Ragnheiður er hæf í nefndina

Formaður þingnefndar sem á að fjalla um og bregðast við skýrslu rannsóknarnefndar, segir að hugsanlegt vanhæfi nefndarmannsins Ragnheiðar Ríkharðsdóttur, þingmanns Sjálfstæðisflokks, hafi verið yfirfarið af nefndinni.

Spara í umhverfis- og forvarnamálum

Stöður sérfræðings í umhverfismálum og verkefnisstjóra í íþrótta-, forvarna- og menningarmálum í Árborg verða lagðar niður, gangi hugmyndir meirihlutans eftir. Tillögur þess efnis verða lagðar fram á fundi bæjarráðs í dag. Þá verður staða starfsmannastjóra lögð niður, en enginn hefur gegnt henni í tvö ár.

Tólf létu lífið í lestarslysi

Að minnsta kosti tólf týndu lífi í alvarlegu lestarslysi í bænum Castelldefels suður af Barcelóna á Spáni í fyrrinótt. Nokkrir eru alvarlega slasaðir.

Hjálpar þúsundum heimila

Alþingi samþykkti í gær heimilispakkann svokallaða, fimm lagafrumvörp sem miða að því að aðstoða fjárhagslega verst stöddu heimilin í landinu. Félagsmálaráðherra telur lögin koma til með að styðja við þúsundir heimila. Allt að 22 þúsund heimili í landinu þurfi á umtalsverðum skuldbreytingum að halda og með nýju lögunum fækki umtalsvert í þeim hópi. Allt að fimm þúsund heimili munu nýta sér úrræðin, að mati varaformanns félags- og tryggingamálanefndar.

Ágreiningur fyrir fundinn

Nú um helgina ætla leiðtogar tuttugu auðugustu ríkja heims að hittast á fundi í Kanada til að ræða efnahagsvandann í heiminum.

Fréttaskýring: Tveir andstæðir pólar í gengislánamáli

Tvær fylkingar takast á um næstu skref eftir að Hæstiréttur úrskurðaði ólögmæti gengistryggðra bílalána fyrir viku. Annar hópurinn segir vaxtatöflu Seðlabankans eiga að taka við af gengistryggingunni. Hinn krefst þess að upphaflegir samningsvextir standi.

Börðu og spörkuðu í lögreglu

Ríkissaksóknari hefur ákært tvö ungmenni í tveimur aðskildum málum fyrir árásir á lögreglumenn við skyldustörf.

Þing samþykkir lagafjöld í þágu hinna verst stöddu

Fimm frumvörp sem miða að því að aðstoða þá skuldara sem verst standa fjárhagslega voru samþykkt á Alþingi í gær á sérstökum þingfundi vegna þeirra mála.

Umhverfisvæn húsbygging

Svandís Svavarsdóttir umhverfisráðherra tók Snæfellsstofu á Skriðuklaustri í notkun í gær. Snæfellsstofa er ný gestastofa fyrir austursvæði Vatnajökulsþjóðgarðs og í tilefni dagsins var einnig opnuð umhverfisfræðslusýningin Veraldarhjólið í stofunni.

Bæta samband milli ríkjanna

Bandaríkjamenn og Rússar ætla að styrkja efnahagsleg tengsl og auka samvinnu í baráttunni gegn hryðjuverkum. Þetta sagði Barack Obama Bandaríkjaforseti að loknum fundi með Dmitry Medvedev Rússlandsforseta í gær.

Braut gegn fjórtán ára stúlku

Rúmlega tvítugur karlmaður hefur verið dæmdur í Héraðsdómi Reykjaness í tólf mánaða skilorðsbundið fangelsi fyrir kynferðisbrot gegn barni. Þá var hann dæmdur til að greiða stúlkunni 200 þúsund í miskabætur. Maðurinn var ákærður fyrir að hafa tvívegis haft samræði við fjórtán ára stúlku.

Skemmdir á tuttugu bílum

Hvítar málningarslettur á Suðurlandsveginum, rétt hjá Litlu kaffistofunni, skemmdu hátt í tuttugu bíla í gær. Sumir bílanna urðu óökufærir. Málningin hafði hellst á veginn úr fötu við vegarkantinn og biðu ökumenn í meira en tvo tíma eftir aðstoð lögreglunnar.

Fangi át lunga klefafélaga síns

Franskur fangi var í dag dæmdur í 30 ára fangelsi fyrir að myrða klefafélaga sinn og borða lunga hans. Fanginn sem heitir Nicolas Cocaign er 39 ára gamall. Hann játaði að hafa að myrt Thierry Baudry í fangaklefa sem þeir voru vistaðir í fyrir þremur árum. Cocaign afplánaði þá dóm fyrir vopnað rán og beið auk þess eftir niðurstöðum úr tveimur öðrum dómsmálum, þar á meðal í nauðgunarmáli.

Upplýsandi fundur í Stjórnarráðinu

„Það var verið að kynna okkur ákveðnar sviðsmyndir sem Fjármálaeftirlitið og Seðlabankinn hafa verið að setja upp í framhaldi á dómi Hæstaréttar. Þær voru misdökkar eftir því hvaða forsendur voru gefnar,“ segir Vilhjálmur Egilsson, framkvæmdastjóri Samtaka atvinnulífsins.

Breskir hermenn létust af slysförum í Afganistan

Fjórir breskir hermenn létust af slysförum í Afganistan í dag. Þeir voru í bifreið sem lenti utanvegar og hafnaði í skurði í Helmand héraði Hermennirnir drukknuð að því er fram kemur á fréttavef bresku Sky fréttastöðvarinnar. Talsmaður breska hersins í Afganistan segir að ekkert benda til þess að Talíbanar hafi ráðist á bifreiðina.

Fíkniefnakóngurinn Coke framseldur

Fíkniefnakóngurinn Christopher Dudus Coke hefur verið framseldur til Bandaríkjanna þar sem hann er eftirlýstur fyrir fíkniefna- og vopnasölu. Hann ákvað að áfrýja ekki framsalsbeiðni Bandaríkjamanna þegar hann kom fyrir dómara í höfuðborginni Kingston í dag. Coke á yfir höfði sér lífstíðarfangelsi.

Fischer grafinn upp á næstu dögum

Undirbúningur þess að grafa upp lík skákmeistarans Bobby Fischers er hafinn. Tjaldað verður yfir gröfina meðan hún verður opnuð og lífsýni sótt. Þetta er gert til sannreyna kröfur í faðernismáli gegn dánarbúi Fischers.

Einar K.: Flokkurinn er ekki að klofna

Sjálfstæðismenn hafa ástæðu til að óttast klofning flokksins verði tillaga um að Ísland dragi umsókn sína um aðild að Evrópusambandinu til baka borin upp á landsfundi flokksins. Þetta segir, fyrrverandi borgarfulltrúi Sjálfstæðismanna. Einar K. Guðfinnsson, þingmaður flokksins segir ummæli sem þessi minna á hótanir.

Jón Gnarr: Starfandi stjórnarformaður verndar almannahagsmuni

Sjálfstæðismenn og Vinstri grænir í minnihluta borgarstjórnar segja skjóta skökku við að Besti flokkurinn og Samfylkingin ráði stjórnarformann til Orkuveitunnar fyrir tæpa milljón á mánuði á sama tíma og niðurskurður er boðaður í borginni. En nýi meirihlutinn í borginni hefur ákveðið að ráða starfandi stjórnarformann til Orkuveitunnar.

Mikill munur á lánum

Gríðarlegur munur er á eftirstöðvum lána þeirra sem tóku gengistryggð lán annars vegar og hefðbundin verðtryggð lán hins vegar eftir að Hæstiréttur dæmdi gengistryggingu lána ólöglega. Eftirstöðvar tveggja milljóna verðtryggðs láns sem tekið var árið 2008 eru nú 1,3 milljónir, en 275 þúsund af láni sem áður bar gengistryggingu.

Gylfi: Óásættanlegt að hluti Íslendinga fái lán á vildarkjörum

Viðskiptaráðherra segir óásættanlegt að hluti Íslendinga fái lán á vildarkjörum á kostnað samborgara sinna, eftir að Hæstiréttur dæmdi gengistryggingar lána ólöglegar. Forsætisráðherra segir ekki standa til að þing eða ríkisstjórn hlutist til um niðurstöðuna fyrr en dómstólar hafi skorið úr um ágreiningsefni.

Gert kleift að endurskipuleggja fjármálin

Alþingi samþykkti í dag lög sem gera einstaklingum í verulegum greiðsluerfiðleikum kleift að endurskipuleggja fjármál sín með því að fara í greiðsluaðlögun í allt að þrjú ár. Þeir sem sitja uppi með tvær fasteignir geta sett aðra fasteignina upp í skuldir sem hvíla á þeim báðum. Komið verður á fót embætti Umboðsmanns skuldara.

Funda í Stjórnarráðinu

Jóhanna Sigurðardóttir forsætisráðherra, Steingrímur J. Sigfússon fjármálaráðherra og Gylfi Magnússon efnahags- og viðskiptaráðherra sitja ná á fundi í Stjórnaráðinu með fulltrúum Fjármálaeftirlitsins og Seðlabankans. Fundurinn hefst klukkan sex. Fundarefnið er dómur Hæstaréttar sem dæmdi gengistryggingu lána ólöglega í síðustu viku.

Fundum Alþingis frestað

Jóhanna Sigurðardóttir, forsætisráðherra, frestaði fundum Alþingis skömmu eftir klukkan 17 í dag. Ásta Ragnheiður Jóhannesdóttir, forseti Alþingis, sagði að sumarhléið verði óvenju stutt að þessu sinni en þingnefndir koma saman um miðjan ágúst en fyrsti þingfundurinn verður haldinn í byrjun september. Hún sagði að verkefni þingmannanefndar sem fjallar um skýrslu rannsóknarnefndar Alþingis verði sett í forgang í störfum þingsins í ágúst og september.

Borgin kannar kosti sameiningar

Borgarráð samþykkti á fundi sínum í morgun að kannaðir verði kostir sameiningar Reykjavíkurborgar og Sveitarfélagsins Álftaness og lýsir sig tilbúið til viðræðna við bæjarstjórn Álftaness. Borgarstjóri segir sjálfsagt að kanna málið því hann vilji að allir séu glaðir.

Húsleit hjá kaþólsku kirkjunni í Belgíu

Belgíska lögreglan framkvæmdi í dag húsleit í höfuðstöðvum kaþólsku kirkjunnar þar í landi en lögreglan rannsakar nú ásakanir sem komið hafa fram um kynferðislega misnotkun innan kirkjunnar. Saksóknari í Brussel staðfesti að höll erkibiskupsins í borginni hafi verið innsigluð en auk þess var leitað á heimili fyrrverandi erkibiskups landsins.

Erfið mál bíða umboðsmanns skuldara

Alþingi samþykkti á fimmta tímanum í dag lög um embætti umboðsmanns skuldara en því er ætlað mun viðameira hlutverk en Ráðgjafarstofa um fjármál heimilanna hefur haft með höndum. Þingflokksformaður VG segir erfið mál bíða hins nýja embættis.

Heimilisofbeldi: Konur gerendur í fjórðungi mála

Ríkislögreglustjóri og lögreglustjórinn á höfuðborgarsvæðinu hafa lokið við gerð viðamikillar rannsóknarskýrslu á heimilisofbeldi. Unnið var með samtals 993 mál sem töldust annaðhvort ofbeldi eða ágreiningur milli skyldra eða tengdra og voru tilkynnt til lögreglu á áranum 2006-2007.

Ummæli Þórs Saari fjarstæðukennd

„Því er fljótsvarað. Það er ekki í bígerð," segir Kristján Kristjánsson upplýsingafulltrúi Landsbankans. Þór Saari sagði á Alþingi í dag að hann hefði heimildir fyrir því að fjarmögnunarfyrirtækin hygðust senda út greiðsluseðla til þeirra sem hefðu gengistryggð lán þar sem tekið væri mið af 8% vöxtum Seðlabankans.

Viðbragðsáætlun vegna skuldastöðu Orkuveitunnar

Tillögur fjármálastjóra Reykjavíkurborgar um viðbrögð vegna áhættu borgarsjóðs vegna skuldastöðu Orkuveitu Reykjavíkur var lögð fram í borgarráði í dag. Þar eru dreginn fram nokkur af þeim verkefnum sem bíða nýrrar stjórnar Orkuveitunnar og Reykjavíkurbogar sem eiganda í málefnum fyrirtækisins.

Ólöf Nordal gleðst yfir mótframboði

„Það er bara mjög ánægjulegt að fólk hafi áhuga á að bjóða sig fram til trúnaðarstarfa við flokkinn,“ segir Ólöf Nordal, þingmaður Sjálfstæðisflokksins og frambjóðandi til varaformanns Sjálfstæðisflokksins. Lára Óskarsdóttir íslenskukennari tilkynnti óvænt í dag að hún ætlaði að sækjast eftir varaformanni Sjálfstæðisflokksins á landsfundi flokksins sem hefst á morgun.

Ríkið hugsanlega skaðabótaskylt vegna vörslusviptinga

Lögmaðurinn Einar Hugi Bjarnason segir vel mögulegt að þeir aðilar sem urðu fyrir vörslusviptingu eftir að dómur Héraðsdóms Reykjavíkur féll í febrúar geti átt rétt á skaðabótum af hálfu ríkisins. Hann segir að þetta gildi eingöngu um þá aðila sem misstu bílana sína að undangengnum úrskurði héraðsdóms sem sýslumaður fylgdi svo á eftir. Til þess að svo verði þarf að sýna fram á gáleysi þessara aðila.

Krefja fjármögnunarfyrirtæki um aðgerðir

Samtök iðnaðarins hafa sent fjármögnunarfyrirtækjum opið bréf þar sem krafist er aðgerða vegna dóms Hæstaréttar í gengismálinu svokallaða. Samtökin gera þá kröfu að höfuðstólar verði lækkaðir eða lán greidd til baka.

Málning skemmir bíla á Suðurlandsvegi

„Við erum hérna þrír ökumenn og erum alveg gáttaðir," segir Smári Örn Árnason sem var að keyra Suðurlandsveginn í átt að að Selfossi þegar hann keyrir í málningu sem slettist á veginn úr fötu rétt áður komið er að Litlu-Kaffistofunni. Smári Örn segir að bíllinn hans sé óökufær og sé búinn að bíða eftir lögreglunni í tvo klukkutíma.

Segir lánveitendur undirbúa greiðsluseðla með seðlabankavöxtum

„Þeir ætla greinilega í stríð,“ segir Þór Saari, þingmaður Hreyfingarinnar, á Alþingi í dag þar sem rætt var um áhrif dóms Hæstaréttar um gengistryggingar sem voru dæmdar ólögmætar fyrr í mánuðinum.

Gengislánin: Vildi ekki lögfræðiálit

Viðskiptaráðherra taldi ekki ástæðu til að fá lögfræðiálit á gengistryggðum lánum þar sem málið væri fyrir dómstólum. Eygló Þóra Harðardóttir, þingkona Framsóknarflokksins, gagnrýnir ríkisstjórnina fyrir andvaraleysi.

Ríkisstjórnin ætlar að bíða eftir dómi vegna óvissuþátta í gengismáli

Jóhanna Sigurðardóttir, forsætisráðherra, sagði á þingi í dag um áhrif dóms Hæstaréttar á gengistryggðum lánum að það væri mikilvægt að úr óvissunni yrði skorið fyrir dómstólum. Hún segir stjórnvöld ekki ætla að aðhafast fyrr en dómstólar hafa skorið úr um óvissuþætti eins og hvaða vexti lánin eigi að bera.

Tekist á um Orkuveituna í borgarráði

Minnihlutinn í borgarráði Reykjavíkur mótmælir harðlega þeirri tillögu að stjórnarformaður Orkuveitu Reykjavíkur verði gerður að starfandi stjórnarformanni og verði þannig hluti af launuðu stjórnendateymi fyrirtækisins. Gangi tillagan eftir fær stjórnarformaðurinn, Haraldur Flosi Tryggvason um 920 þúsund krónur í mánaðarlaun.

Sakar Jón Gnarr um pólitískar ráðningar

"Jón Gnarr hefur sagst opinberlega ætla að hætta pólitískum ráðningum og draga úr yfirbyggingu. Þess vegna er það undarlegt að meirihlutinn skuli taka þessa ákvörðun," segir Sóley Tómasdóttir, borgarfulltrúi Vinstri Grænna, um umdeilda ákvörðun meirihlutans að ráða Harald Flosa Tryggvason sem starfandi stjórnarformann Orkuveitunnar.

Ákvað varaformannsframboð á hlaupum í Laugardal

Lára Óskarsdóttir íslenskukennari ætlar að bjóða sig fram til varaformanns Sjálfstæðisflokksins á móti Ólöfu Nordal á landsfundinum sem verður haldinn um helgina. Hún segist hafa tekið ákvörðunina þegar hún var að hlaupa í Laugardalnum nýlega og tjáði fjölskyldu sinni í morgun frá framboðinu.

Styðjum veiðar Grænlendinga

Tómas H. Heiðar, aðalfulltrúi Íslands í Alþjóðahvalveiðiráðinu, segir andrúmsloftið á ársfundi ráðsins gott þrátt fyrir að sáttaumleitan um takmarkaðar veiðar hafi ekki verið samþykkt í gær. Í dag liggur fyrir tillaga Grænlendinga um aukin kvóta til hnúfubaksveiða. Tómas segir Íslendinga styðja Grænlendinga heilshugar.

Hægt að koma málum fyrir dóm án lagabreytinga

Dómsmálaráðherra, Ragna Árnadóttir, telur ekki þörf á sérstakri flýtimeðferð einkamála eins og Sigurður Kári Kristjánsson, þingmaður Sjálfstæðisflokksins, lagði til á þingi í morgun.

Sveinn Andri: Ástæða til að óttast klofning í Sjálfstæðisflokknum

Sjálfstæðismenn hafa ástæðu til að óttast klofning flokksins verði tillaga um að Ísland dragi umsókn sína um aðild að Evrópusambandinu til baka borin upp á landsfundi flokksins um helgina. Þetta segir Sveinn Andri Sveinsson, fyrrverandi borgarfulltrúi Sjálfstæðismanna.

Jón Gnarr: Verð bara í jakkafötum við sérstök tilefni

Jón Gnarr borgarstjóri í Reykjavík hefur ákveðið að ganga aðeins í jakkafötum við sérstök tilefni. Þetta segir hann í dagbók sinni sem hann heldur úti á fésbókinni. Þar segir hann einnig að hann hafi heimsótt Fjölskylduhjálp Íslands sem og Konukot í gær og „fundað um allskonar".

Eðlan svæfð í morgun

Meters-langa eðlan, sem fannst í húsgarði á Selfossi í gærkvöldi, var aflífuð í morgun. Lögreglan fann eðluna og kom fundurinn lögreglunni í opna skjöldu, enda óárennilegt kvikindi viti maður ekkert um það.