Þekktur kínverskur andófsmaður fangelsaður

Einn þekktasti andófsmaður Kínverja, Hu Jia, hefur verið dæmdur í þriggja og hálfsárs fangelsi fyrir undirróðursstarfsemi. Jia er þrjátíu og fjögurra ára gamall og hefur barist fyrir mannréttindamálum í Kína um árabil. Á meðal helstu baráttumála hafa verið umhverfismál, trúfrelsi og réttindi þeirra sem smitaðir eru af HIV veirunni.

Stjórnarandstaðan sigraði í Zimbabve

Nú eru loksins komnar lokatölur í þingkosningunum í Zimbabwe en kosningarnar fóru fram á laugardaginn var. Stjórnarandstöðuflokkur Morgans Tsvangirais fór með sigur af hólmi og hefur nú meirihluta þingsæta á bakvið sig. Enn á eftir að tilkynna um úrslitin í forsetakosningunum sem fram fóru samhliða en Tswvangirai hefur þegar lýst yfir sigri í þeim.

Mótmælum hætt í bili

Vörubílstjórar hafa nú opnað fyrir umferð á Reykjanesbraut til móts við Sprengisand og á Kringlumýrarbraut við Miklubraut. Miklar tafir sköpuðust af aðgerðunum en ekki er vitað hvar þá mun bera niður næst.

Hellisheiði lokuð

Margir ökumenn lentu í erfiðleikum á Hellsiheiði í gærkvöldi þegar óveður brast þar á með með snjókomu þannig að fyrst varð fljúgandi hálka og síðan þæfingur og ófærð.

Með fíkniefni í miðbænum

Tveir karlar, annar um þrítugt en hinn nokkru yngri, voru handteknir í miðborginni síðdegis í gær en báðir voru með ætluð fíkniefni í fórum sínum. Mennirnir tóku afskiptum lögreglu mjög illa og höfðu í hótunum. Kom til átaka og fór svo að beita þurfti varnarúða til að hemja annan þeirra en sá hafði slegið lögreglumann í höfuðið.

Ingibjörg Sólrún hittir Rice í Washington

Ingibjörg Sólrún Gísladóttir, utanríkisráðherra, mun eiga tvíhliða fund í Washington með Condoleezzu Rice, utanríkisráðherra Bandaríkjanna þann 11. apríl næstkomandi.

AFL undirbýr aðgerðir

Á stjórnarfundi AFLs Starfsgreinafélags sem var að ljúka var samþykkt eftirfarandi ályktun um stöðu kjaramála í ljósi verðhækkana og gengisfalls íslensku krónunnar að undanförnu.

Ósáttur við ummæli lögreglu

Sturla Jónsson, einn af forsprökkum þeirra vöruflutningsbílstjóra sem mótmælt hafa háu eldsneytisverði undanfarið, segist afar ósáttur við ummæli sem höfð voru eftir lögreglunni á Suðurnesjum í fréttum Stöðvar 2 í kvöld. Þar kom fram að mótmæli vörubílstjóra á Reykjanesbrautinni í morgun hefðu tafið lögreglumenn frá því að sinna neyðartilviki.

Hættu við áætlunarflug vegna einkaþotu á kostakjörum

Forsætisráðuneytið var búið að bóka áætlunarflug til Búkarest með viðkomu í London í eina nótt áður en ákvörðun var tekin um að fljúga frekar á Nato fundinn með einkaþotu. Að sögn Grétu Ingþórsdóttur, aðstoðarkonu Geirs Haarde, var ákveðið að taka síðari kostinn þegar í ljós kom að kostnaðurinn væri aðeins 100 til 300 þúsund krónum meiri.

Undirbúa umfangsmiklar aðgerðir

Stjórnvöld undirbúa umfangsmiklar aðgerðir í peningamálum á næstu dögum, samkvæmt heimildum Stöðvar tvö. Formenn stjórnarflokkanna funduðu um málið með bankastjórum Seðlabankans í gær, sem er meginástæða þess að þau komust ekki með áætlanaflugi á NATO fund í Búkarest og fóru með leiguflugi í morgun.

Ekið á ungling

Ekið var á unglingsstúlku í Skeiðarvogi við Vogaskóla um klukkan 20:20 í kvöld. Hún var fluttur á brott með sjúkrabifreið en ekki er vitað um ástand hans að svo stöddu.

Heimdallur ályktar til stuðnings Sollu

Stjórn Heimdallar, félags ungra sjálfstæðismanna í Reykjavík, samþykkti í dag ályktun þar sem tekið er undir hugmyndir Ingibjargar Sólrúnar Gísladóttur um lækkun innflutningstolla neytendum til hagsbóta.

42 myndaðir á Strandgötu

Brot 42 ökumanna voru mynduð á Strandgötu í Hafnarfirði í gær. Fylgst var með ökutækjum sem var ekið Strandgötu í norðurátt, nærri Hellubraut. Á einni klukkustund, fyrir hádegi, fóru 468 ökutæki þessa akstursleið og því óku allmargir ökumenn, eða 9%, of hratt eða yfir afskiptahraða. Meðalhraði hinna brotlegu var liðlega 62 km/klst en þarna er 50 km hámarkshraði. Sá sem hraðast ók mældist á 75.

Flokkur Mugabe tapaði meirihluta í stjórn

Robert Mugabe forseti Simbabve og Zanu flokkur hans hafa tapað meirihluta í ríkisstjórn samkvæmt opinberum úrslitum kosninganna á laugardaginn. Zanu flokkurinn hefur fengið 94 af 210 þingsætum, en stjórnarandstöðuflokkarnir 105. Endanlegar niðurstöður forsetakjörsins hafa ekki enn verið birtar.

Tvær grenjaskyttur létust við Blönduvirkjun

Seinnipartinn í gær fóru tveir menn til veiða á tófu í skothúsi sem staðsett er á Auðkúluheiði skammt ofan við Blönduvirkjun. Í morgun er þeir skiluðu sér ekki til byggða fór sonur annars þeirra ásamt öðrum manni að til að kanna með þá.

Sautján ára á 153 km hraða

Sautján ára stúlka var tekin fyrir hraðakstur á Reykjanesbraut, sunnan Hafnarfjarðar, í nótt en bíll hennar mældist á 153 km hraða miðað við klukkustund.

Útvarpsstjóri boðar til aðalfundar

Aðalfundur Ríkisútvarpsins ohf. verður haldinn fimmtudaginn 17. apríl 2008 í útvarpshúsinu við Efstaleiti 1, Reykjavík, og hefst fundurinn kl. 14.00.

Hafa 46 daga til þess að breyta eftirlaunalögum

Þingmenn hafa 46 starfsdaga til þess að breyta hinum umdeildu eftirlaunalögum ef utanríkisráðherra á að verða að ósk sinni um að ljúka málinu fyrir þinglok.

Forsætisráðuneyti neitar að upplýsa kostnað við einkaþotu

Forsætisráðuneytið ætlar ekki að gefa upp kostnað vegna leigu á einkaþotu undir Geir H. Haarde, Ingibjörgu Sólrúnu Gísladóttur og fylgdarlið þeirra til Búkarest. Þetta staðfesti Bolli Þór Bollason ráðuneytisstjóri í dag.

SUS hvetur íslenska stjórnmálamenn til að sniðganga ÓL

Samband ungra sjálfstæðismanna hvetur íslenska stjórnmálamenn til að sniðganga opnunar- og lokahátíð Ólympíuleikanna sem hefjast í Peking 8. ágúst og sýna með þeim hætti andstöðu íslenskra stjórnvalda við meðferð kínverskra stjórnvalda á þegnum sínum.

Samkeppniseftirlitið kannar ummæli um matarhækkun

Samkeppniseftirlitið hefur sent tvennum hagsmunasamtökum erindi vegna ummæla á opinberum vettvangi um verðhækkanir á matvælum og gruns um að seilst hafi verið of langt við hagsmunagæslu. Vísar eftirlitið til samkeppnislaga máli sínu til stuðnings.

Hættulegur fangi slapp úr haldi í London

Hættulegur fangi gengur nú laus í London eftir að hann slapp úr haldi skömmu áður en hann átti að koma fyrir dómara. Þar biðu hans ákærur vegna vopnaðs ráns.

Risaeðlupöddur finnast í rafi

Vísindamenn hafa fundið fjöldan allan af 100 milljón ára gömlum skordýrum í rafi. Fundurinn minnir á myndina Jurassic Park en í henni voru risaeðlur klónaðar úr blóði skordýrum sem fest höfðu í trjákvoðu sem seinna breyttist í raf.

Bush ítrekar að NATO stækki til austurs

George Bush Bandaríkjaforseti hefur ítrekað að hann hvetji Nató til að stækka til austurs. Fyrir leiðtogafund NATO í Búkarest í dag hvatti hann til þess að fyrrum Sovétlýðveldin Úkraína og Georgía yrðu boðin velkomin í bandalagið.

Handvömm að ráðherra fundaði ekki með nefnd fyrir Búkarestferð

Handvömm virðist hafa ráðið því að utanríkisráðherra fundaði ekki með utanríkismálanefnd Alþingis áður en hún hélt á leiðtogafund Atlantshafsbandlagsins í Búkarest í dag. Þetta sagði Árni Páll Árnason, varaformaður utanríkismálanefndar á Alþingi.

Sektaðir fyrir að vera með hass í bílnum

Tveir piltar voru dæmdir í Héraðsdómi Norðulands eystra í dag til sektar fyrir að hafa haft hass í bifreið sinni sem þeir óku á of miklum hraða. Piltarnir mættu ekki fyrir dóm og var sú fjarvist metin til játningar í málinu.

Setur reglugerð um þátttöku TR í kostnaði vegna bæklunarlækna

Guðlaugur Þór Þórðarson heilbrigðisráðherra hefur sett reglugerð um greiðsluþátttöku Tryggingastofnunar ríkisins vegna þjónustu sjálfstætt starfandi bæklunarlækna sem eru án samninga.

Vill fara yfir brunaskýrslu í borgarráði

Dagur B. Eggertsson, oddviti Samfylkingarinnar í borgarstjórn, hefur farið fram á það að ný skýrsla Brunamálastofnunar um brunann í miðborg Reykjavíkur í fyrra verið kynnt í borgarráði sem fyrst.

Ríkisstjórnin gagnrýnd fyrir aðgerðaleysi í eldsneytismálum

Stjórnarandstaðan á Alþingi gagnrýndi í dag ríkisstjórnarflokkanna fyrir aðgerðarleysi í ljósi hækkandi eldsneytisverð.

Slökkvistarfi lokið við Grettisgötu

Slökkvistarfi lauk laust fyrir klukkan 13 í íbúð við Grettisgötu 86 þar sem kviknað hafði í potti á eldavél. Slökkvilið reykræsti íbúðina og tók lögregla að því búnu við á vettvangi. Íbúðin var mannlaus en nágranni í húsinu tilkynnti um atvikið til slökkviliðs.

Tyrkir fella 16 Kúrda

Tyrkir segja að herlið þeirra hafi drepið sjö meðlimi kúrdíska uppreisnahópsins PKK í átökum í Sirnak í suðausturhluta landsins. Þá er tala uppreisnarmanna PKK sem Tyrkir hafa fellt komin upp í 16 frá því á mánudag. Átökin hafa átt sér stað við landamæri Írak en þrír tyrkneskir hermenn hafa einnig látist í átökunum.

Geir og Ingibjörg hluti af þotuliðinu

Álfheiður Ingadóttir, þingmaður Vinstri grænna, gagnrýndi Geir H. Haarde forsætisráðherra og Ingibjörgu Sólrúnu Gísladóttur utanríkisráðherra fyrir að nýta sér einkaþotur til þess að fara á fund NATO í Búkarest í dag.

Tjón í miðbæjarbruna um 132 milljónir

Tjónið í brunanum í miðbæ Reykjavíkur í fyrravor nam rúmum 132 milljónum króna samkvæmt því sem fram kemur í nýrri skýrslu Brunamálastofnunar um brunann.

Nokkrar líkur á að eldur hafi komið upp í lofti yfir Fröken Reykjavík

Nokkrar líkur eru á því að eldurinn sem eyðilagði húsin að Austurstræti 2 og Lækjargötu 22 í miðborg Reykjavíkur í fyrravor hafi komið upp í loftinu yfir söluturninum Fröken Reykjavík.

Lögreglu hafa borist ábendingar um úraþjóf

Lögreglan á höfuðborgarsvæðinu birti í gær mynd af meintum úraþjófi í verslun Hermanns Jónssonar úrsmiðs við Ingólfstorg í síðustu viku. Tveir menn voru að verki og birti lögregla mynd af öðrum þeirra.

Eldur í eldhúsinnréttingu í húsi við Grettisgötu

Slökkvilið höfuðborgarsvæðisins var kvatt að Gettisgötu 86 nú í hádeginu en þar logaði eldur í eldhúsinnréttingu í íbúð í húsinu. Snorrabraut hefur verið lokað til suðurs til þess að slökkviliðsmenn geti athafnað sig.

Fjöldi manna féll fyrir aprílgabbi Stöðvar 2

Fjöldi landsmanna hljóp apríl eftir að fréttastofa Stöðvar tvö sagði frá því í gær að Vodafone hefði landað samningi við Apple um sölu á iPhone símanum. Það var aprílgabb. Enginn iPhone sími er til sölu í verslunum Vodafone.

Leggur fram framkvæmdaáætlun um barnavernd

Jóhanna Sigurðardóttir félags- og tryggingmálaráðherra leggur fram á Alþingi í dag tillögu til þingsályktunar um framkvæmdaáætlun ríkisins í barnavernd. Þetta er í fyrsta sinn sem slík áætlun er lögð fram eftir því sem segir í tilkynningu frá ráðuneytinu.

Geir ræðir við Sarkozy um loftrýmiseftirlit

Geir H. Haarde, forsætisráðherra, mun eiga fund með Nicholas Sarkozy Frakklandsforseta í tengslum við leiðtogafund Atlantshafsbandalagsins sem hófst í Búkarest í dag. Þar munu þeir ræða loftrýmiseftirlit við Ísland eins og segir í tilkynningu á vef forsætisráðuneytisins.

Ábyrgir foreldrar á Akureyri gagnrýna seinagang

Félag ábyrgra foreldra á Akureyri gagnrýnir seinagang sýslumannsembættisins á Akureyri á úrskurðum í umgengnismálum foreldra við börn þeirra , og telur óhæft að foreldrar þurfi að bíða mánuðum saman eftir niðurstöðu sýslumanns í þessum málaflokki.

Búið að lækka bensínið hjá öllum nema Skeljungi

Öll olíufélögin að Skeljungi undanskildum eru búin að lækka hjá sér bensínverð í dag. Verð á bensíni er komið í 129,40 krónur og dísel olían í 138,40.

Gríðarlega öryggisgæsla í Búkarest vegna NATO-fundar

Gífurlegar öryggisráðstafanir hafa verið gerðar í Búkarest fyrir fund Atlantshafsbandalagsins sem þar hefst í dag. Bush Bandaríkjaforseti undirstrikaði í morgun áherslu sína á að Úkraínu og Georgíu verði boðin aðild að bandalaginu.

Tafir á brottför flugvéla vegna mótmæla

Tafir urðu á brottför nokkurra flugvéla frá Keflavíkurflugvelli í morgun vegna þess að tugir vörubíla lokuðu Reykjanesbraut í Kúagerði upp úr klukkan fimm í morgun. Enginn missti þó af flugi því áhafnirnar töfðust líka.

Líklegast kosið á ný í Zimbabwe

Dagblað í eigu ríkisins í Zimbabve segir allar líkur á því að efna verði á ný til forsetakosninga í landinu þar sem hvorugur frambjóðendanna fékk meira en helming atkvæða. Stjórnarandstæðingar hafa lýst yfir sigri.

Kviðdómur Díönurannsóknar íhugar niðurstöðu

Kviðdómur í réttarrannsókninni á dauða Díönu prinsessu hefur dregið sig í hlé til að íhuga úrskurð sinn. Síðustu tvo daga hefur Scott Baker lávarður og dánardómstjóri dregið saman helstu sönnunargögn áður en hann sendi kviðdóminn úr dómsalnum.