Ákærður fyrir rán með kveikjarabyssu

Þrjátíu og átta ára gamall karlmaður hefur verið ákærður fyrir að ræna 10/11 verslun. Maðurinn fór inn í verslunina sem staðsett er við Barónstíg í Reykjavík vopnaður kveikjarabyssu, sem leit út fyrir að vera skotvopn.

Byggingarréttur á röngum forsendum

Með hagsmuni almennings að leiðarljósi vill Skipulagsstofnun vekja athygli á að auglýsing á vegum Kópavogsbæjar og Símans, sem birst hefur að undanförnu í fjölmiðlum um úthlutun á byggingarrétti fyrir íbúðarhús í Vatnsendahlíð í Kópavogi, byggir á röngum forsendum. Í auglýsingunni og á vefsíðunni kopavogurlodir.is, lítur út sem svæðið sé skipulagt fyrir íbúðarbyggð. Svo er ekki þar sem svæðið er skipulagt sem vatnsverndarsvæði.

Ákærður fyrir að aka of hægt

Lögreglan á Suðurnesjum hafði í gærkvöld afskipti af ökumanni á Hafnargötunni í Reykjanesbæ sem ók svo hægt að lögregla mat það svo að hann væri að tefja umferð vísvitandi.

Íslendingum meinað að koma inn í Bandaríkin vegna gamalla dóma

Sakaskrá margra Íslendinga virðist með einhverjum hætti hafa ratað í hendur bandarískra stjórnvalda að sögn Álfheiðar Ingadóttur, þingmanns Vinstri grænna. Dæmi eru um að íslenskum ríkisborgurum sé meinað að koma inn í Bandaríkin vegna áratuga gamalla dóma að hennar sögn.

Segir álver ekki munu hafa óafturkræf umhverfisáhrif

Skipulagsstofnun telur að fyrirhugað álver Norðuráls í Helguvík, með fyrirvara um umhverfisáhrif tengdra framkvæmda, muni ekki valda verulega neikvæðum og óafturkræfum áhrifum á umhverfi eða samfélag.

Aulanóbel fyrir rannsóknir á sverðagleypum

Ig Nobels- eða Aulanóbelsverðlaunin voru veitt við hátíðlega athöfn í gærkvöldi. Meðal verðlaunahafa var breskur maður sem fékk Nóbelinn fyrir þá uppgvötun sína að sverðagleypar geti þjást af alvarlegum hliðaráhrifum ef þeir eru truflaðir við iðju sína.

Misstu óvart sprengju á Skotland

Flugmenn breska konunglega flughersins misstu óvart æfingasprengju á Skotland úr Tornado GR4 flugvél í æfingaflugi fyrir skömmu.

Þinglýstum kaupsamningum fjölgar um 90% milli ára

Þinglýstum kaupsamningum um fasteignir fjölgaði um 90 prósent hjá sýslumannsembættunum á höfuðborgarsvæðinu í september í ár miðað við sama tíma í fyrra. Þetta kemur fram á vef Fasteignamats ríkisins.

Lestarsamgöngur í Þýskalandi stöðvast

Nánast allar lestarsamgöngur í Þýskalandi stöðvuðust í morgun þegar lestarstjórar hjá þýska lestarfyrirtækinu, Deutsche Bahn, lögðu niður vinnu. Kjaraviðræður lestarstjóra við stjórnvöld hafa staðið yfir í marga mánuði án árangurs.

Vorum bestu vinir þangað til hann byrjaði í neyslu

Guðjón Guðmundsson lést í fangelsi í Kaupmannahöfn í síðasta mánuði. Hann var einungis 32 ára gamall. Bróðir hans, Brynjar Karl Guðmundsson, hefur sett upp svokallaða MySpace síðu til að minnast hans.

Kærir boðun eigendafundar í Orkuveitunni

Svandís Svavarsdóttir, borgarulltrúi Vinstri grænna og stjórnarmaður í Orkuveitu Reykjavíkur hefur ákveðið að kæra boðun eigendafundar í Orkuveitunni í fyrradag.

Greiðir milljónir vegna ólöglegrar dreifingar á tónlist

Bandarískur dómstóll hefur dæmt Jammie Thomas, þrjátíu og tveggja ára gamla konu frá Minnesota til að greiða því sem nemur fjórtán milljónum íslenskra króna fyrir að dreifa tónlist á Netinu.

Frumvarp sem eykur ábyrgð öryggisfyrirtækja

Einkarekin öryggisfyrirtæki í Írak gætu átt yfir höfði sér málsókn í Bandaríkjunum ef þau gerðust sek um glæpi.

Flugvél hrapaði í Kongó

Óttast er að flestir, ef ekki allir, sem um borð voru í lítilli flutningaflugvél hafi látist þegar vélin brotlenti í mannþröng í höfuðborg Kongó.

Heimdellingar vilja selja hlut Orkuveitunnar

Nýkjörin stjórn Heimdallar hvetur fulltrúa Sjálfstæðisflokksins í borgarstjórn til að vinna að því að hlutur Orkuveitunnar í Reykjavík Energy Invest, sem er rúm 35 prósent, verði seldur.

Grjóthrun í Súðarvíkurhlíð

Grjót hrundi á veginn í Súðavíkurhlíð á milli Ísafjarðar og Súðavíkur í nótt. Þetta gerðist á nokkuð löngum kafla og er rakið til rigninga.

Tókst að bjarga öllum námumönnunum

Öllum námuverkamönnunum sem festust í gullnámunni í Suður - Afríku hefur verið bjargað, alls þrjú þúsund og tvö hundruð manns.

Hillary vill að Bill bæti ímynd Bandaríkjanna

Ef Hillary Clinton vinnur forsetakosningarnar í Bandaríkjunum á næsta ári fær Bill, eiginmaður hennar það hlutverk að endurbyggja ímynd Bandaríkjanna í alþjóðasamfélaginu.

Lettunum var þrælað út

Lettarnir þrettán, sem nú eru undir verndarvæng Starfsgreinasambandsins á meðan lögregla rannsakar meint brot GT verktaka á þeim, fengu aðeins 135 þúsund krónur í mánaðarlaun fyrir tólf stunda vinnudag og sex daga vinnuviku, samkvæmt upplýsingum Starfsgreinsambandsins. Í ályktun þings Sambandsins segir að í ljós hafi komið að yfirlýsingar og loforð sem vinnuveitendur mannanna gáfu Vinnumálastofnun nýverið, séu einskis virði.-

Vilja að ríkið greiði hærri húsaleigubætur

Stjórn Sambands íslenskra sveitarfélaga vill taka upp viðræður við ríkisvaldið um hækkun húsleigubóta.

Hefur ekkert breyst í Orkuveitunni?

Björn Bjarnason dómsmálaráðherra veltir fyrir sér raunum minnihlutans í stjórn Orkuveitu Reykjavíkur á bloggsíðu sinni í kvöld. Björn spyr hvort minnihlutinn eigi nú, líkt og hann átti þegar hann var í minnhluta sömu stjórnar, erfitt með að fá upplýsingar um það sem sé að gerast hjá fyrirtækinu.

Kate og Gerry McCann: Stuðningur almennings ómetanlegur

Kate og Gerry McCann segja að mikill stuðningur almennings hafi hjálpað þeim í gegn um erfiðustu tímabil síðustu mánaða.

Urðu eiganda sínum að bana

Tveir Pit Bull Terrier hundur urðu eiganda sínum að bana í Florida á þriðjudaginn. Eigandinn hafði átt báða hundana síðan þeir voru hvolpar.

Ólafur Ragnar sat í heiðursstúku við hlið forseta Kína á Special Olympics

Forseti Íslands Ólafur Ragnar Grímsson og Dorrit Moussaieff forsetafrú fylgdust í dag með keppni íslensku þátttakendanna á Special Olympics í Shanghai og heimsóttu keppnisstaði. Í kvöld tóku þau þátt í sérstakri fjölskylduhátíð sem haldin var til heiðurs íslensku keppendunum, fjölskyldum þeirra, þjálfurum og fararstjórum Íþróttasambands fatlaðra.

Stærsta fyrirtæki Bakkafjarðar selt á nauðungaruppboði

Örlög Bakkafjarðar eru í höndum Byggðastofnunar eftir að stærsta fiskvinnsla byggðarlagsins, sem veitt hafði meirihluta íbúanna atvinnu, var slegin stofnuninni á nauðungaruppboði. Kristinn Pétursson, fyrrverandi alþingismaður, og eiginkona hans, sem byggðu upp fyrirtækið, sitja eftir eignalaus.

Yoko Ono hrósar Íslandi

Milljónir aðdáenda Bítlanna hafa fengið skilaboð frá Yoko Ono um að Ísland hafi yngjandi áhrif og hún skorar á fólk að heimsækja landið. Þetta kemur fram í myndbandi þar sem Yoko kynnir friðarsúluna sem afhjúpuð verður í Viðey á fæðingardegi John Lennons á þriðjudag.

Íhugar einkarekin fangelsi

Björn Bjarnason dómsmálaráðherra vill kanna þann möguleika að einkaaðilar byggi og reki nýtt fangelsi.

Litlir möguleikar á sæti í öryggisráði SÞ

Íslendingar eiga litla möguleika á sæti í öryggisráði Sameinuðu þjóðanna. Þetta segir fyrrverandi upplýsingafulltrúi Kofis Annans, fyrrverandi framkvæmdastjóra Sameinuðu þjóðanna. Hann telur Tyrki og Austurríkismenn verða fyrir valinu.

Milljarðaáhætta Orkuveitunnar

Orkuveita Reykjavíkur leggur milljarða króna að veði í gegnum Reykjavík energy invest. Bæjarfulltrúi A-lista í Reykjanesbæ sakar borgarfulltrúa Reykjavíkur um að fórna Hitaveitu Suðurnesja í útrásinni og vill að Reykjanesbær kaupi hið nýsameinaða orkuútrásarfélag út úr Hitaveitunni.

Erlend glæpagengi ræna verslanir hér á landi

Erlend glæpagengi ræna íslenskar verslanir með skipulögðum hætti segir formaður Samtaka verslunar og þjónustu. Útlendir þjófar eru stórtækari en Íslendingar, sem stela hins vegar mun oftar en útlendingar. Öryggisfræðingur náði að stela fyrir hundrað þúsund krónur úr fimm búðum á hálftíma.

Gjaldkeri ÍA grunaður um fjárdrátt

Gjaldkeri ÍA hefur látið af störfum eftir að upp komst um fjármálamisferli af hans hálfu. Grunur leikur á að hann hafi dregið sér milljónir úr sjóðum félagsins um nokkurra ára skeið.

Heimsókn Önnu Jóhannsdóttur af allt öðrum toga

Gréta Gunnarsdóttir, alþjóðaskrifstofu utanríkisráðuneytisins, segir regin mun vera á heimsóknum Bjarna Vestmann og Önnu Jóhannsdóttir til Sri Lanka. Vefmiðillinn Eyjan sagði frá því fyrr í dag að Anna, sem er yfirmaður íslensku friðargæslunnar hafi farið í samskonar ferð og Bjarni fyrir réttu ári síðan.

Jónína Benediktsdóttir fær 500 þúsund í skaðabætur

Hæstiréttur Íslands dæmdi í dag Jónas Kristjánsson og Mikael Torfason, fyrrum ritstjóra DV, til að greiða Jónínu Benediktsdóttur hálfa milljón króna í miskabætur. Að auki var ritstjórunum gert að greiða hvor um sig 150 þúsund krónur í sekt til ríkissjóðs.

Tilefni til lögreglurannsóknar

Guðríður Arnardóttir, oddviti Samfylkingarinnar í Kópavogi segir að tilefni sé til lögreglurannsóknar reynist það rétt að enn sé boðið upp á einkadans á Goldfinger í Kópavogi. Eins og Vísir greindi frá fyrr í dag er enn hægt að kaupa sér einkadans á staðnum þrátt fyrir að það sé klárt lögbrot.

Handtökuskipun á fjölskyldu Pinochets

Gefin hefur verið út handtökuskipun á fimm börnum og ekkju Augusto Pinochet fyrrum einræðisherra í Chile vegna ákæru um fjárdrátt. Hershöfðinginn kom sjálfur aldrei fyrir dóm vegna spillingar og mannréttindabrota. Ákærurnar eru vegna sjóða ríkisins á bandarískum bankareikningum og eru meðal 23 ákæra sem gefnar voru út í málinu.

Kennt að flá og elda kött í Bónus

Í verslunum Bónus er nú hægt að kaupa tímaritið INN sem sagt er vera fyrir húseigendur. Það hefur hinsvegar vakið athygli þeirra sem keypt hafa INN að í því er kennt að flá, brytja niður og elda ketti.

Vilja þyrlubjörgunarsveit á Akureyri

Níu þingmenn úr Norðausturkjördæmi hafa lagt fram þingsályktunartillögu þessa efnis að Landhelgisgæslan haldi úti björgunarþyrlu frá Akureyri.

Búlgarar veita Sarkozy heiðursorðu

Búlgörsk stjórnvöld veittu í dag Nicolas Sarkozy, forseta Frakklands, æðstu heiðursorðu landsins vegna þátttöku hans í lausn búlgarskra heilbrigðisstarfsmanna sem voru haldi í Líbýu. Sarkozy er nú í opinberri heimsókn í Búlgaríu.

Borgarstarfsmenn sitja ekki við sama borð varðandi yfirvinnugreiðslur

Hlutfall yfirvinnugreiðslna af heildarlaunagreiðslum á leikskólasviði borgarinnar er átta prósent, sem er 13 prósentustigum minna en meðaltal borgarinnar í heild.

Jarðskjálfti í Indónesíu

Jarðskjálfti upp á 5,6 á Richter skók Lombokeyju í Indónesíu í dag. Upptök skjálftans voru á hafsbotni um 152 kílómetra fyrir norðaustan Mataram hérað í mið Indónesíu.

Lögreglan fylgist með veitingastöðum en vissi ekki af einkadansi

Lögreglan á höfuðborgarsvæðinu heldur úti skipulögðu eftirliti með veitingastöðum á höfuðborgarsvæðinu en embættið eltir ekki fréttir fjölmiðla. Þetta segir Stefán Eiríksson, lögreglustjóri í samtali við Vísi þegar hann er spurður út í frétt Vísis þess efnis að einkadans sé enn stundaður á nektarstaðnum Goldfinger í Kópavogi þrátt fyrir að blátt bann liggi við því.

Eþíópíumenn styrkja friðargæslu í Darfúr

Stjórnvöld í Eþíópíu hafa samþykkt að leggja til fimm þúsund hermenn í friðargæslulið Sameinuðu þjóðanna og Afríkubandalagsins sem senda á til Darfúr-héraðs í Súdan. Von er á allt að 26 þúsund friðargæsluliðum til héraðsins en þar eru fyrir um sjö þúsund hermenn á vegum Afríkusambandsins.

Segja fjölgun öryrkja hafa mikil áhrif á vinnumarkað

Örorkulífeyrisþegum fjölgaði um rúmlega 620 á fyrri helmingi ársins 2007 og heldur áfram að fjölga á sama hraða og undanfarin ár. Þetta kemur fram í fréttabréfi Samtaka atvinnulífsins.

Bhutto bjartsýn á völd í Pakistan

Benazir Bhutto fyrrverandi forsætisráðherra Pakistan segist bjartsýn á að ná samkomulagi við Pervez Musharraf forseta um að þau muni deila völdum í landinu. Bhutto sagði á blaðamannafundi í London að komist hefði á samkomulag um skilmála sakaruppgjafar vegna ákæru á hendur henni um spillingu.

Sjö þúsund svipuhögg fyrir samkynhneigð

Dómstóll í Sádí-Arabíu dæmdi í dag tvo samkynhneigða menn til að þola sjö þúsund svipuhögg vegna kynhneigðar sinnar. Mönnunum verður ekki gert að taka alla refsinguna út einu heldur verður henni skipt niður yfir ákveðið tímabil.