Fjölmargir björgunarsveitarmenn að störfum

Á svæðinu í grennd við Eyjafjallajökul eru meira en 160 björgunarsveitarmenn að störfum frá 12 björgunarsveitum, samkvæmt upplýsingum frá samhæfingarstöð almannavarna í Skógarhlíð. Meðal verkefna þeirra hefur meðal annars verið að til að athuga með fólk á bæjum.

Sækja ökklabrotinn göngugarp

Björgunarsveitarmenn voru kallaðir út á fjórða tímanum í dag eftir að tilkynning barst um að karlmaður væri að öllum líkindum ökklabrotinn í Esjuhlíðum. Sjúkrabíll var einnig sendur á vettvang. Þær upplýsingar fengust hjá slökkvili höfuðborgarsvæðisins að maðurinn hafi verið ofarlega í fjallinu þegar atvikið átti sér stað. Hann verður fluttur niður á börum.

Íslendingar færa Bretum ekkert annað en tóm leiðindi

Íslendingar hafa eiginlega fært Bretum ekkert annað en tóm leiðindi að mati bresks blaðamanns. Við fórum í stríð við þá vegna þorsks, stálum sparifé þeirra og núna eru allar samgöngur lamaðar vegna eldgossins í Eyjafjallajökli.

Útlendingar vilja komast úr landi með leiguflugi

Undanfarna daga hefur mikil eftirspurn verið eftir flugi frá Íslandi með leiguflugi, að sögn Sigurðar Bjarna Jónssonar, stjórnarformanns Mýflugs. Um er að ræða útlendinga sem eru fastir hér á landi og vilja komast til meginlands Evrópu. Mýflug íhugar að fljúga til norðurhluta Noregs.

Aflýsa flugi fram yfir helgi

Flugfélagið British Airways hefur aflýst öllu flugi frá London að minnsta kosti fram á mánudag. Um er að ræða áætlað flug frá Heathrow og Gatwic, að fram kemur á vef Sky-fréttastofunnar. Vonast er til þess að hægt verði að fljúga eitthvað innanlands í Skotlandi og á Írlandi seinnipartinn í dag.

„Ég brást“

Ingibjörg Sólrún Gísladóttir, fyrrverandi formaður Samfylkingarinnar og utanríkisráðherra, tók óvænt til máls á flokksstjórnarfundi Samfylkingarinnar í dag. Hún sagði sagðist ekki horfa yfir sviðið af miklu stoltu. Margt hafi mistekist í stefnu Samfylkingarinnar. Eftir að hafa lokið máli sínu táraðist Ingibjörg.

Jóhanna: Þetta var sameiginlegt strand

Samkrull atvinnulífs, stjórnmála og stjórnsýslu reyndist vera höfuðmeinsemd í íslensku þjóðfélagi, að mati Jóhönnu Sigurðardóttur, forsætisráðherra og formanns Samfylkingarinnar. „Horfumst í augu við það. Þetta var sameiginlegt strand þar sem einn á meiri sök en annar en við flest létum það eigi að síður viðgangast eða fengum ekki við ráðið,“ sagði Jóhanna í ræðu á flokksstjórnarfundi Samfylkingarinnar í Garðabæ fyrr í dag.

Á gjörgæslu eftir bílveltu

Karlmaður sem slasaðist alvarlega í bílveltu á Heiðmerkurvegi í gærkvöldi er á gjörgæsludeild. Líðan hans er ágæt og hann er sennilega ekki í lífshættu, að sögn vakthafandi læknis. Maðurinn sem er á miðjum aldri er ekki í öndunarvél.

Enn lýst eftir 13 ára stúlku

Emilíana Andrésardóttir, þrettán ára gömul stúlka sem strauk frá meðferðarheimilinu Stuðlum á fimmtudag, er ekki enn komin í leitirnar. Síðast sást til hennar í Hafnarfirði á leið til Reykjavíkur. Emilíana er dökkhærð, um 160 sm á hæð og grannvaxin.

Mæla svifryk á Kirkjubæjarklaustri

Umhverfisstofnun hefur komið upp svifryksmæli við Kirkjubæjarklaustur í því skyni að fylgjast með áhrifum gjóskufalls á loftgæði austur af Eyjafjallajökli, í jaðri og utan við mesta áhrifasvæði gjóskufallsins.

Þjóðvegi 1 lokað við Hvolsvöll

Almannavarnir ítreka að Eyjafjallajökull og hlíðar hans utan jökuls eru bannsvæði. Vindátt þurfi lítið að breytast til að öskufall verði þar. Í öskufalli svo nálægt eldstöðinni og í hæð jökulsins sé, auk mikilla áhrifa af öskunni sjálfri, mikil hætta af eldingum. Almannavarnir vara sterklega við öllum ferðum á Mýrdalsjökul. Jafnframt er enn er í gildi bannsvæði um 1 km. í kringum eldri eldstöðina á Fimmvörðuhálsi. Öll umferð á þessu svæði er bönnuð bæði gangandi og akandi ferðamönnum.

Óli Björn fyrsti varamaður Þorgerðar

Fjölmiðlamaðurinn Óli Björn Kárason er fyrsti varaþingmaður Sjálfstæðisflokksins í Suðvesturkjördæmi. Hann var vant við látinn þegar fréttastofa náði tali af honum og gat ekki gefið kost á viðtali.

Flugi Iceland Express aflýst

Iceland Express hefur aflýst flugi félagsins í dag til London, Kaupmannahafnar og Varsjár. Flugi til Alicante, sem fara átti eftir hádegi í dag, hefur verið frestað til morguns.

Red Cross mass care centres in Heimaland, Vík and in Kirkjubæjarklaustur open

Red Cross mass care centres in Heimaland, Vík and in Kirkjubæjarklaustur have been opened for those residents in the areas affected by the ash fall and who wish to temporarily evacuate their homes. The local emergency centre does not consider it necessary to order an evacuation of the area in response to the ash fall at this moment in time, but feels that these services may be useful to some families.

Eldingar yfir Eyjafjallajökli - myndir

Vilhelm Gunnarsson, ljósmyndari Fréttablaðsins og Vísis, var staddur í grennd við Eyjafjallajökul í gærkvöldi og í nótt og fylgist með sjónarspilinu þar. Í meðfylgjandi myndum má meðal annars sjá stórkostlegar myndir af eldingum í gosmökkinum.

Opna fjöldahjálparstöðvar

Mikill öskumökkur er til suðurs yfir byggð undir Eyjafjöllum frá Sauðhúsvöllum austur fyrir Skóga og eins á söndunum þar fyrir austan. Eldingar eru í mekkinum, að fram kemur frá yfirvöldum.

Þorgerður hættir sem varaformaður - víkur tímabundið af þingi

Þorgerður Katrín Gunnarsdóttir, varaformaður Sjálfstæðisflokksins, hefur ákveðið að hætta sem varaformaður flokksins og víkja tímabundið af þingi. Þetta kom fram í ræðu Þorgerðar á flokksráðsfundi í Reykjanesbæ í í dag. Hún sagði að trúverðugleiki sinn hefði skaðast.

Bjarni vill að landsfundi verði flýtt

Bjarni Benediktsson, formaður Sjálfstæðisflokksins, leggur til að næsta landsfundi flokksins verði flýtt. Þar gefist flokksmönnum tækifæri til að veita kjörnum forystumönnum flokksins endurnýjað umboð eða kjósa nýtt fólk til þeirra starfa. Þetta kom fram í ræðu Bjarna á flokksráðsfundi flokksins sem hófst í Reykjanesbæ í morgun.

Mikið öskufall frá Núpi og að Vík í Mýrdal

Mikið öskufall er frá Núpi undir Eyjafjöllum og að Vík. Líkur eru á að öskufall færist vestar og nái hugsanlega til Vestmannaeyja.

Slasaðist alvarlega í bílveltu

Karlmaður á miðjum aldri slasaðist alvarlega í bílveltu á Heiðmerkurvegi skammt frá Vífilsstöðum í Garðabæ á tíunda tímanum í gærkvöldi. Tveir menn voru í bifreiðinni og þurfi að beita klippum til að ná öðrum þeirra úr henni. Báðir mennirnir voru fluttir á sjúkrahús, að sögn lögreglu.

Tillaga um að Kristján Þór taki við varaformannsembættinu

Fréttastofa hefur heimildir fyrir því að tillaga verði að öllum líkindum lögð fram á flokksráðsfundi Sjálfstæðisflokksins nú á eftir um að Kristján Þór Júlíusson taki við varaformannsembætti flokksins af Þorgerði Katrínu Gunnarsdóttur.

Gosið lamar enn samgöngur í Evrópu

Nær allir stærstu flugvellir Evrópu verða áfram lokaðir í dag vegna eldgossins í Eyjafjallajökli. Milljónir flugfarþega er nú strandaglópar en samkvæmt breska ríkisútvarpinu þurfti að aflýsa um 16 þúsund áætlunarferðum vegna öskufallsins í gær.

Bílstjórar sjá ekki til jarðar vegna öskufalls

Stöðugur kraftur var í gosinu í nótt til kl. 04:30 en fór þá heldur að draga úr því. Gossúlan fór í 8,5 km hæð. Stöðugur mökkur var uppúr gosstöðvunum og öskufall töluvert undir Eyjafjöllum. Mjög dimmt var sunnan undir jökli. Öskufallið er mjög þétt frá Núpi í vestri austur í Vík en er heldur minna á Mýrdalssandi.

Icelandair fellir niður allt flug til Evrópu í dag

Icelandair hefur tilkynnt að allt flug félagsins til London, Manchester/Glasgow, Kaupmannahafnar, Stokkhólms, Osló, og Amsterdam í dag,17. apríl, verður fellt niður. Öskufallið frá eldgosinu í Eyjafjallajökli hefur lokað fyrir alla flugumferð í norðan- og vestanverðri Evrópu.

Talið að draga verði úr ráðherraræðinu

Í siðferðihluta skýrslu rannsóknarnefndar segir að þjálfa þurfi þjóðina í málefnalegri rökræðu og menntamálaráðherra tekur undir það. Vilhjálmur Árnason vill ekki ræða gagnrýni forsetans, sem gerir lítið úr kafla um sig. Styrkja þarf siðferðisvitund stjórnmálamanna og auka virðingu þeirra fyrir góðum stjórnarháttum. Þeir eiga að setja sér siðareglur. Þá þarf að draga úr ráðherraræði og auka eftirlitshlutverk Alþingis.

Askan skemmdi þotuhreyfla

Tvær finnskar herþotur urðu fyrir skemmdum eftir að hafa flogið í gegnum öskuna frá Eyjafjallajökli á fimmtudag.

Íhugar að hætta sem varaformaður

Þorgerður Katrín Gunnarsdóttir, varaformaður Sjálfstæðisflokksins, tilkynnir í dag um hvort hún bregst sérstaklega við vegna lántöku eiginmanns hennar, Kristjáns Arasonar. Það mun hún gera á flokksráðsfundi sem hefst klukkan 9.30 í Reykjanesbæ.

Vonar að gosmyndin borgi varnargarðinn

Fjölskyldan á Þorvalds­eyri má hafa sig alla við að svara fyrirpurnum erlendra fjölmiðla vegna heimsfrægrar ljósmyndar bóndans Ólafs Eggertssonar. Hann kveðst vona að greiðslur fyrir myndina dugi til að byggja nýjan flóðvarnargarð.

Tugmilljarða tap á dag

Annan daginn í röð var nánast ekkert flogið í Norður-Evrópu. Mat samtaka áætlunarflugfélaga er að tap flugfélaga sé 200 milljónir dollara á dag. Meira en helmingur fluga í evrópskri lofthelgi var felldur niður.

Borgin hreinsar til í kringum lóð Hrafns

Reykjavíkurborg mun fjarlægja allar óleyfisframkvæmdir utan lóðamarka Hrafns Gunnlaugssonar á Laugarnestanga á mánudag. Hann hefur frest til klukkan 9 á mánudagsmorgun til að fjarlægja muni sem hann telur sig eiga, að öðrum kosti mun borgin láta fjarlægja án frekari fyrirvara „þaðan grjót og annað, sem ekki á þar heima“.

Slógu upp veislu eftir rýmingu

Hópur fjörutíu breskra skólakrakka þurfti að rjúka frá heitu lambalærinu á kvöldverðarborðinu á Hellishólum í Fljótshlíð á fimmtudagskvöld þegar kallið kom um rýmingu. Maturinn fór þó ekki til spillis heldur var slegið upp veislu í fjöldahjálparmiðstöðinni á Hellu.

Verðmat eigna hærra en lánin

Skuldir Ólafar Nordal Sjálfstæðisflokki og eiginmanns hennar, Tómasar Más Sigurðssonar, sem námu 113 milljónum króna árið 2007 eru tilkomnar vegna fasteignakaupa.

Svartur loðinn tuddi og augun öll á floti

Margar sagnir eru til um berdreymi, allt aftur til Íslendingasagnanna. Ef marka má Svein Runólfsson landgræðslustjóra, lifa þær góðu lífi í nútímanum. „Þetta er orðinn fullorðinn maður og kominn á eftirlaun og hann dreymdi draum í vetur, áður en goshrinan hófst. Þegar gosið hófst á Fimmvörðuhálsi sagði hann mér frá þessu,“ segir Sveinn.

Flúorið yfir hættumörkum

„Nú vitum við að þetta er yfir hættumörkum,“ segir Gunnar Þorkelsson, héraðsdýralæknir á Kirkjubæjarklaustri, um flúormengunina í öskunni sem fallið hefur úr gosinu.

Komust ekki í sjóbirtingsveiði

„Vegna eldgoss í Eyjafjallajökli verða þeir sem eiga veiðileyfi eystra líklegast að sitja heima nema veiðidellan sé svo mikil að farin sé norðurleiðin,“ sagði á vef Stangaveiðifélags Reykjavíkur í gær. Þá voru einmitt hollaskipti í Tungufljóti í Skaftárhreppi.

Útför forseta gerð á morgun

Minningarathöfn verður haldin í Póllandi í dag um 96 manns sem fórust í flugslysinu í Rússlandi um síðustu helgi.

Getur valdið lungnaskaða

Heilbrigðisyfirvöld mæla eindregið með því að þeir sem búa á svæðum þar sem öskufalls gætir geri viðeigandi varúðarráðstafanir. Askan er afar fínkornótt og á greiða leið niður í öndunarfæri og það getur valdið fólki lungnaskaða. Fólk sem á við öndunarfærasjúkdóma að stríða ætti að fara sérstaklega varlega. Það sama á við um börn.

Mörg tonn af ferskum fiski bíða eftir flugi

„Við eigum ein sjö tonn af ferskum flökum á Keflavíkurflugvelli sem bíða þess að komast í flug en staðan er vægast sagt mjög óljós. Við erum í stöðugu sambandi við viðskiptavini okkar í Evrópu.

Miklar eldingar yfir gosstöðvunum

Tilkynning barst frá lögreglunni klukkan hálf átta um öskufall við Vík í Mýrdal. Frekari fregnir bárust klukkan að ganga níu um samfellt öskufall 40 kílómetra í austur frá Vík.

Stjórnar Noregi í gegnum smátölvu vegna eldgossins

Öskufallið úr Eyjafjallajökli hefur gríðarlega víðtæk áhrif en fjölmiðlar vestan hafs hafa undanfarið fjallað um hremmingar Jens Stoltenbergs, forsætisráðherra Noregs, en hann situr fastur í New York vegna öskufallsins.

Myndir frá öskufallinu í Mýrdalnum

Það hefur verið talsvert öskufall síðustu daga yfir Vík í Mýrdal. Ljósmyndarinn Steini B. sendi Vísi þessar myndir frá Mýrdalnum en myndirnar tók hann fyrr í kvöld.

WHO biður Evrópubúa að halda sig inni vegna öskufalls

Talsmaður Alþjóðaheilbrigðisstofnunarinnar (WHO) hefur hvatt Evrópubúa til þess að halda sig innandyra vegna öskufallsins sem berst þangað frá Eyjafjallajökli. Þetta kom fram á fréttasíðunni timesofindia.com.

Eva Joly hvetur fjárglæframenn til þess að gefa sig fram

Sérstakur ráðgjafi sérstaks saksóknara, Eva Joly, hvatti fjárglæframenn til þess að gefa sig fram í viðtali í Kastljósinu í kvöld og auðvelda þar með líf allra.

Vel sést til gosstöðvanna frá Vestmannaeyjum

Vel sést til gossins frá Vestmannaeyjum en þessar myndir sem fylgja með fréttinni voru teknar á milli sjö og átta í kvöld. Þar má greinilega sjá gosmökkinn auk þess sem íbúar sögðust sjá öskufallið austar.

Enn seinkar flugi

Icelandair hefur tilkynnt að flug félagsins til London, Kaupmannahafnar, Stokkhólms og Amsterdam í fyrramálið, að morgni 17. apríl, verði seinkað til klukkan 12.00 á hádegi að íslenskum tíma.