyni

Lögreglan á Akranesi, leitar að Jóhanni Inga Margeirssyni , 15 ára, sem strauk frá starfsmönnum meðferðarheimilis Barnaverndarstofu. Síðast sást hann við Keiluhöllina í Öskjuhlíð laugardaginn 14. janúar síðastliðinn. Var hann klæddur í skærgræna Adidas peysu og hvítar buxur. Drengurinn er hávaxinn, grannur með ljóst hár. Talið er að hann haldi sig á höfuðborgarsvæðinu.