Tugmilljarða tap á dag 17. apríl 2010 05:30 Þröng á þingi Mikill mannfjöldi var á lestarstöðinni í Hamborg í gær, sem og á öðrum lestarstöðum í Evrópu. Fólk á ferð um meginlandið brást við flugbanni með því að breyta ferðamátanum. Nordiphotos/AFP Annan daginn í röð var nánast ekkert flogið í Norður-Evrópu. Mat samtaka áætlunarflugfélaga er að tap flugfélaga sé 200 milljónir dollara á dag. Meira en helmingur fluga í evrópskri lofthelgi var felldur niður. Askan úr Eyjafjallajökli hafði enn meiri áhrif á flugsamgöngur í gær en í fyrradag. Fleiri Evrópulönd þurftu að loka lofthelgi sinni en svigrúm gafst þó til að þess að fljúga til Skotlands, hluta Írlands, auk þess sem innanlandsflug í Norður-Noregi og norðurhluta Svíþjóðar var leyft hluta úr degi. Annars lágu flugsamgöngur niðri á Norðurlöndum, í Hollandi, Belgíu og Eystrasaltslöndum, norðurhluta Frakklands, norðurhluta Þýskalands, hluta af Póllandi og Tékklandi. Austurríki og Sviss lokuðu lofthelgi er leið á daginn. Fjöldi fólks sem hefur orðið fyrir áhrifum vegna flugbannsins hleypur á hundruðum þúsunda hið minnsta. Útlit er fyrir áframhaldandi tafir í dag. 16 þúsund flug felld niðurEvrópska flugmálastofnunin sagði 12 þúsund flug hafa verið í evrópskri lofthelgi en hefðu átt að vera 28 þúsund, það þýðir að 60 prósent fluga voru felld niður. Aldrei áður hefur verið jafn mikil röskun á flugi í evrópskri lofthelgi. Ásgeir Pálsson, framkvæmdastjóri Flugstoða, segir unnið eftir viðbragðsáætlun Alþjóðaflugmálastofnunar. Hún felur meðal annars í sér að farið er eftir kortum sem Upplýsingamiðstöð gjóskudreifingar í London gefur út en þau sýna hvar öskuský leggur yfir og þar með hvar bannað er að fljúga. Yfirvöld á hverjum stað meta svo einnig aðstæður sem skýrir mismunandi tímasetningar á lokunum lofthelgi. Icelandair flaug þrisvar til Glasgow í gær, alls með 600 farþega. Að sögn Guðjóns Arngrímssonar, upplýsingafulltrúa Icelandair, voru þeir að stórum hluta til breskir ferðamenn sem hér voru strandaglópar. Guðjón segir viðskiptavini hafa sýnt þolinmæði. Hann segir ekki mikið um afbókanir, fólk virðist ætla að bíða og sjá hvað setur. Undir þetta tekur Kristín Þorsteinsdóttir, upplýsingafulltrúi Iceland Express. Ein vél félagsins kom frá Alicante í gær. Fraktflug í uppnámiEins og gefur að skilja voru það ekki einungis ferðalangar sem sátu heima vegna flugbannsins. Fraktflug lá niðri sem til dæmis þýðir að ferskvörur voru ekki fluttar milli landa. Breska blaðið Guardian sagði frá því að gera mætti ráð fyrir að ef framhald yrði á flugbanni myndi úrval ferskra ávaxta í hillum breskra stórmarkaða minnka strax eftir helgi. 50 fullir vörubílar voru í gærdag á leið með vörur frá Noregi, Svíþjóð og Danmörku til Leipzig í Þýskalandi en þaðan átti að fljúga þeim á markaði að sögn Politiken. Þjóðir sem flytja mikið til Evrópu hafa einnig orðið fyrir tjóni, enda geta þær ekki flutt varninginn á markað. Asía í viðbragðsstöðuSamkvæmt mati samtaka áætlunarflugfélaga er tap flugfélaga 200 milljónir dollara dag hvern, ríflega 25 milljarðar íslenskra króna. Svo dæmi séu tekin þá er talið að norræni flugrisinn SAS tapi í kringum 150 milljónum danskra króna á dag eða 3,4 milljörðum íslenskra króna. Í netútgáfu breska dagblaðsins Times er áætlað að bresk flugfélög tapi jafnvirði tuttugu milljarða króna raskist flug um helgina. Samkvæmt tilskipunum Evrópusambandsins verða flugfélög að halda strandaglópum uppi, greiða fyrir þá gistingu og fæði, auk þess sem flugfélögin verði af tekjum þegar farþegar afpanti flug.Þá sagði sérfræðingur í flugmálum hjá alþjóðlega matsfyrirtækinu Standard & Poor's í samtali við Fréttablaðið flugfélög í Asíu í viðbragðsstöðu. Röskun á flugsamgöngum hefur jafnframt komið við kaunin á fjármagnseigendum en gengi hlutabréfa í flugfélögum víða um heim lækkaði í gær. Sem dæmi þá lækkaði virði hlutabréfa British Airways, SAS og Atlantic Airways. sigridur@frettabladid.is jonab@frettabladid.is Eldgos og jarðhræringar Gos á Fimmvörðuhálsi Mest lesið Árásarkonan Þjóðverji á fertugsaldri Erlent Sást ekki til sólar fyrir mýi Innlent Tekist á um breytta ásýnd Suðurlandsbrautar með tilkomu Borgarlínunnar Innlent Brennandi einbýlishús reyndist eyðibýli Innlent Bensínbrúsar inni í íbúðinni Innlent Fólk látið vinna of hratt og fái ekki greitt fyrir alla vinnuna Innlent Hitabylgjan sú mesta í maímánuði svo vitað sé Veður Fólk veltir fyrir sér hvort Áslaug Arna hafi verið slompuð í ræðustól Innlent Fólk í fjarvinnu finni fyrir minni streitu Innlent Ökumenn sektaðir vegna notkunar nagladekkja Innlent Fleiri fréttir Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Hafi verulega þýðingu hvort Dagbjört hafi haft ásetning til morðs „Verkefnið bara heltekur okkur“ Annar látinn eftir eldsvoðann á Hjarðarhaga Lagði Livio sem þarf að punga út 25 milljónum króna Stefna að opnun nýs hjúkrunarheimilis á Akureyri árið 2028 Framkvæmdir í tómri Árbæjarlaug ganga vel Fólk veltir fyrir sér hvort Áslaug Arna hafi verið slompuð í ræðustól Ný samræmd próf taki ekki yfir skólastarfið eins og þau gömlu Upptök eldsvoðans í rannsókn og nemar við Harvard áhyggjufullir Skoða hvort eitthvað saknæmt hafi átt sér stað Bein útsending: Að eldast á Íslandi Lítil hreyfing á fylgi stjórnmálaflokkanna Maðurinn kominn í leitirnar Verði bylting að geta fylgst með námsframvindu barna í rauntíma NEL tekur fyrir mál fjölskyldu Sigurðar Kristófers í júní Fólki sé vel treystandi til að fá sér bjór á íþróttaviðburðum Sjá meira
Annan daginn í röð var nánast ekkert flogið í Norður-Evrópu. Mat samtaka áætlunarflugfélaga er að tap flugfélaga sé 200 milljónir dollara á dag. Meira en helmingur fluga í evrópskri lofthelgi var felldur niður. Askan úr Eyjafjallajökli hafði enn meiri áhrif á flugsamgöngur í gær en í fyrradag. Fleiri Evrópulönd þurftu að loka lofthelgi sinni en svigrúm gafst þó til að þess að fljúga til Skotlands, hluta Írlands, auk þess sem innanlandsflug í Norður-Noregi og norðurhluta Svíþjóðar var leyft hluta úr degi. Annars lágu flugsamgöngur niðri á Norðurlöndum, í Hollandi, Belgíu og Eystrasaltslöndum, norðurhluta Frakklands, norðurhluta Þýskalands, hluta af Póllandi og Tékklandi. Austurríki og Sviss lokuðu lofthelgi er leið á daginn. Fjöldi fólks sem hefur orðið fyrir áhrifum vegna flugbannsins hleypur á hundruðum þúsunda hið minnsta. Útlit er fyrir áframhaldandi tafir í dag. 16 þúsund flug felld niðurEvrópska flugmálastofnunin sagði 12 þúsund flug hafa verið í evrópskri lofthelgi en hefðu átt að vera 28 þúsund, það þýðir að 60 prósent fluga voru felld niður. Aldrei áður hefur verið jafn mikil röskun á flugi í evrópskri lofthelgi. Ásgeir Pálsson, framkvæmdastjóri Flugstoða, segir unnið eftir viðbragðsáætlun Alþjóðaflugmálastofnunar. Hún felur meðal annars í sér að farið er eftir kortum sem Upplýsingamiðstöð gjóskudreifingar í London gefur út en þau sýna hvar öskuský leggur yfir og þar með hvar bannað er að fljúga. Yfirvöld á hverjum stað meta svo einnig aðstæður sem skýrir mismunandi tímasetningar á lokunum lofthelgi. Icelandair flaug þrisvar til Glasgow í gær, alls með 600 farþega. Að sögn Guðjóns Arngrímssonar, upplýsingafulltrúa Icelandair, voru þeir að stórum hluta til breskir ferðamenn sem hér voru strandaglópar. Guðjón segir viðskiptavini hafa sýnt þolinmæði. Hann segir ekki mikið um afbókanir, fólk virðist ætla að bíða og sjá hvað setur. Undir þetta tekur Kristín Þorsteinsdóttir, upplýsingafulltrúi Iceland Express. Ein vél félagsins kom frá Alicante í gær. Fraktflug í uppnámiEins og gefur að skilja voru það ekki einungis ferðalangar sem sátu heima vegna flugbannsins. Fraktflug lá niðri sem til dæmis þýðir að ferskvörur voru ekki fluttar milli landa. Breska blaðið Guardian sagði frá því að gera mætti ráð fyrir að ef framhald yrði á flugbanni myndi úrval ferskra ávaxta í hillum breskra stórmarkaða minnka strax eftir helgi. 50 fullir vörubílar voru í gærdag á leið með vörur frá Noregi, Svíþjóð og Danmörku til Leipzig í Þýskalandi en þaðan átti að fljúga þeim á markaði að sögn Politiken. Þjóðir sem flytja mikið til Evrópu hafa einnig orðið fyrir tjóni, enda geta þær ekki flutt varninginn á markað. Asía í viðbragðsstöðuSamkvæmt mati samtaka áætlunarflugfélaga er tap flugfélaga 200 milljónir dollara dag hvern, ríflega 25 milljarðar íslenskra króna. Svo dæmi séu tekin þá er talið að norræni flugrisinn SAS tapi í kringum 150 milljónum danskra króna á dag eða 3,4 milljörðum íslenskra króna. Í netútgáfu breska dagblaðsins Times er áætlað að bresk flugfélög tapi jafnvirði tuttugu milljarða króna raskist flug um helgina. Samkvæmt tilskipunum Evrópusambandsins verða flugfélög að halda strandaglópum uppi, greiða fyrir þá gistingu og fæði, auk þess sem flugfélögin verði af tekjum þegar farþegar afpanti flug.Þá sagði sérfræðingur í flugmálum hjá alþjóðlega matsfyrirtækinu Standard & Poor's í samtali við Fréttablaðið flugfélög í Asíu í viðbragðsstöðu. Röskun á flugsamgöngum hefur jafnframt komið við kaunin á fjármagnseigendum en gengi hlutabréfa í flugfélögum víða um heim lækkaði í gær. Sem dæmi þá lækkaði virði hlutabréfa British Airways, SAS og Atlantic Airways. sigridur@frettabladid.is jonab@frettabladid.is
Eldgos og jarðhræringar Gos á Fimmvörðuhálsi Mest lesið Árásarkonan Þjóðverji á fertugsaldri Erlent Sást ekki til sólar fyrir mýi Innlent Tekist á um breytta ásýnd Suðurlandsbrautar með tilkomu Borgarlínunnar Innlent Brennandi einbýlishús reyndist eyðibýli Innlent Bensínbrúsar inni í íbúðinni Innlent Fólk látið vinna of hratt og fái ekki greitt fyrir alla vinnuna Innlent Hitabylgjan sú mesta í maímánuði svo vitað sé Veður Fólk veltir fyrir sér hvort Áslaug Arna hafi verið slompuð í ræðustól Innlent Fólk í fjarvinnu finni fyrir minni streitu Innlent Ökumenn sektaðir vegna notkunar nagladekkja Innlent Fleiri fréttir Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Hafi verulega þýðingu hvort Dagbjört hafi haft ásetning til morðs „Verkefnið bara heltekur okkur“ Annar látinn eftir eldsvoðann á Hjarðarhaga Lagði Livio sem þarf að punga út 25 milljónum króna Stefna að opnun nýs hjúkrunarheimilis á Akureyri árið 2028 Framkvæmdir í tómri Árbæjarlaug ganga vel Fólk veltir fyrir sér hvort Áslaug Arna hafi verið slompuð í ræðustól Ný samræmd próf taki ekki yfir skólastarfið eins og þau gömlu Upptök eldsvoðans í rannsókn og nemar við Harvard áhyggjufullir Skoða hvort eitthvað saknæmt hafi átt sér stað Bein útsending: Að eldast á Íslandi Lítil hreyfing á fylgi stjórnmálaflokkanna Maðurinn kominn í leitirnar Verði bylting að geta fylgst með námsframvindu barna í rauntíma NEL tekur fyrir mál fjölskyldu Sigurðar Kristófers í júní Fólki sé vel treystandi til að fá sér bjór á íþróttaviðburðum Sjá meira