Ban Ki-moon, framkvæmdastjóri Sameinuðu þjóðanna, segir niðurstöðu loftslagsráðstefnunnar í Kaupmannahöfn mikil vonbrigði. Hann væntir þess að hægt verði að ná bindandi samkomulagi á næsta ári.
Ekki náðist lagalega skuldbindandi samkomulag um samdrátt í losun gróðurhúsaloftegunda á loftslagsráðstefnunni í Kaupmannahöfn, en ráðstefnunni lýkur í dag. Lokayfirlýsingu ráðstefnunnar sem undirrituð var í morgun þykir rýr enda kveður hún ekki á um hvernig koma eigi í veg fyrir frekari hlýnun jarðar.
Lokyfirlýsing ráðstefnunnar byggir á samkomulagi sem meðal annars fulltrúar Bandaríkjanna, Kínverja og Indverja náðu í gærkvöldi.
Yfirlýsingin felur í sér það markmið að koma eigi veg fyrir að andrúmsloft jarðar hlýni um meira en tvær gráður en ekki er fallist á eitt sameiginlegt viðmið um samdrátt í losun gróðurhúsaloftegunda. Því liggur ekki fyrir bindandi samkomulag hvernig þessu markmiði skuli náð.
Mikil vonbrigði
Tengdar fréttir
Ekki bindandi samkomulag
Barack Obama, Bandaríkjaforseti, náði í gærkvöldi samningi við leiðtoga Kína, Indlands, Brasilíu og Suður-Afríku um tillögur og áherslur í loftslagsmálum. Samkvæmt því er stefnt að því að hitahækkun verði að jafnaði innan við 2 stig.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
