Ekki spenntur fyrir samsteypustjórn

Antonis Samaras, formaður Nýs lýðræðis, sem er stærsti stjórnarandstöðuflokkurinn á gríska þinginu, mun fljótlega funda með forseta landsins vegna þeirrar stöðu sem er komin upp í grískum stjórnmálum. Samaras hefur ekki viljað taka þátt í samsteypustjórn allra flokka sem núverandi forsætisráðherra George Papandreou, hefur lagt til. Samaras hefur sagt að Papandreou sé hættulegur Grikklandi og hefur kallað eftir kosningum strax. Papandreou hefur hins vegar lagt til samsteypustjórn sem muni starfa í nokkra mánuði og að boðað verði til kosninga þegar björgunarpakki frá Evrópusambandinu er í höfn.

Landeyjahöfn „ekki neitt vandræðabarn“

Í útvarpsþættinum Á Sprengisandi ræddu þingmenn um kjördæmapot og hvað í því hugtaki fælist. Sigurjón M. Egilsson, þáttarstjórnandi, rifjaði upp að fyrir 20 árum þegar hann starfaði á þinginu hafi almenningur gjarna hringt í landsbyggðarþingmenn og beðið þá að ýta á eftir sínum persónulegu málum á þinginu. Hann spurði hvort það viðgengist ennþá? Það tóku gestir Sigurjóns alveg fyrir, en gestirnir voru Tryggi Þór Herbertsson, Kristján Möller og Eygló Harðardóttir.

Yfir þrjár milljónir fyrir tönn úr Lennon

Kanadískur tannlæknir keypti tönn úr John Lennon heitnum fyrir 19,500 pund, jafnvirði þriggja og hálfri milljón króna, á uppboði í Stockport í Bretlandi. Michael Zuk, frá Alberta, tók þátt í uppboðinu símleiðis til að tryggja tönnina sem Lennon gaf húshjálp sinni, Dot Jarlett, á sjöunda áratug síðustu aldar. Tönnin var hluti af safni minjagripa tengdum rokkheiminum sem var í eigu Alan McGee, fyrrverandi umboðsmanns bresku hljómsveitarinnar Oasis. Aðrir gripir sem boðnir voru upp voru olíumálverk eftir John Squire úr Stone Roses og gjafir frá stjórnmálamönnum.

Hálka víða um land

Og samkvæmt upplýsingum frá vegagerðinni eru hálkublettir á Hellisheiði og Sandskeiði. Á Vesturlandi eru hálkublettir á Holtavörðuheiði en á Vestfjörðum eru hálkublettir á öllum helstu leiðum. Þá er hálka á Gemlufallsheiði og Hálfdáni. Á Norðurlandivestra er hálka frá Staðarskála í Gljúfurá eins á Þverárfjalli og Vatnsskarði. Á Norðausturlandi eru hálkublettir á Öxnadalsheiði, Hólasandi, Mývatnsöræfum og mjög víða í Eyjarfirði og sömuleiðis í Víkurskarði og í Mývatnssveit. Austurlandi eru hálkublettir á Vopnafjarðarheiði, Fjarðarheiði, Breiðdalsheiði og á Öxi.

Sprengjuárás í mosku

Að minnsta kosti sex létust í sjálfsmorðssprengjuárás í mosku í Afganistan í morgun. Sprengjan sprakk þegar gestir moskunnar voru á leið út eftir að hafa tekið þátt í bænum en í dag hefst Eid-al adha hátíð múslíma sem markar lok ramöddunnar. Samkvæmt upplýsingum frá stjórnvöldum særðust að minnsta kosti tólf í sprengingunni en lögreglumaður er meðal þeirra sem féllu í valinn. Talsmaður innanríkisráðuneytisins segir annan hryðjuverkamann hafa verið handtekinn áður en honum tókst að sprengja sína sprengju.

Alma komin í höfn

Togskipið Haffel dró flutningaskipið Ölmu að bryggju í Fáskrúðsfirði laust fyrir klukkan hálffjögur í nótt. Upphaflega stefndi Hoffellið á að draga Ölmu í var í Reyðarfirði en í gærkvöld og nótt tók að hvessa meðfram austurströnd landsins. Skipstjórinn á Hoffelli óskaði því eftir að draga Ölmu inn á Fáskrúðsfjörð í staðinn. Alma missti stýrisblað sitt í gær og landhelgisgæslan var kölluð út í umfangsmiklar björgunarðagerðir sem tvö varðskip og tvær þyrlur tóku þátt í. Togskipið Hoffel dró hins vegar ölmu að landi. Laust fyrir klukkan fjögur í nótt heyrðist svo bljúgt þakkarskeyti ölmu til Hoffellsins í stjórnstöð Landhelgisgæslunnar.

Lokaði skemmtistað - handtók hnífamann

Lögreglan á höfuðborgarsvæðinu hafði afskipti af gleðskap í heimahúsi í Kópavogi um klukkan sex í morgun. Slagsmál höfðu brotist út en lögreglu tókst að stilla til friðar án þess að handtaka neinn. Þá lokaði lögrelgan skemmtistað í miðborg Reykjavíkur í nótt þar sem staðurinn var ekki með tilskilin leyfi. Tveir voru teknir fyrir ölvunarakstur í höfuðborginni í nótt. Lögreglan á Akureyri lokaði tvo menn inni í nótt fyrir ölvun, óspektir og leiðindi. Þá voru tveir teknir fyrir fíkniefnaakstur. Að öðru leyti fór nóttin ágætlega fram, þrátt fyrir mikinn fjölda fólks í bænum.

Bílvelta í Þrengslunum

Bílvelta verð í Þrengslunum um hálf sex leytið í dag. Tveir voru fluttir á slysavarðstofu með minniháttar meiðsli. Snjóþekja var á veginum og talið að ökumaðurinn hafi misst stjórn á bílnum vegna hálkunnar. Bíllinn lenti utanvegar og gjöreyðilagðist.

„Martröð í Reykjavík“ og „versti staður í heimi“

Fréttastofan fór yfir bestu og verstu gistiheimilin samkvæmt umsögnum notenda vefsins.

Íslenski hesturinn í útrás

Nú stendur yfir undirbúningur fyrir heimsmeistaramót íslenska hestsins í Berlín tvöþúsund og þrettán. Búist er við hátt í tvö hundruð þúsund gestum á mótið og yfir þúsund íslenskum hestum. Heimsmeistaramót íslenska hestsins eru haldin á tveggja ára fresti, síðast í Austurríki í sumar, en undirbúningur fyrir næsta mót í Berlín árið 2013 hefur staðið yfir í tvör ár. "Þetta er í fyrsta skipti sem að heimsmeistaramótið er haldið í stórri borg. Það eru fimm milljón manns í Berlin, og við ætlum með þessu öllu að færa íslenska hestinn til fólksins. Það er meira að segja talað um að þúsund hestar ríði í gegnum Brandenborgarhliðið ef það tekst þá er það mesta auglýsing sem nokkurn tíman hefur verið gerð fyrir íslenska hestinn,“ segir Herbert Ólafsson, hestamaður.

Reyndu að svíkja fé af Vodafone

Vodafone varð fyrir barðinu á svikahröppum sem misnota inneignarkort. Fyrir árvekni starfsmanna tókst að koma í veg fyrir að fyrirtækið yrði fyrir milljóna króna tapi. Að minnsta kosti einn var handtekinn vegna málsins í vikunni. Fyrr í vikunni sendi Vodafone frá sér tilkynningu þar sem fram kom að fyrirtækið væri hætt að selja stórar pantanir af símkortum og Frelsisinneignum eftir að upp komst um umfangsmikla svikastarfsemi sem nota átti til að svíkja peninga.

Dráttartaug komin í Ölmu - mikill viðbúnaður á svæðinu

Dráttartaug hefur nú verið komið á ný milli flutningaskipsins Ölmu og togskipsins Hoffells. Taugin slitnaði um ellefuleytið í morgun, og hefur síðan verið unnið að því að koma henni fyrir aftur. Það tókst laust fyrir klukkan fjögur í dag og er nú stefnan tekin á Reyðarfjörð. Mikill viðbúnaður er á svæðinu, enda fer veður versnandi þar og full ástæða til að vera við öllu búinn. Þyrlur Landhelgisgæslunnar TF-LIF og TF-GNÁ eru báðar í viðbragðsstöðu, önnur á Höfn í Hornafirði og hin í Reykjavík.

Konur búa til karlrembusvín

Feigð, tíunda skáldsaga Stefáns Mána , er komin í bókabúðir. Þar er höfundur á kunnuglegum slóðum - í myrkraheimunum sem heilla hann meira en sumar og sóleyjar. Stefán Máni sagði Hólmfríði Helgu Sigurðardóttur meðal annars frá aðalpersónunni Herði Grímssyni, sem höfundurinn sjálfur er yfir sig heillaður af. Svo mjög að hann hefur tryggt honum sess í næstu bók líka.

Herramenn þakklátir fyrir fjárstuðning

Þrír framtakssamir piltar stefna að því að gefa út 64 blaðsíðna leiðarvísi fyrir herramenn fyrir jólin. Útgáfuna fjármagna þeir á frumlegan hátt sem þeir kalla hópfjármögnun. Á tveimur vikum hafa safnast 250 þúsund krónur með framlögum almennings. Bókin mun bera heitið Litla herramennskukverið. Með henni vill Kristinn Árni Lár Sigfússon, sem skrifar bókina, berja inn í samlanda sína fágaða og "séntilmannlega" framkomu.

Sekt fyrir að vera of gamall til að dansa

43 ára faðir var á dögunum sektaður í Ástralíu fyrir að vera of gamall til að dansa. Richard Fuller var á tónleikum með rokkhljómsveitinni Cold Chisel með dóttur sinni í síðasta mánuði. Hann stóð uppá stól sínum í rokna stuði þegar dyravörður greip hann niður og vísaði honum út með þeim orðum að hann væri of gamall til að dansa. „Fólk er komið til að sjá hljómsveitina, ekki einhvern gamlan gaur."

Skrítnustu hlutir sem lenda í endurvinnslu

Kynlífsleikföng og uppblásnar dúkkur tróna á toppi nýs lista yfir hluti sem fólk reynir ranglega að endurvinna. Almenningur hefur á síðustu misserum sífellt verið hvattur meira til endurvinnslu. En sumir ganga of langt í viðleitni sinni. Í London var á dögunum birtur listi yfir hluti sem fólk reynir ranglega að endurvinna. Á listanum voru undarlegustu hlutir, svo sem dauð gæludýr, fiskabúr, krukka full af ösku (jarðneskar leifar látins manns) og svo framvegis. Starfsmaður sem vann að listanum segir málið ekkert grín. „Ef einn hlutur er settur í endurvinnslu og starfsmenn okkar taka ekki eftir honum verður að grafa alla sendinguna með almennu rusli. Hver sending er 10 tonn.," segir hann, en kostnaðurinn sem af þessu hlýst hleypur á hundruðum þúsunda. Því er mikilvægt að fólk missi ekki gersamlega stjórn á sér við endurvinnslu og haldi í ákveðna gagnrýni þegar það flokkar í tunnurnar.

Stefnir í að Þorláksbúð verði reist

Kirkjuráð mun ekki standa því í vegi að Þorláksbúð í Skálholti verði endurgerð. Þetta var ákveðið á fundi ráðsins á miðvikudaginn var. Þorláksbúð á að vera eftirlíking af hinni fornu búð, reist á tóftum hennar og skal standa nærri Skálholtskirkju.Miklar deilur hafa verið um byggingu búðarinnar að undanförnu, enda vilja menn meina að hún muni skyggja á Skálholtsdómkirkjuna.Nú liggur hins vegar fyrir að byggingarleyfi verður gefið út, enda ákvað ráðið með atkvæðagreiðslu að gera ekki athugasemdir við bygginguna. Þess er vert að geta að biskup sat hjá við atkvæðagreiðsluna.

Smæsti dreki heims afhjúpaður

Smæsta drekastytta heims var afhjúpuð í dag í Taiwan. Styttan var gerð af því tilefni að árið 2012 verður ár drekans, samkvæmt kínverska tímatalinu. Drekinn er aðeins tælega einn og hálfur sentimetri á lengd. Því er stækkunargler nauðsynlegt til að njóta þessa listaverks. Segir myndlistarmaðurinn að smíði verksins hafi verið þrautinni þyngri.

Enn hlýtur Eldfjall verðlaun

Theódór Júlíusson var í fyrrinótt útnefndur besti leikarinn á kvikmyndahátíð í Sao Paulo fyrir leik sinn í Eldfjalli, kvikmynd Rúnars Rúnarssonar. Þetta er í annað sinn sem hann er verðlaunaður sérstaklega, en áður hafði kvikmyndahátíð Evrasíu í Kazakhstan veitt honum fyrstu verðlaun fyrir hlutverk sitt í myndinni. Sýning Eldfjalls í Sau Paulo markaði frumsýningu myndarinnar í S-Ameríku. Eldfjall hefur hlotið dæmalaust góðar viðtökur og unnið til allnokkurra verðlauna. Fyrir viku hlaut Eldfjall aðalverðlaunin í Valladolid. Þá hlaut hún fyrir hálfum mánuði aðalverðlaunin, Gullna úlfinn, á kvikmyndahátíðinni í Montréal. Og helgina þar á undan hlaut hún silfurverðlaun á kvikmyndahátíðinni í Chicago.

Leyfum hænsnahald í borginni

Betri Reykjavík er nýr samráðsvefur höfuðborgarbúa, þar sem þeir geta lagt fram hugmyndir um málefni borgarinnar og haft með því bein áhrif á ákvarðanatöku. Hólmfríður Helga Sigurðardóttir skoðaði nokkrar af á fjórða hundrað tillagna á vefnum. Reykjavíkurborg tók um mánaðamótin sextán tillögur til umfjöllunar af vefnum Betri Reykjavík, www.betrireykjavik.is, eins og hún hafði skuldbundið sig til.

Vinnur að myndun þjóðstjórnar

Gríska þingið lýsti yfir trausti á ríkisstjórn George Papandreou með naumum meirihluta í gærkvöldi. Papandreou vinnur nú að myndun þjóðstjórnar og hefur fallið frá tillögu um að björgunarpakki til handa Grikkjum fari í þjóðaratkvæðagreiðslu. Ríkisstjórn Papandreous fékk stuðning þingsins með 153 atkvæðum af 300 á gríska þinginu. Papandreou fundaði með Karolos Papoulias, forseta Grikklands, klukkan tíu að íslenskum tíma til að greina honum frá áformum um myndun þjóðstjórnar. Forsvarsmenn helsta stjórnarandstöðuflokksins, Nýs lýðræðis, hafa þó lýst því yfir að þeir muni ekki taka þátt í myndun slíkrar stjórnar með Papandreou, en hann hefur lýst því yfir að hann muni sjálfur biðjast lausnar við myndun nýrrar samsteypustjórnar.

Þór lagður af stað til björgunar

Ennþá er unnið að því að koma upp dráttartaug milli togskipsins Hoffells og flutningaskipsins Ölmu. Búist er við því að þær tilraunir beri árangur á næstu stundum. Mikið hvassviðri er á svæðinu, og meðan tauginni hefur ekki verið komið fyrir rekur flutningaskipið stjórlaust utan við landið. Varðskipið Þór hefur verið sent af stað til að taka þátt í björgunaraðgerðum. Siglingin er hins vegar nokkuð löng og ekki er gert ráð fyrir því að Þór komi á svæðið fyrr en klukkan sex í fyrramálið.

Facebook virkar ennþá

Eins og flestir hafa eflaust tekið eftir er samskiptamiðillinn facebook enn uppi þrátt fyrir að tölvuhakkargengið Anonymous hafi hótað að loka síðunni í dag. Fram kom fyrr í dag að árásin ætti að hefjast klukkan eitt í að íslenskum tíma. Enn hafa þessar umræddu árásir því engan árangur borið.

Borgarstjóri ánægður með lögregluna

Jón Gnarr, borgarstjóri, sat í lögreglubíl í nótt og fylgdist með störfum lögreglunnar á helgarvakt. Á facebook-síðu sinni, Dagbók borgarstjóra, segir hann frá þolinmæði lögreglumanna og náungakærleika. "Fékk að hanga með í lögreglubíl í nótt. Það var merkileg lífsreynsla. Löggan á hrós og virðingu skilda fyrir sitt merkilega og oft erfiða starf. Ég varð vitni að ótrúlegri þolinmæði við fulla rugludalla, fagmennsku og kurteysi við úrlausn vandamála og almenna hlýju og náungakærleika sérstaklega gagnvart því fólki sem minnst sín má í samfélaginu og er utangarðs. Annars virtist fólk bara almennt glatt og sátt. Sýnum lögreglunni virðingu og stuðning! Takk fyrir mig." sagði hann á síðunni.

Hvetja sem flesta til að tjalda á Austurvelli

Mótmælendur sem kalla hreyfingu sína Occupy Reykjavík, og kenna sig þannig við hina sístækkandi bandarísku hreyfingu Occupy Wall Street, gistu í tjöldum á Austurvelli í nótt. Mótmælendurnir hafa nú fengið leyfi yfirvalda til að tjalda á svæðinu, en eftir því sem fréttastofa kemst næst er það í fyrsta sinn sem nokkur fær leyfi til að tjalda á Austurvelli.

Bændur engir dýraníðingar

"Mjög ómakleg umræða hefur verið í fjölmiðlum undanfarið vegna hreindýra sem hafa verið að flækjast og festast í girðingum síðustu vikur í landi Flateyjar á Mýrum," skrifar Grétar Már Þorkelsson fyrir hönd Búnaðarsambands Suðurlands. Í pistli sínum réttir Grétar sitt framlag fram í umræðuna sem hefur að hans mati helst snúist um að bændur eigi sök á málunum og standi á sama um dýrin. Í pistlinum dregur Grétar fram aðrar hliðar málsins.

Dráttartaugin slitnaði - Þór í jómfrúarútkallið

Dráttartaug á milli togskipsins Hoffells og Ölmu, hundrað metra flutningaskips frá Kýpur, slitnaði nú laust fyrir hádegi eftir að Landhelgisgæslan kom því til bjargar í nótt. Stýrisbúnaður skipsins bilaði og gæslan var því kölluð út í umfangsmiklar björgunaraðgerðir. Í þeim var Þór sendur í jómfrúarútkallið sitt.

Hefja pílagrímsför til Mekku

Um tvær og hálf milljón múslima hefja í dag árvissa pílagrímsför til heilögu borgarinnar Mekku. Pílagrímsförin er í hugum múslima tákn einingar og auðmýktar gagnvart Guði, og er trúarleg skylda sem sannir múslimar verða að framkvæma minnst einu sinni á lífstíð sinni. Í dag hóf fjöldi hvítklæddra pílagrímsfara þessa fimm daga för sína með því að klífa fjallið Mercy at Arafat, sem er 19 kílómetra frá Mekku. Pílagrímsförina ber í ár upp á tímum sem miklar hræringar hafa verið í hinum arabíska heimi. Meðal annars má nefna blóðug mótmæli í Sýrlandi. Eining og friður er því pílagrímsförum sérlega hugleikin í ár og segjast margir biðja fyrir "því að þjóð þeirra geti staðið sameinuð öxl við öxl í framtíðinni". Múslimar hvaðanæva að í heiminum bíða alla ævi sína eftir möguleikanum á að leggja í þessa heilögu för og feta þar með í fótspor spámannsins Múhammeðs.

Andy Rooney látinn

Andy Rooney lést í dag, 92 ára að aldri. Hann var einn vinsælasti og umtalaðasti sjónvarpsmaður Bandaríkjanna, helst þekktur fyrir vikulegan pistil sinn „Nokkrar mínútur með Andy Rooney“ sem var hluti af fréttaþættinum 60 Minutes.

Mannskæðar sprengjuárásir í Nígeríu

60 manns hið minnsta létu lífið í sprengjuárásum og skotbardaga í Norður-Nígeríu í gærkvöldi, að sögn vitna. Fjórar lögreglustöðvar og nokkrar kirkjur voru sprengdar og sprengjunum fylgdi skotbardagi árásaraðilanna og öryggissveita.

Stórfelldur árekstur í Bretlandi

Að minnsta kosti 27 bílar rákust á í einum stærsta árekstri í manna minnum í Bretlandi á hraðbrautinni M5. Þessi stórfelldi árekstur varð í gærkvöldi með þeim hætti að minnst 27 bílar rákust saman af miklum krafti. Í árekstrinum urðu nokkrar öflugar sprengingar. Samkvæmt upplýsingum lögreglu sátu einhverjir fastir í brennandi bílum sínum í lengri tíma. Lögreglumenn unnu í alla nótt að því að losa fólk.

Skipi bjargað við Hornafjörð

Í nótt barst Landhelgisgæslunni aðstoðarbeiðni frá Birni, dráttarbátnum á Höfn í Hornafirði vegna flutningaskipsins Ölmu, sem er um hundrað metra langt skip, skráð á Kýpur. Alma óskaði eftir aðstoð þegar í ljós koma að stýri skipsins virkaði ekki þegar dráttarbáturinn aðstoðaði skipið út fyrir Ósinn á Hornafirði. Lóðsinn tók skipið í tog og óskaði samstundis eftir allri aðstoð. Ingibjörg, björgunarskip Landsbjargar á Hornafirði og togskipið Hoffell voru þá kölluð til. Einnig voru dráttarbátarnir á Reyðafirði og Vestmannaeyjum settir í viðbragðsstöðu. Þyrlur gæslunnar voru einnig kallaðar út og Þór er í viðbragðsstöðu. Vindar tóku að snúast í SV hvassviðri nú í morgunsárið og því var nauðsynlegt að koma skipinu austur fyrir stokksnes. Um kl. sex var komin dráttartaug á milli Ölmu og Hoffells og þá var hættuástandi aflýst. Björgunarskipum var jafnframt snúið til hafnar. Flutningaskipið verður nú dregið í var í Berufirði eða Reyðarfirði.

Anonymous til atlögu

Árás tölvuþrjótana Anonymous á Facebook á að hefjast klukkan eitt í dag að íslenskum tíma. Samkvæmt heimildum helstu tölvuvefsíða bandaríkjana gengur hópnum vel að skipulegga árásina en sumir meðlimir hafa sagt að árásin sé nú þegar hafa hafin. Facebook er hins vegar opið eins og er en margir draga það í efa að árásin hafi einhver eiginleg áhrif á samskiptarisann. Anonymous tilkynntu árás sína fyrir nokkrum mánuðu síðan sem hefur gefið stjórnendum facebook góðan tíma til að undirbúa sig.

Íslenskir járnkarlar leggja í þrekraunina

Núna klukkan tólf á hádegi hófu Íslendingar tólf keppni en Ironman eða Járnkarl samanstendur af þriggja komma átta kílómetra sundi sem fram fer í mexíkóflóa, hundrað og áttatíu kílómetra á hjóli og að lokum heilu maraþoni eða fjörutíu og tveggja komma tveggja kílómetra hlaupi. Íslendingarnir hafa margir hverjir æft undir viðburðinn í heilt ár og var góð stemmning í hópnum þegar fréttastofa náði tali af þeim á leið á keppnisstað í morgun. Einn Íslendinganna, Vignir Þór Sverrisson, stefnir að því setja nýtt íslandsmet í Ironman í dag en núgildandi metið, níu klukkustundir og tæpar tuttugu og fimm mínútur á Steinn Jóhannson frá því í Iron Man í Köln í fyrra. Hægt er að fylgjast með keppendum á heimasíðunni ironmanlive punktur com.

Þjófnaður eykst á Íslandi

Skipulagður þjófnaður hefur aukist hér á landi en verið er að rannsaka hvort alþjóðleg glæpastarfsemi tengist þessum kerfisbundnu þjófnuðum eins og í tilviki kvenna sem voru handteknar nýlega grunaðar um stórfelldan þjófnað úr verslunum á höfuðborgarsvæðinu, að því er fram kemur í Morgunblaðinu í dag. Andrés Magnússon, framkvæmdastjóri Samtaka verslunar og þjónustu, segir áttatíu til nítíu prósent búðaþjófa vera útlendinga. Hann spyr hvers vegna sé ekki tekið jafn föstum tökum á skipulagðri glæpastarfsemi af þessu tagi og á mótórhjóla- og glæpasamtökunum Vítisenglum.

Vinnur að myndun þjóðstjórnar

George Papandreou, forsætisráðherra Grikkja vinnur nú að myndun þjóðstjórnar í landinu, en ríkisstjórn hans stóðst vantrauststillögu á gríska þinginu í gær og hélt þar með velli. Forsvarsmenn helsta stjórnarandstöðuflokksins, Nýs lýðræðis, hafa hins vegar lýst því yfir að þeir muni ekki taka þátt í myndun þjóðstjórnar með Papandreou, að því er fram kemur á fréttavef BBC. Papandreou mun hitta Karolos Papoulias, forseta Grikklands, núna klukkan tíu að íslenskum tíma, til að greina honum frá áformum um myndun þjóðstjórnar. Papandreou kom heimsbyggðinni á óvart, en þó sérstaklega leiðtogum ríkja á evrusvæðinu, þegar hann tilkynnti á mánudag að björgunarpakki til handa Grikklandi færí í þjóðaratkvæðagreiðslu í landinu. Dagsetning þjóðaratkvæðagreiðslunnar hefur ekki verið ákveðin.

Líkamsárás í Reykjavík

Tilkynnt var um eina líkamsárás í miðbæ Reykjavíkur í nótt. Þar var maður laminn með flösku og náði lögregla að góma árásarmanninn á leið af vettvangi. Hann var fluttur niður á lögreglustöð en síðan leyft að fara að skýrslutökum loknum. Að öðru leyti var nóttin róleg, einungis tveir gistu fangageymslur og einn var kærður fyrir ölvun við akstur.

Ákært í Kvíabryggjumálinu

DÓMSMÁL Ríkissaksóknari hefur gefið út ákæru á hendur fyrrum forstöðumanni fangelsisins á Kvíabryggju, Geirmundi Vilhjálmssyni, svo og öðrum karlmanni til viðbótar.

Bylting í samgöngum

Einhver hafði á orði nýlega að íbúar Grindavíkur og Þorlákshafnar væru búnir að fá sín jarðgöng. Þar er vísað til nýs Suðurstrandarvegar á milli staðanna tveggja sem var opnaður almennri umferð á dögunum og þeirra möguleika sem hann gefur í atvinnu- og byggðamálum almennt. Varla er ofsagt að þessi tenging Suðurnesja og Suðurlands sé bylting sem er samanburðarhæf við tengingu byggða með jarðgöngum. Gunnar V. Andrésson ljósmyndari og Svavar Hávarðsson fóru á rúntinn einn dagpart og komust að því að ekki einungis er sunnanvert Reykjanes náttúruperla heldur ekki síður forvitnilegt fyrir áhugamenn um sögu og jarðfræði.

Krafist sextán ára fangelsis

Saksóknari í Mandal í Noregi krefst sextán ára fangelsisvistar yfir morðingja Heidi Thisland Jensen. Réttarhöldum lauk í gær. Heidi Thisland var stungin til bana af kærasta sínum, sem er 25 ára gamall og hefur játað á sig morðið. Átta ára gamall sonur Heidi fluttist til fjölskyldu sinnar í Vestmannaeyjum þegar móðir hans var myrt. "Það eru hrottalegar lýsingar sem ég hef fengið þegar réttarlæknirinn var að lýsa áverkum Heidiar, gömlum og nýjum sárum, en það er ekki lýsingarhæft,“ segir Óskar P. Friðriksson, afi drengsins

Úraræningjarnir eru þekktir glæpamenn

Úraræningjarnir sem rændu verslun Michelsen að morgni mánudagsins 17. október eru þekktir brotamenn í sínu heimalandi, Póllandi. Þrír þeirra komust úr landi og eru eftirlýstir af alþjóðalögreglunni Interpol. Sá fjórði hefur setið í gæsluvarðhaldi frá 27. október og sætt yfirheyrslum. Hann hefur lítið viljað tjá sig, samkvæmt upplýsingum Fréttablaðsins.

Hlutverk forsetans skýrara í tillögunum

Tillögur stjórnlagaráðs um breytingar á hlutverki forseta Íslands eru að mörgu leyti til bóta. Til að mynda er formlegt hlutverk forseta, sem bar keim af stöðu konungs í gömlu dönsku stjórnarskránni, afnumið og því gefa tillögurnar betri mynd af því hvar framkvæmdarvaldið liggur en núverandi stjórnarskrá. Tillögurnar skortir hins vegar að tekist sé nægilega á við þá staðreynd að forseti fer með virk og raunveruleg völd í stjórnskipuninni. Þá eru ýmis ákvæði vanhugsuð.

AGS ekki með reglur um kynferðisáreitni

Segja mætti að það sé aðeins heppni að ekki hafi komið upp hneyksli tengt kynferðislegri áreitni innan Alþjóðagjaldeyrissjóðnum fyrr en mál Dominique Strauss-Kahn kom upp í vor. Þetta segir Cynthia Enloe stjórnmálafræðingur og prófessor við Clark-háskóla í Bandaríkjunum. Enloe hélt fyrirlestur á málþingi Rannsóknarstofu í kvenna- og kynjafræðum í Háskóla Íslands í gær.

Segja umræðu vera einhliða

Bæjarstjórn Hornafjarðar er ekki sátt við þá mynd sem dregin hafa verið upp af vandræðum hreindýra sem hafa verið að flækjast í girðingar bænda í sveitarfélaginu. Að sögn bæjarstjórnarinnar verður að nálgast málefni hreindýra bæði út frá velferð dýranna og hagsmunum bænda. „Mikill ágangur hefur verið á ræktað land og álag á girðingar því mikið. Ljóst er að hlutaðeigandi stofnanir verði að vinna með bændum að úrlausn þessara mála, til að koma í veg fyrir tjón bænda og tryggja um leið velferð

Rífur í sig frumvarp samflokksmanna

„Hvað sem mönnum finnst um staðsetningu flugvallarins er það óþolandi ríkisforsjá að lögfesta flugvöll í Vatnsmýri." Svo skrifar Gísli Marteinn Baldursson, borgarfulltrúi Sjálfstæðisflokksins, á Facebook-síðu sína um nýtt lagafrumvarp sem níu samflokksmenn hans og þrír framsóknarmenn hafa lagt fram á Alþingi.