Drögin gerðu ráð fyrir samningi til 10 ára

Í drögum að samningi milli Orkuveitu Reykjavíkur (OR) og Reykjavík Energy Invest (REI) frá 17. september var gert ráð fyrir einkarétti REI á hugviti og þjónustu OR til tíu ára en ekki tuttugu eins og niðurstaðan varð.

Erfiðara að búa á landsbyggðinni

Innflytjendur á landsbyggðinni búa frekar við félagslega einangrun en þeir sem sest hafa að á höfuðborgarsvæðinu. Þetta kemur fram í nýrri könnun sem Rauði krossinn á Norðurlandi lét gera.

Flugfreyjurnar eru fyrstar

Vinnumarkaður Flugfreyjufélag Íslands á fyrsta samningafund með fulltrúum Samtaka atvinnulífsins, fyrir hönd Icelandair á miðvikudaginn í næstu viku. Flugfreyjufélagið er þar með eitt fyrsta stéttarfélagið til að hefja samningalotuna í haust.

Höfn í Bakkafjöru ekki einkarekin

„Þetta eru nýjar fréttir fyrir okkur," segir Elliði Vignisson, bæjarstjóri í Vestmannaeyjum, sem undrast að Siglingastofnun segi koma til greina að rekstur ferjuhafnar í Bakkafjöru verði í höndum einkaaðila.

Mest aukning á Suðurnesjum

Íbúum Íslands fjölgaði um 3.700 manns, eða 1,2 prósent, á fyrri helmingi ársins. Á sama tíma var fjöldi aðfluttra umfram brottflutta af landinu 2.561 en náttúruleg fjölgun, það er fæddir umfram dána, var 1.139 manns.

Meindýraeyðir áfrýjar dómi

Árni Logi Sigurbjörnsson meindýraeyðir hefur ákveðið að áfrýja dómi, sem hann hann hlaut í síðustu viku, til Hæstaréttar, að því er hann hefur tjáð Fréttablaðinu.

Með 700 grömm af kókaíni

Sex menn hafa verið ákærðir fyrir Héraðsdómi Reykjavíkur fyrir að hafa ýmist skipulagt eða flutt hingað til lands rúmlega 700 grömm af kókaíni á síðasta ári.

Neyðarástand í Kaliforníu

Gífurlegir skógar-­eldar geisa nú í Kaliforníu­ríki í Bandaríkjunum og hefur Arnold Schwarzenegger ríkisstjóri lýst yfir neyðarástandi í sjö sýslum í suðurhluta ríkisins.

Howard tapaði í kappræðum

Forsætisráðherra Ástralíu, John Howard, þótti bíða lægri hlut fyrir stjórnarandstöðuleiðtoganum Kevin Rudd í heitum sjónvarpskappræðum á sunnudaginn sem yfir 2,1 milljón Ástrala, eða tíu prósent þjóðarinnar, fylgdist með.

Aukin pólitísk völd Hu eftir flokksþing

kína, ap Forseti Kína, Hu Jintao, hefur seinna fimm ára kjörtímabil sitt með aukin pólitísk völd að loknu flokksþingi Kommúnistaflokksins í Kína. Hann hefur nú frjálsari hendur til að fást við vaxandi spennu vegna launamunar og til að auka fjárframlög til vanræktrar félagsþjónustu.

Brynvagnar stefna að landamærunum

Tyrkland, AP Tugir tyrkneskra brynvagna stefndu í gær að landamærunum að Írak. Á fjölmennum mótmælafundum í borgum landsins var þess krafist að tekið væri af hörku á uppreisnarmönnum Kúrda í kjölfar þess að í fyrradag féllu tólf hermenn í fyrirsát.

Hundruð óeirðarseggja í palestínsku fangelsi

Hundruð palestínskra fanga gerðu aðsúg að ísraelskum fangavörðum í Negev eyðimörkinni í suðurhluta Israel. Fimmtán Palestínumenn og 15 fangaverðir særðust í átökunum að sögn ísraelskra yfivalda.

Karlmaður á þrítugsaldri syrgir níræða eiginkonu

Argentínska parið Adelfe Volpes og Reinaldo Waveqche höfðu búið saman í nærri áratug þegar þau loks ákváðu að ganga í það heilaga í lok síðasta mánaðar. Nokkur aldursmunur var á þeim hjónum en Adelfe var 82 ára gömul en Reinaldo 24 ára. Aðeins nokkrum vikum eftir athöfnina lést Volpes.

Einar vill ítarlega umræðu um kýrnar

Einar K. Guðfinnsson, sjávarútvegs- og landbúnaðarráðherra, segir mikilvægt að niðurstaða um að flytja inn nýtt kúakyn til Íslands verði ekki tekin í fljótfærni. Hann vill að bændur ræði málið á sínum vettvangi og komist að niðurstöðu sín í milli.

Discovery skotið á loft á morgun

Geimskutlunni Discovery verður skotið á loft frá Flórídaskaga á morgun en för hennar heitið að alþjóðlegu geimstöðinni. Þar mun geimskutlan dvelja í fjórtán daga á meðan áhöfn hennar sinnir viðhaldi og endurbætum á geimstöðinni.

Annríki hjá lögreglu og slökkviliði

Slökkviliðið á höfuðborgarsvæðinu var kallað að Dalsmára í Kópavogi um sexleytið vegna þess að vatn lak úr læk í nágrenninu og inn í hús.

Fjárfestir í Lúxemborg eignast fjórðung jarða í Vopnafirði

Fjárfestir, búsettur í Lúxemborg, og aðilar honum tengdir, hafa á fáum árum eignast fjórðung allra jarða í Vopnafirði. Einn helsti kúabóndi sveitarinnar vill að stjórnvöld setji lög eða reglur sem takmarki fjöldakaup á jörðum.

Osama bin Laden hvetur múslima til að sýna samstöðu

Arabíska sjónvarpsstöðin Al Jazeera sendi í dag út hljóðupptöku af Osama bin Laden, leiðtoga Al kaída samtakanna. Þar hvetur bin Laden herskáa múslima í Írak til að sameina krafta sína.

SA: Einbeita sér að þeim launalægstu

Samtök atvinnulífsins vilja hækka laun þeirra sem ekki hafa notið launaskriðs og hafa setið eftir á meðan laun annarra hafa hækkað umfram launataxta.

Rússar opna leynilega flugstöð

Rússar stunda þessa dagana viðamiklar heræfingar í lofti, meðal annars með sprengjuflugvélum sem hafa verið að fljúga meðfram Íslandi. Hinn háleynilegi herflugvöllur í sunnanverðu Rússlandi, þar sem miðstöð vélanna er, hefur ekki áður verið opnaður vestrænum fréttamönnum.

Ríkið leggur rösklega 40% á öryggisfatnað sem bjargað getur mannslífum

Ríkið leggur ríflega fjörutíu prósent á öryggisfatnað bifhjólamanna í mörgum tilvikum. Þetta er búnaður sem bjargað getur mannslífum. Ný lög skylda ökumenn bifhjóla að nota öryggisfatnað, sem þó er enn óskilgreindur í lögum.

Fundu 12 þúsund fornmuni á heimili ellilífeyrisþega

Lögreglan í Feneyjum á Ítalíu lagði í morgun hald á nærri 12 þúsund fornmuni sem fundust á heimili ellilífeyrisþega þar í borg. Maðurinn hafði í mörg ár stundað ólöglegan fornleifauppgröft víða á Ítalíu. Elstu munirnir sem fundust á heimilinu voru nærri 3.600 ára gamlir.

Atlantsolía í skaðabótamál við Olís

Atlantsolía sakar Olís um að hafa með ólögmætum hætti látið fjarlægja auglýsingabifreið félagsins af bílaplani við Skúlagötu. Bíllinn var fluttur upp í höfuðstöðvar Vöku þar sem lögmaður Atlantsolíu leysti hann út í dag. Félagið hyggst fara í skaðabótamál við Olís vegna málsins.

Færeyingar vilja íslenskt rafmagn

Færeyingar telja að þeir geti dregið úr útblæstri gróðurhúsaloftegunda um nærri 30 prósent fái þeir rafmagn frá Íslandi í gegnum sæstreng. Í dag eru flest öll heimil í Færeyjum hituð upp með olíu.

Tyrkir safna liði við landamæri Íraks

Tyrkneskar hersveitir héldu í dag að landamærunum við Írak eftir hörð átök við kúrdíska skæruliða alla helgina. Erdogan forsætisráðherra Tyrklands segir þó að ekki verði ráðast inn í Írak fyrr en fullreynt væri að aðrar leiðir dygðu ekki til að binda enda á árásir skæruliða.

Þjóðernissinnar taldir á undanhaldi

Fréttaskýrendur segja að kosningarnar í Póllandi séu viðvörun til öfgaflokka í Mið- og Austur-Evrópu um að stuðningur við þá sé að minnka.

Fundar um orku- og sjávarútvegsmál í Indónesíu

Össur Skarphéðinsson iðnaðarráðherra fundar á morgun með Susilo Bambang Yudhoyono, forseta Indónesíu, ásamt orkumálaráðherra landsins og sjávarútvegsráðherra.

Foreldrar leikskólabarna mótmæla

Foreldrar leikskólabarna í Reykjavík ætla að afhenda formanni leikskólaráðs Reykjavíkur undirskriftalista á morgun. Um 2500 undirskriftum hefur þegar verið safnað að sögn Hildar Vernudóttur, meðstjórnanda í foreldrafélaginu Foldaborg.

Flugi til Ísafjarðar og Eyja frestað til morguns

Flugi til Vestmannaeyja og Ísafjarðar sem átti að fara nú á fimmta tímanum hefur verið aflýst og verður ekki athugað með flug þangað fyrr en á morgun.

Dýratilraunir hjá deCode og víðar

Dýratilraunir fara fram á nokkrum stöðum hér á landi, þar á meðal hjá Íslenskri erfðagreiningu sem notar mýs og rottur til framhaldsrannsókna.

SAS mismunar farþegum eftir kynþætti

Sérstök kvörtunarnefnd í málefnum minnihlutahópa í Danmörku hefur komist að þeirri niðurstöðu að norræna flugfélagið SAS mismuni farþegum eftir menningarlegum bakgrunni þeirra. Félagið meinar fólki með ónorræn og óengilsaxnesk nöfn að nýta sér sjálfsafgreiðslu við innritun.

Gómaður þrisvar sama sólarhringinn

Sýslumaðurinn á Akranesi þingfesti í dag mál á hendur tvítugum karlmanni frá Hveragerði sem gómaður var þrisvar sinnum sama sólarhringinn af lögreglunni á írskum dögum á Akranesi í sumar.

Skjálftavirkni við Upptyppinga og Herðubreiðartögl

Nokkur skjálftavirkni hefur verið á tveimur stöðum norðan Vatnajökuls um helgina og í dag en þó enginn stór skjálfti.

Allt á réttri leið, segir Breiðavíkurdrengur

Samvinna þeirra Þórs Jónssonar upplýsingafulltrúa Kópavogsbæjar og Guðmundur Gissurarsonar Breiðavíkurdrengs hófst í dag. Eins og kunnugt er af fréttum Vísi fyrir helgi ákvað Þór að aðstoða Guðmund við að fá í hendur skýrslu barnaverndarnefndar um sig. "Þetta er allt á réttri leið núna," segir Guðmundur.

Kínverjar skjóta geimkönnunarfari á loft

Kínverjar hyggjast síðar í þessari viku skjóta á loft geimkönnunarfarinu, Change'e One, en því er ætlað rannsaka landslag og þykkt jarðefna á tunglinu. Reiknað er með því að könnunarfarið verði næstu tvö árin á sporbraut um tunglið.

Einn látinn í skógareldum í Kaliforníu

Að minnsta kosti einn er látinn og sautján slasaðir í miklum skógareldum í Kaliforníu. Töluverðar tafir hafa orðið á slökkvistarfi þar sem slökkvilið hefur þurft að snúa frá slökkvistörfum til að bjarga íbúum sem neituðu að yfirgefa heimili sín í gær. Ástandið snarversnaði í nótt og er orðið mun verra en slökkviliðsmenn hefðu getað ímyndað sér að sögn Bill Metcalf varðstjóra slökkviliðs sem berst við eldana.

Ómakleg orðræða um kirkjuna

Tekist var á um það hversu langt ætti að ganga í umræðum um staðfesta samvist á Kirkjuþingi í morgun.

Lögðu hald á fíkniefni og hníf

Lögreglan á höfuðborgarsvæðinu handtók í nótt karlmann á þrítugsaldri vegna gruns um akstur undir áhrifum fíkniefna. Við nánari leit í bifreið mannsins fundust ætluð fíkniefni og hnífur. Lögreglan lagði hald á hvorttveggja.

Vildu gera hryðjuverkaárás á Tívolíið í Kaupmannahöfn

Hryðjuverkamennirnir í hinu svokallaða Vollmose-máli íhuguðu að koma fyrir sprengju í Tívolíinu í Kaupmannahöfn. Þetta kom fram við vitnaleiðslur í Eystri landsrétti í Danmörku í dag. Mennirnir höfðu einnig hugsað sér að koma fyrir sprengju á aðaljárnbrautarstöðinni í Kaupmannahöfn.

Átta tyrkneskra hermanna saknað

Átta tyrkneskra hermanna er saknað eftir árás uppreisnarmanna Kúrda á tyrkneskar hersveitir í gær sem kostuðu 12 tyrkneska hermenn lífið. Yfirlýsing hersins í Tyrklandi þess efnis var birt í kjölfar þess að fréttastofa sem talin er tengjast uppreisnarmönnunum birti nöfn sjö þeirra sem saknað er.

Þýskir lestarstjórar boða verkfall

Reiknað er með miklum töfum á lestarsamgöngum í Þýskalandi næstkomandi fimmtudag og föstudag vegna boðaðs verkfalls þýskra lestarstjóra. Viðræður þeirra við þýska lestarfyrirtækið Deutsche Bahn hafa engan árangur borið.

Stormur í aðsigi

Það er versnandi veður á landinu sunnan- og vestanverðu, þar á meðal í höfuðborginni og eru horfur á vindhraði ná um eða yfir 20 m/s á þessu svæðum og enn meiri á hálendinu.

Fjölmargir sektaðir fyrir brot á lögreglusamþykkt

Karlmaður á sextugsaldri var meðal þeirra 34 sem lögreglan á höfuðborgarsvæðinu greip fyrir brot á lögreglusamþykkt í miðborginni um helgina.

Ekkert lát á síldveiðinni á Grundarfirði

Ekkert lát er á síldveiðinni á Grundarfirði. Nokkur skip, sem voru þar í gær, náðu að fylla sig og eru á landleið og Hákon liggur úti fyrir Ólafsvík og er áhöfnin að frysta síld um borð. Hin skipin sigla með síldina ferska alla leið til Austfjarðahafna.

Telur rifta eigi samningi REI og GGE

Steingrímur J. Sigfússon, formaður Vinstrihreyfingarinnar - græns framboðs, telur að rifta eigi samrunasamningi REI og Geysis Green Energy. Menn eigi ekki að komast upp með slík vinnubrögð og málið eigi að fara aftur á byrjunarreit.