Eignir Landsbanka að fullu uppi í Icesave skuldir

Íslendingar munu krefjast þess að Icesave skuldbinding Íslands njóti forgangs við greiðslur úr þrotabúi gamla Landsbankans en eignir þess gætu dugað til að standa undir hlut Íslands. Þá verði engir vextir greiddir vegna skuldbindingarinnar.

Um 100 þúsund ónotaðir skammtar af bóluefni

Um eitt hundrað þúsund skammtar af bóluefni gegn svínaflensu eru ónotaðir hér á landi. Sóttvarnarlæknir áætlar að beinn kostnaður vegna aðgerða tengdum flensunni sé rúmlega hálfur milljarður króna. Þær aðgerðir sem gripið var til hafi dregið úr faraldrinum.

Lögbann á torrent.is staðfest

Hæstiréttur staðfesti í dag lögbann sýslumannsins í Hafnarfirði á rekstri vefsíðunnar torrent.is, en á síðunni var höfundarvörðu efni, svo sem tónlist og myndböndum dreift um netið.

Kredia óskar eftir fundi með ráðherra

Framkvæmdastóri Kredia hefur óskað eftir fundi með Árna Páli Árnasyni félagsmálaráðherra til að ræða starfsemi félagsins. Hann er ósáttur við ummæli í fjölmiðlum undanfarið um að smálánastarfsemi félagsins sé

Hæstiréttur sýknar mann af kynferðisbroti gegn 12 ára dreng

Hæstiréttur vísaði í dag frá dómi máli manns sem sakfelldur var í héraðsdómi fyrir að beita 12 ára gamlan dreng kynferðisofbeldi árið 2003. Héraðsdómur hafði dæmt manninn til vistunar á viðeigandi hæli auk þess sem honum var gert að greiða drengnum 1,5 milljónir króna í skaðabætur.

Dæmdur í tveggja ára fangelsi fyrir hrikalegt ofbeldi gegn eigin börnum

Hæstiréttur Íslands þyngdi dóm yfir karlmanni sem misþyrmdi börnum sínum hrottalega frá sumri 2005 til febrúar 2008. Maðurinn kastaði meðal annars hníf í læri sonar síns. Málið vakti mikla athygli þegar greint var frá því að hann hefði kastað hníf í son sinn. Uppskar hann þá viðurnefnið hnífakastarinn.

Ætla að hjálpa Grikklandi -og evrunni

Evrópusambandið hefur náð samkomulagi um að hjálpa Grikklandi út úr skuldasúpunni sem er að sliga landið.

Braut rúðu á hóteli og var hálf út

Fjarlægja þurfti konu af hótelinu 4th Floor á gatnamótum Laugavegs og Snorrabrautar en hún braut rúðu á hótelherbergi og var komin hálf út.

Össur ræðir ESB umsókn við spænskan kollega

Össur Skarphéðinsson utanríkisráðherra ræddi umsókn Íslands að Evrópusambandinu á fundi með Miguel Angel Moratinos utanríkisráðherra Spánar í gærkvöldi, en hann gegnir nú formennsku í ráðherraráði Evrópusambandsins.

Alexander McQueen svipti sig lífi

Breski fatahönnuðurinn Alexander McQueen er látinn en hann framdi sjálfsmorð samkvæmt The Daily Mail. Alexander þótti einn af frumlegustu hönnuðum sinnar kynslóðar.

Óheppnir fíkniefnaneytendur

Tveir piltar, 17 og 19 ára, voru gripnir glóðvolgir af lögreglunni á höfuðborgarsvæðinu þegar þeir voru að neyta fíkniefna í bíl á ónefndu bílastæði í austurborginni í gær.

Brjálaður Brown öskrar og sparkar í húsgögn

Fyrrverandi spunameistari í Downing Stræti 10 segir að Gordon Brown fái æðisköst þegar illa gengur. Hann öskri á starfsfólkið og sparki jafnvel í húsgögn í bræði sinni.

Google Buzz spinnur sig um netið

Google hefur hleypt af stokkunum nýrri þjónustu, Buzz, sem ætlað er að keppa við netsamfélög eins og Facebook og Twitter. Buzz er byggður inn í tölvupóstþjónustuna Gmail og gerir notendum kleift að uppfæra stöðu sína, skiptast á efni og gera athugasemdir við stöðu vina sinna.

Bjargaði föður sínum með því að beita hjartahnoði í 16 mínútur

Rauði kross Íslands hefur valið Magneu Tómasdóttur sem Skyndihjálparmann ársins 2009 fyrir að sýna hárrétt viðbrögð á neyðarstundu samkvæmt tilkynningu frá samtökunum.

Fimm þúsund Toyotur innkallaðar á Íslandi

Í dag verða póstlögð bréf til eigenda þeirra Toyotabifreiða á Íslandi sem kalla þarf inn til viðgerðar á eldsneytisinngjöf. Í tilkynningu frá Toyota segir að um fimm þúsund bílar verði kallaðir inn hér á landi og eru bréf til allra eigenda þeirra send út á sama tíma og berast þau á næstu dögum.

Engin fíkniefni í Tækniskólanum

Hátt í þúsund nemendur voru í Tækniskólanum á Frakkastíg þegar lögreglan ásamt fíkniefnahundum leituðu á nemendum í hádeginu í dag. Að sögn Aðalheiðar Sigursveinsdóttir, samskiptastjóra skólans, þá fundust engin fíkniefni og gekk átakið vonum framar.

Vörukarfan ódýrust í Bónus - dýrust í Kosti

22% verðmunur reyndist á matvörukörfunni þegar verðlagseftirlit ASÍ kannaði verð í lágvöruverðsverslununum sl. þriðjudag. Vörukarfan var ódýrust í Bónus þar sem hún kostaði kr. 14.736 en dýrust í Kosti kr. 17.920, verðmunurinn er 3.184 krónur. Aðeins 111 kr. verðmunur var á körfunni í Krónunni og Nettó samkvæmt frétt á heimasíðu ASÍ.

Loftslagsvísindamenn teknir til rannsóknar

Opinber rannsókn hefst í dag á því hvort loftslagsvísindamenn hafi hagrætt niðurstöðum rannsókna á loftslagsbreytingum.

Lúterskir Hollendingar gefa Þjóðkirkjunni 5000 evrur

Lúterska kirkjan í Amsterdam hefur sent Þjóðkirkjunni 5000 evrur sem Hjálparstarf kirkjunnar mun sjá um að koma til fólks er þarf á aðstoð að halda hérlendis. Í tilkynningu frá kirkjunni tala forsvarsmenn gjafarinnar um þetta sem táknræna upphæð sem fylgi orðum þeirra um samstöðu með Þjóðkirkjunni og íslenskri þjóð í þeim efnahagsþrengingum sem hún glímir við.

Vextir verði ekki greiddir af Icesave-skuld

Samkvæmt nýrri tillögu stjórnvalda er gert ráð fyrir að Íslendingar greiði ekki vexti af höfuðstól vegna Icesave skuldbindinganna og jafnframt að eignir þrotabús Landsbankans verði látnar ganga upp í höfuðstólinn. Tillagan verður tekin fyrir í viðræðum við Breta og Hollendinga sem mun hefjast eftir helgi. Þetta kom fram í hádegisfréttum RÚV.

Sjálfstæðir Evrópumenn halda stofnfund á morgun

Félagið Sjálfstæðir Evrópumenn verður stofnað á morgun, föstudaginn 12. febrúar klukkan 16:30 í Þjóðmenningarhúsinu. Tilgangur félagsins er að standa vörð um sjálfstæði Íslands, áframhaldandi samvinnu Íslands við vestrænar lýðræðisþjóðir og stuðla að efnahagslegum og pólitískum stöðugleika, trausti, einstaklings- og atvinnufrelsi og frjálsum viðskiptum.

Leitað að dópi í Tækniskólanum

Nokkuð lið lögreglu og tollvarða leitaði að fíkniefnum í Tækniskólanum á Skólavörðuholti í dag. Samkvæmt upplýsingum frá skólanum var óskað eftir liðsinni lögreglunnar en leitin er liður í forvarnastarfi skólans. Þrír hundar voru notaðir í leitinni og var öllum inngangum skólans, utan einum, lokað. Ekki er ljóst hvort fíkniefnaleitarhundarnir hafi haft eitthvað upp úr krafsinu á meðal nemenda skólans.

Baldur: Samningar aldrei á lokastigi

Baldur Guðlaugsson sem var í hópi embættismanna sem átti í viðræðum um Icesave í tíð ríkisstjórnar sjálfstæðisflokks og Samfylkingar, segir langt í frá að viðræður hafi verið komnar á það stig áður en ríkisstjórnin fór frá, að endanlegt samkomulag væri í sjónmáli.

Ökumenn virða ekki gangbrautarrétt

Það virðist hafa færst í aukana að ökumenn taki af stað á gulu blikkandi ljósi þó svo að fótgangendur séu enn á gangbraut. Umferðastofu hefur borist töluverður fjöldi kvartana vegna þessa og virðist vandamálið sérstaklega áberandi á Hringbraut við Þjóðminjasafnið og Háskóla Íslands.

Fangar hrella á Facebook

Breska dómsmálaráðuneytið hefur látið loka þrjátíu Facebook síðum vegna þess að fangar í breskum fangelsum notuðu þær til þess að hrella fórnarlömb sín og fjölskyldur þeirra.

Sektaður fyrir að smygla Rolex úri og silkihálsbindum

Karlmaður hefur verið dæmdur til þess að greiða fjögur hundruð þúsund krónur í sekt í Héraðsdómi Reykjavíkur fyrir að koma með tollskyldan varning inn í landið án þess að tilgreina hann sem slíkan.

Ákærendafélag Íslands gerir athugasemd við frétt

Helgi Magnús Gunnarsson, formaður Ákærendafélags Íslands, sem lætur sig varða starfsumhverfi ákærenda, hefur fyrir hönd félagsins gert eftirfarandi athugasemdir við frétt sem birtist á Vísi 3. febrúar síðastliðinn. Athugasemdirnar birtast hér að neðan:

Jóhanna snýr aftur

Jóhanna Sigurðardóttir, forsætisráðherra, snýr aftur úr fríi í dag en ríkisstjórnarfundur verður haldinn í fyrramálið. Samkvæmt aðstoðarmanni Jóhönnu, Hrannari B. Arnarsyni, þá mun hún sitja ríisstjórnarfundinn.

Skyndihjálparnámskeið getur bjargað lífi

Miklu getur breytt á slysstað að þar komi að fólk sem nýlega hefur farið á skyndihjálparnámskeið. Það er líklegast til að treysta sér til að veita ókunnugum og bráðveikum eða alvarlega slösuðum einstaklingi skyndihjálp. Þetta kemur fram í nýrri könnun sem gerð var fyrir 112.

Hollywood skiltið hverfur í dag

Hollywood skiltið fræga mun hverfa sjónum manna í dag. Það verður þó aðeins í dag. Það eru samtök umhverfisverndarsinna sem standa fyrir þessu.

Myrti eins árs gamlan son kærustu sinnar

Kviðdómur í Kaliforníu sakfelldi í gær bandarískan karlmann fyrir að hafa myrt eins árs gamlan son kærustu sinnar í september 2008. Maðurinn, sem er 23 ára gamall, myrti drenginn í reiðikasti á meðan hann gæti hans og kom líkinu fyrir í ruslakistu í Long Beach.

Lögreglumaður sýknaður af ákæru um ofbeldi

Lögreglumaðurinn Garðar Helgi Magnússon var sýknaður í Héraðsdómi Reykjavíkur í morgun en hann var ákærður af ríkissaksóknara fyrir brot í opinberu starfi og líkamsárás.

Lægri þrýstingur á heita vatninu á Akranesi og í Borgarnesi

Vegna vinnu við tengingu aðveituæðar Orkuveitu Reykjavíkur frá Deildartungu til Akraness má búast við lægri þrýsting á heita vatninu hjá notendum á Akranesi og í Borgarnesi í dag og á morgun. Notendur eru beðnir um að fara sparlega með heita vatnið í dag svo komast megi hjá vatnsskorti, að fram kemur í tilkynningu frá Orkuveitunni.

Búist við átökum í Íran

Stjórn og stjórnarandstaðan í Íran boða til fjöldafunda í dag til að minnast byltingarinnar í landinu árið 1979 þegar íslamska lýðveldið var stofnað. Búist er við átökum milli öryggissveita stjórnvalda og umbótasinna.

Festust í lyftu í hæsta turni heims

Fimmtán ferðamenn festust nýverið í lyftu sem bilaði í Burj Khalifa turninum í Dubai sem er hæsta bygging heims. Er þar loks komin skýringin á því að turninum var skyndilega lokað fyrir ferðamönnum fyrr í vikunni. Eftir að hafa heyrt skruðninga, sjá gler brotna og ryk feykjast inn um lyftudyrnar sat fólkið dauðhrætt og hjálparvana í lyftunni í tæpa klukkustund. Fólkið var þá statt á 124 hæð byggingarinnar sem er 160 hæða.

Good Time Charlie látinn

Fyrrverandi fulltrúadeildarþingmaðurinn Charlie Wilson er látinn, 76 ára að aldri. Hann var jafnan kallaður Good Time Charlie og þekktur fyrir mikið gjálíf og vera í tygjum við fjölda kvenna. Hann aðstoði afganska uppreisnarmenn á 9. áratug síðustu aldar við að flæma sovéska hermenn frá Afganistan.

Varað við að senda greiðslur til Íslands

Fyrirtæki í Taívan, sem nýverið keypti hunda- og kattamat frá Murr ehf í Súðavík, var varað við að senda greiðslur til Íslands fyrir sendinguna, þar sem íslenskir bankar væru á hausnum og því væri ekki víst að seljandinn fengi greiðsluna.

Tuttugu ár frá því Mandela var sleppt

Hátíðarhöld fara fram í Suður-Afríku í dag þegar þess verður minnst að 20 ár eru síðan að Nelson Mandela var sleppt úr fangelsi í eftir að hafa verið pólitískur fangi í 27 ár.

Leiðtogar ESB ræða um efnahagskrísu Grikkja

Leiðtogar Evrópusambandsríkjanna koma saman síðar í dag til að ræða efnahagsástandið í Grikklandi sem hefur versnað hratt á síðustu mánuðum. Ríkisstjórnin glímir við gífurlegan skuldavanda og hefur kynnt umfangsmiklar aðhaldsaðgerðir sem var mótmælt á götum úti í gær. Grikkir þurfa að fá tugmilljarða evra að láni til að reisa landið við.

Þjófar réðust á bíleigenda

Bíleigandi í Grafarvogi telur sig hafa átt fótum fjör að launa þegar hann ætlaði að handsama mann, sem hafði brotið rúðu í bíl hans í nótt, þegar samverkamaður þjófsins kom æðandi með brugðinn lurk og hugðist lumbra á bíleigandanum.

Eldur kveiktur í stórri stæðu af vörubrettum

Eldur var kveiktur í stórri stæðu af vörubrettum, sem stóð við vegg iðnaðarhúsnæðis við Mjölnisholt í Reykjavík um klukkan hálf fjögur í nótt og lagði mikinn reyk frá eldhafinu, þegar slökkvilið kom á vettvang. Margar tilkynningar bárust um eldinn, enda sást bjarminn víða að.

Enn snjóar á austurströnd Bandaríkjanna

Mikill hríðarbylur geisar enn á austurströnd Bandaríkjanna en daglegt líf fólks á svæðinu hefur undanfarna daga farið úr skorðum. Snjó hefur kyngt og fjölmörg met fallið. Skólahaldi hefur víða verið aflýst og þá er fjölda stofnanna lokað.

Verið að leita sátta um forvalið hjá VG

Innan Vinstri grænna var í gær leitað sátta milli Þorleifs Gunnlaugssonar og ýmissa forystumanna í flokknum vegna nýlegs forvals flokksins í borginni.

Spáir rúmlega sex þúsund nýjum störfum

Ný skýrsla Capacent, sem kynnt verður bæjarráði Reykjanesbæjar í dag, spáir því að nýjum störfum, beinum og afleiddum, muni fjölga um 6.500 ársverk fram til 2013 vegna áforma um ýmsar stórframkvæmdir á Suðurnesjum.

Krefjast bóta af klámhundum

Tvítug bandarísk kona, sem nefnd er Amy í dóm­skjölum, krefst þess að fá bætur frá hundruðum sakborninga, sem höfðu í fórum sínum barnaklámmyndir sem frændi hennar tók af henni fyrir rúmum áratug. Þótt frændi hennar hafi hlotið dóm fyrir afbrot sín eru myndirnar af Amy enn í dag meðal þeirra sem útbreiddastar eru í heimi barnaníðinga.