Fékk slökkvitæki í kveðjugjöf

Vilhjálmur Þ. Vilhjálmsson lýkur sínum síðasta vinnudegi sem borgarstjóri í dag eftir aðeins um sextán mánuði í starfinu.

Fundu göng undir landamærum Egyptalands og Palestínu

Egypsk yfirvöld hafa fundið tvö göng sem liggja undir landamæri Palestínu og Egyptalands. Svo virðist sem göngin hafi verið notuð til að smygla vopnum og fíkniefnum milli landanna. Þrír menn hafa verið handteknir vegna málsins.

„Ruglaði" barnaníðingurinn talinn Kanadamaður

Grunaður internet-barnaníðingur sem Interpol hefur leitað að hefur verið nafngreindur sem Kanadamaðurinn Christopher Paul Neil. Alþjóðalögreglan hefur birt nýja mynd af manninum úr öryggismyndavél á flugvelli í Bangkok í Taílandi. Þar er hann með rakað höfuð og gleraugu.

Hafna því að sátt sé um verklagsreglur

Samtök verslunar og þjónustu hafna þeim orðum framkvæmtastjóra ASÍ í Morgunblaðinu í dag að verðkannanir ASÍ séu unnar út frá verklagsreglum sem sambandið og Samtök verslunar og þjónustu unnu saman og sátt sé um.

Kínverjar sprengja lengstu kínverjakeðju í heimi

Borgaryfirvöld í kínversku borginni Liuyang vona að borgin komist á spjöld sögunnar og síður heimsmetabóka með því að sprengja yfir 18 km langa keðju af "kínverjum" eða hvellbombum. Þessi sprengjuveisla er samvinnuverkefni 35 flugeldaverksmiðja í borginni.

Rússar selja Írönum þotuhreyfla í herþotur

Íranir hafa ákveðið að kaupa 50 rússneska RD-33 þotuhreyfla sem sérstaklega eru hannaðir fyrir herþotur. Gert er ráð fyrir því að Pútín, forseti Rússlands, undirriti samkomulag þessa efnis á meðan opinber heimsókn hans í Íran stendur yfir.

Lýsa yfir vantrausti á Margréti Sverrisdóttur

Landssamband kvenna í Frjálslynda flokknum lýsir vantrausti á Margréti Sverrisdóttur og öll vinnubrögð hennar, þar sem hún gekk úr flokknum en situr samt í umboði hans í borgarstjórn.

Lífstíðar fangelsi fyrir að myrða tvö börn

Japönsk kona var í gær dæmd í lífstíðar fangelsi þar í landi fyrir að myrða tvö börn. Konan stakk börnin með hníf og losaði sig við líkin á hrísgrjónaakri.

ASÍ vill ekki hætta verðlagseftirliti

Samtök verslunar og þjónustu hafa velt upp óljósum hugmyndum, sem í raun fela í sér að ASÍ hætti verðlagseftirliti, en á það getur ASÍ ekki falllist, segir í tilkynningu fá ASÍ.

Lögreglan á Selfossi rannsakar þjófnað á heitu vatni

Lögreglan á Selfossi rannsakar nú meintan þjófnað á heitu vatni og eru fleiri en einn og fleiri en tveir grunaðir um þessháttar verknað.

Kosningasjóður Hillary Clinton stækkar hratt

Kosningasjóður Hillary Clinton, sem sækist eftir útnefningu demókrata fyrir bandarísku forsetakosningarnar, stækkar nú hraðar en nokkru sinni fyrr. Henni hefur nú tekist að safna nærri 200 milljónum króna meira en helsti keppinautur hennar Barack Obama.

Tyrkir undirbúa innrás í Írak

Stjórnvöld í Írak hvöttu Tyrki í gær til hætta við yfirvofandi árás gegn kúrdískum skæruliðum í norðurhluta Írak. Um sextíu þúsund tyrkneskir hermenn eru nú í viðbragðsstöðu við landamæri ríkjanna.

Lögreglan stöðvar átök við Funahöfða

Tveir íslenskir karlmenn voru fluttir með sjúkrabílum á slysadeild Landsspítalans til aðhlynningar í nótt, eftir átök, sem urðu fyrir utan hús við Funahöfða í Reykjavík, þar sem margir erlendir verkamenn búa. Mennirnir höfðu verið barðir með kylfum.

Réttindalaus undir áhrifum fíkniefna

Réttindalaus ökumaður undir áhrifum fíkniefna, reyndi í nótt að stinga lögregluna af, en hafnaði á grindverki í vestanverðu Árbæjarhverfinu.

Níu látast í umferðarslysi

Níu létust og sjö slösuðust í sjálfstjórnarhéraðinu Tatarstan í Rússlandi í morgun þegar vörubifreið lenti í árekstri við smárútu.

Pútín kemur í opinbera heimsókn til Írans

Pútín Rússlandsforseti kom í opinbera heimsókn til Írans í morgun. Er um að ræða fyrstu heimsókn moskvuleiðtoga síðan Jósef Stalín heimsótti landið árið 1943.

Noregskonur tjáir sig um krónprinsessuna

Haraldur Noregskonungur tjáði sig í fyrsta skipti við fjölmiðla í gær vegna málefna krónprinsessunnar Märtha Louise.

Bandaríkjamenn styðja stofnun Palestínuríkis

Bandaríkjamenn eru reiðubúnir að styðja stofnun sjálfstæðs Palestínuríkis. Þetta kom fram í máli Condoleezza Rice, utanríkisráðherra Bandaríkjanna,í Ísrael í gær. Sagði hún ennfremur að aðeins með stofnun sjálfstæðs palestínuríkis sé hægt að tryggja frið fyrir botni Miðjarðarhafs.

Íslendingar í samkeppni við risafyrirtæki í jarðhitaverkefnum

Alþjóðlegur jarðhitamarkaður vex hratt og þar ríkir mikil samkeppni. Íslensk útrásarfyrirtæki á þessum markaði eru í samkeppni við bandaríska olíurisann Chevron og önnur risastór alþjóðleg fyrirtæki.

Vatnssósa-Rósa Ómars er fyrsti íslenski bíldraugurinn

Daihatsu Ferrósa jeppi Ómars Ragnarssonar er nú kominn á fullt eftir að hafa sokkið í Hálslón, verið grýttur, laminn, brotinn og bramlaður. Bílinn var dæmdur algerlega ónýtur eftir atlögu óþekktra varga að honum við Hálslón en Ómar segir að svo virðist sem bíllinn sé nú genginn aftur.

Írakar biðja Tyrki að hugsa sig um

Íraska stjórnin hvatti Tyrki í dag til að hætta við yfirvofandi sókn gegn kúrdískum skæruliðum yfir landamæri Tyrklands og Íraks.

Pútin fer til Írans í fyrramálið

Pútin Rússlandsforseti ætlar að fara til Írans í fyrramálið, þó að njósnir hafi borist um að þar verði setið um líf hans. Pútin var í Þýskalandi í dag og búist var við að hann færi til Írans í kvöld. Því var þó frestað til morguns.

Sextán prósent háskólastúdína glíma við einkenni átröskunar

Höfundar nýrrar heimildarmyndar um átröskun segja mikið ráðaleysi í heilbrigðiskerfinu í baráttunni við sjúkdóminn. Nýleg könnun sýnir að um sextán prósent kvenna í Háskóla Íslands glími við einhver einkenni átröskunar. Heimildarmyndin hefur vakið afar sterk viðbrögð en hún var frumsýnd í gærkvöldi.

Bíll Díönu gæti hafa lent í árekstri

Bíllinn sem Díana prinsessa var í þegar hún lést gæti hafa rekist á annan stóran og dökkan bíl þegar hann keyrði inn göngin í París. Þetta eru upplýsingar vitna við réttarrannsókn á dauða Díönu og Dodi Fayed.

Ógilti flutning í starfi innan Landspítalans

Héraðsdómur Reykjavíkur ógilti í dag þá ákvörðun forsvarsmanna Landspítalans að flytja hjúkrunarfræðing til í starfi, af geðdeild Landspítalans við Hringbraut yfir á geðdeildina á Kleppi.

Vírus strádrepur seli

Óþekktur vírus hefur í sumar og haust drepið á þriðja þúsund seli í Kattegat og Skagerrak.

Vilja miðla fæðingarorlofsreynslu Norðurlandabúa

Reynslan norrænu ríkjannasýnir að feður taka frekar barneignaorlof ef gert er ráð fyrir ákveðnu tímabili sem fyrnist ef það er ekki nýtt. Þetta kom fram í máli Stefans Wahlin, jafnréttisráðherra Finna, á fundi norrænu janfréttisráðherranna í Finnlandi.

Gæsluvarðhald framlengt yfir Hringbrautarmanninum

Héraðsdómur Reykjavíkur framlengdi nú á fjórða tímanum gæsluvarðhaldsúrskurð yfir 38 ára gömlum manni sem grunaður er um að hafa myrt nágranna sinn á Hringbraut á sunnudag fyrir viku.

Dæmdur nauðgari sakfelldur fyrir að nefbrjóta fyrrverandi kærustu

Héraðsdómur Reykjavíkur sakfelldi í dag karlmann á þrítugsaldri, Edward Koranteng, fyrir að hafa slegið fyrrverandi sambýliskonu sína og nefbrotið hana en gerði honum ekki sérstaka refsingu þar sem hann hafði þegar verið dæmdur í þriggja ára fangelsi fyrir nauðgun.

"Ruglaði" barnaníðingurinn í Taílandi

Alþjóðalögreglan Interpol telur sig hafa fundið barnaníðing sem birti myndir á internetinu af sjálfum sér þar sem hann misnotaði ung börn í Kambodíu og Víetnam. Maðurinn er talinn vera breskur enskukennari sem nú er í Taílandi. Hann hafði ruglað andlit sitt, en Interpol beitti sömu aðferð til að afrugla andlit hans.

Alvarlegt bifhjólaslys á Krýsuvíkurvegi

Ökumaður bifhjóls var fluttur alvarlega slasaður á slysadeild Landspítalans eftir að hann féll af hjólinu á Krýsuvíkurvegi. Slysið varð rétt fyrir klukkan fjögur í dag. Maðurinn var á leið í beygju inn á Bláfjallarveg en ók út af og hafnaði í hrauni. Ekki er vitað hversu alvarlega maðurinn slasaðist.

Stunginn í bakið með brotnum flöskustút

Aðfaranótt 14. október var lögreglu tilkynnt um líkamsárás við heimahús Vestmannaeyjum og fylgdi tilkynningunni að maður hafi verið stunginn í bakið með glerbroti. Á vettvangi var maður sem grunaður var um verknaðinn handtekinn en hann var jafnframt grunaður um að hafa brotið rúðu í útidyrahurð í sama húsi.

Ríkisstjórnin standi við stóru orðin og efli verkmenntun

Fulltrúaráð VM, Félags vélstjóra og málmtæknimanna, skorar á ríkisstjórnina að ganga rösklega til verks í samræmi við stefnuyfirlýsingu sína um að efla fag- og verkmenntun á Íslandi.

Smyglskútugengið senn úr einangrun

Fimm menn sem grunaðir eru um aðild að Fáskrúðsfjarðarmálinu svokallaða hafa í dag verið færðir í héraðsdóm til þess að staðfesta fyrir dómi skýrslur sem lögregla hefur tekið af þeim.

Serbar draga lappirnar í málum stríðsglæpamanna

Yfirsaksóknari stríðsglæpadómstóls Sameinuðu þjóðanna í Haag, sagði í dag að samvinna serbneskra stjórnvalda hefði skánað nokkuð á síðasta ári, en væri samt ekki nógu góð.

Vill Guðfinnu úr Evrópuráðinu vegna sköpunarkenningarmála

Líffræðiskor raunvísindadeildar Háskóla Íslands fer fram á það að fulltrúi Íslands í Evrópuráðinu, Guðfinna Bjarnadóttir þingmaður, verði kölluð heim og nýr fulltrúi skipaður í hennar stað.

Tyrkir halda fast við innrás í Írak

Tyrkneskur hershöfðingi sagði í dag að of snemmt sé að segja til um nákvæmlega hvenær verður ráðist inn í Írak eða hversu miklum herafla verði beitt.

Frelsi til sölu á áfengi aftur rætt á þingi

Fyrsta mál á þingfundi alþingis sem hefst kl. 15.00 í dag er frumvarp til laga um afnám einokunnar ÁTVR á sölu á léttu áfengi. Frumvarpið um frelsi til sölu á léttu áfengi og bjór hefur verið lagt fram á fjórum síðustu þingum en aldrei hlotið afgreiðslu.

Búa sig undir annríki vegna útboðs á lóðum

Framkvæmdasvið býr sig nú undir mikið annríki á föstudaginn kemur en þá rennur út tilboðsfrestur í lóðir sunnan Sléttuvegar í Fossvogi.

Hrukkukrem virka ekki

Árum saman hefur fólk trúað því að dýru fínu hrukkukremin væru betri en þau ódýru. Það er rangt, ef marka má nýlega rannsókn í Svíþjóð.

Oddný sér um menntamál í borginni

Oddný Sturludóttir, borgarfulltrúi Samfylkingarinnar, verður forystumaður í menntamálum í borginni ef marka má heimasíðu menntasviðs og leikskólasviðs borgarinnar.

Telur Íslandshreyfingarfólk hafa áhrif á umhverfisstefnu borgarinnar

Ómar Ragnarsson, formaður Íslandshreyfingarinnar, telur að koma síns fólks í borgarstjórn muni hafa áhrif á stefnu borgarinnar í umhverfis- og stóriðjumálum. Margrét Sverrisdóttir, varaformaður Íslandshreyfingarinnar, verður forseti borgarstjórnar þegar nýr meirihluti tekur við borginni á morgun.

Björgunarsveitarmenn á eigin bílum í útköllum

Starfsemi björgunnarsveita landsins byggir að mestu á sjálfboðavinnu meðlima sveitanna eins og kunnugt er. Hluti þeirra mun þar að auki leggja fram eigin bíla í þágu starfseminnar. Er þetta einkum hjá minni björgunarsveitum úti á landi þar sem bíla- og tækjakostur er ekki eins öflugur og hjá stærri sveitunum.

Ekki stefnt á að setja HydroKraft á markað

Ekki stendur til að setja HydroKraft Invest á almennan markað og enn sem komið er hafa engir starfsmenn verið ráðnir til fyrirtækinins. Landsvirkjun Invest á 50 prósenta hlut í fyrirtækinu sem hefur þann tilgang að leita eftir verkefnum erlendis, aðallega í Austur-Evrópu.

Beðið eftir því hvernig málum REI vindur fram hjá nýrri borgarstjórn

Helstu eigendur Hitaveitu Suðurnesja funduðu í morgun um framtíð fyrirtækisins sem hefur verið hulin nokkurri óvissu frá því tilkynnt var um sameiningu Geysis Green Energy og Reykjavík Energy Invest. Gunnar Svavarsson, fulltrúi Hafnarfjarðarbæjar í stjórn HS, segir að beðið verði eftir því hvernig málum REI vindur fram undir stjórn nýs meirihluta í borginni áður en frekari ákvarðanir verði teknar í málinu.