Framleiðsla á áli hafin við Reyðarfjörð

Framleiðsla á áli í álveri Alcoa Fjarðaráls við Reyðarfjörð er hafin og verður tappað af fyrstu kerjunum á morgun. Um er að ræða framleiðslu í 42 kerjum sem eiga skila alls 45 þúsund tonnum af áli. Byrjað var að hita kerin á mánudaginn en alls verða 336 ker í álverinu með framleiðslugetu upp á 346 þúsund tonn þegar framkvæmdunum lýkur.

Yfirmaður tyrkneska hersins heldur fréttamannafund

Yfirmaður tyrkneska hersins heldur fréttamannafund á morgun en í Tyrklandi er herinn talinn valdamikill og er fundarins því beðið með eftirvæntingu. Forsetakosningar verða haldnar í landinu í næsta mánuði. Elíta landsins, en til hennar teljast margir herforingjar, eru þeirrar skoðunar að trúmál og stjórnmál fari ekki saman.

Kanna vellíðan og streitu eldisfiska

Matvælarannsóknir Íslands (Matís) og Háskólinn á Hólum taka þátt í umfangsmiklu Evrópuverkefni til fimm ára þar sem rannsaka á vellíðan og streitu eldisfiska.

Heimili Johnny Cash brann

Fyrrum heimili söngvarans Johnny Cash brann til grunna í dag á meðan á endurbótum á því stóð fyrir Barry Gibb hinn nýja eiganda þess, en hann er meðlimur úr hljómsveitinni Bee Gees.

Falist eftir 4 vikna barni í herinn

Þjóðverjar falast eftir fjögra vikna barni í herþjónustu. Þýskiherinn sendi út tilkynningu til fjögra vikna gamals barns og skipuðu honum að mæta til vinnu innan næstu tíu daga. Talið er að starfsmaður hafi setti inn vitlausan afmælisdag þegar senda átti út tilkynningarnar. Hringt var í fjölskylduna um leið og atvikið uppgötvaðist og þau beðin um að hunsa tilkynningu hersins sem væri á leið til þeirra í póstinum.

Skotið í skólastofu í Chicago

Tveir fimmtán ára framhaldsskólanemar í Chicago Bandaríkjunum urðu fyrir skoti í skólastofu sinni í dag. Atvikið gerðist með þeim hætti að annar drengjanna rétti hinum byssuna og hleypti þar með skoti úr byssunni. Farið var með báða strákana á sjúkrahús en sár þeirra eru ekki talin vera alvarleg. Er þetta í annað skiptið sem nemendur verða fyrir skoti á innan við mánaðar tímabili í skólanum.

Ausandi rigning á Spáni yfir páskana

Þúsundir Íslendinga sem hugðust verja páskaleyfinu í sól og sumaryl á Spáni hafa í staðinn orðið að hírast innandyra í ausandi rigningu. Óvenjumikil úrkoma hefur verið við Miðjarðarhafið undanfarnar vikur.

Vélarvana bát rak hratt að landi

Feðga á fiskibáti frá Keflavík rak hratt að landi með 14 tonn af þorski í lestinni eftir að bátur þeirra varð aflvana við Sandgerði í gærkvöldi. Allt tiltækt björgunarlið var kallað út.

Harður árekstur á Kringlumýrarbraut í morgun

Óskemmtileg sjón blasti við vegfarendum á Kringlumýrarbraut í morgun eftir árekstur stórs flutningabíls, fólksbíls og jeppa. Svo harður var áreksturinn að jeppinn valt en loka þurfti veginum um stund af þessum sökum.

Á batavegi eftir lífshættulega hnífsstungu

Fimmtugur karlmaður sem hlaut lífshættulega hnífstungu í síðustu viku er á batavegi. Hann liggur nú á hjarta- og lungnaskurðdeild Landspítala-háskólasjúkrahús. Maðurinn fékk hjartastopp við komuna á bráðamóttöku en hárrétt viðbrögð og ótrúleg árvekni starfsmanna urðu honum til lífs.

Dæmdir fyrir fjöldamorð

Stríðsglæpadómsstóll í Serbíu dæmdi í dag fjóra menn til fangelsisvistar fyrir þátt sinn í fjöldamorðunum í Srebrenica í Bosníu í júlí 1995. Þeir voru meðlimir í serbneskum vígasveitum, Sporðdrekasveitunum svokölluðu.

Skipt um stjórn í Glitni á næstunni

Saxbygg, sem meðal annars er í eigu Nóatúns fjölskyldunnar, og Tom Hunter eru meðal kaupenda að fjórðungshlut í Glitni. Fyrir helgi var gengið frá viðskiptum með hlutabréf í Glitni fyrir á annan hundrað milljarð króna. Búist er við að boðað verði til hluthafafundar fljótlega og þá skipt um stjórn. Bjarni Ármannsson segist áfram vilja stýra bankanum þrátt fyrir breytt eignarhald.

Fær ekki fósturvísana

Síðasti vonarneisti breskrar konu um að verða barnshafandi dó út í dag þegar Mannréttindadómstóll Evrópu kvað upp þann dóm að hún fengi ekki að nota fósturvísa úr fyrra hjónabandi sínu.

Vinstri grænir vilja útrýma fátækt

Vinstri hreyfingin grænt framboð segir raunhæft að bæta kjör hinna verst settu og útrýma fátækt án þess að hækka skatta. Þeir hafa lagt fram tillögur sem kosta myndu ríkissjóð tólf milljarða króna.

Fjögur ár breyta miklu í fylgi flokkanna

Töluverður munur er á fylgi flokkanna í skoðanakönnunum núna miðað við sama tíma fyrir fjórum árum. Eini flokkurinn sem fékk meira fylgi í síðustu alþingskosningum en skoðanakannanir á lokasprettinum gáfu til kynna, var Framsóknarflokkurinn.

Boðar ekki til útgjaldaveislu

Ekkert stopp og engar handbremsur í atvinnu- og efnahagsmálum, segja framsóknarmenn sem kynntu í dag stefnuskrá sína fyrir komandi þingkosningar. Flokkurinn leggur áherslu á velferðarmál en segist ekki boða til útgjaldaveislu með stefnumálum sínum.

Bjarni vill stýra Glitni áfram

Bjarni Ármannsson, forstjóri Glitnis, segist vilja halda áfram að stýra bankanum þrátt fyrir breytt eignarhald á félaginu. Karl Wernerson, sem var meðal þeirra sem seldi sinn hlut, býst við breytingum í stjórn bankans. Viðskiptin með hluti í bankunum eru fjölþætt og tilkynnt var til OMX Nordic Exchange kauphallarinnar í dag um sölu á 16,2% hlut.

Ný könnun í Reykjavíkurkjördæmi suður

Sjálfstæðisflokkurinn fær 40,4% fylgi í Reykjavíkurkjördæmi suður í nýrri könnun Capacent Gallup fyrir Ríkisútvarpið og Morgunblaðið. Vinstrihreyfingin-grænt framboð er með 23,6% fylgi samkvæmt könnuninni.

Eiður Smári er ekki á leið til Manchester United

Arnór Guðjohnsen, umboðsmaður Eiðs Smára Guðjohnsen, segir í samtali við Sky sjónvarpsstöðina í dag að ekkert sé til í skrifum spænsku blaðanna sem orðuðu hann við Manchester United í dag. Eiður hefur ekki átt fast sæti í liði Barcelona að undanförnu og spænsku blöðin hafa gert því skóna að hann fari til United í sumar. Arnór faðir hans segir hann hinsvegar ætla að berjast fyrir sæti sínu hjá Katalóníuliðinu.

Urðu fyrir gaseitrun í húsbíl

Þrír erlendir ferðamenn komust um helgina við illan leik út úr húsbíl sínum í Borgarfirði eftir að þeir fengu kolmónoxíðeitrun á meðan þeir sváfu í bílnum. Eftir því sem fram kemur á vef Skessuhorns rumskaði einn mannanna undir morgun og náði að vekja hina tvo sem sváfu mjög fast en það leið yfir þá þegar þeir stóðu upp vegna eitrunarinnar.

Sænsk arkitektastofa vann samkeppni Glitnis

Sænska arkitektastofan Arkitekthuset Monarken í Stokkhólmi vann í samkeppni um mótun að nýju deiliskipulagi nýrra höfuðstöðva Glitnis. Lóðin sem umræðir er að Kirkjusandi 2 og Borgatúni 41 og er í stæðstum hluta í eigu Glitnis. Verðlaunaféið var um 4,5 milljónir króna.

Lögreglan stöðvar 26 ökuþóra

Alls voru 26 ökumenn kærðir fyrir hraðakstur á Vestfjörðum í Páskavikunni sem leið samkvæmt lögreglunni á Vestfjörðum. Sá ökumaður sem ók hraðast var stöðvaður á 128 km hraða á Skutulsfjarðarbraut en þar er 60 km hámarkshraði.

Byggja upp fjóra framhaldsskóla í Pókot í Kenía

Þróunarsamvinnustofnun Íslands og Kristniboðssambandið hyggjast í sameiningu byggja upp fjóra framhaldsskóla í Pókothéraði í Kenía. Samið var um uppbygginguna í síðasta mánuði en gert er ráð fyrir að Þróunarsamvinnustofnunin fjármagni 60 prósent af uppbyggingunni en Kristinboðssambandið 40 prósent.

Reiði guðanna vinnur til verðlauna

Heimildarmyndin Reiði guðanna, sem Jóns Gústafsson leikstýrði og framleiddi, hlaut áhorfendaverðlaun á alþjóðlegu kvikmyndahátíðinni í Oxford í Ohio sem fram fór um helgina.

Dæmdir fyrir aftökur nærri Srebrenica

Serbneskur stríðsglæpadómstóll dæmdi í dag fjóra karlmenn í fimm til tuttugu ára fangelsi fyrir að hafa myrt sex unga Bosníu-múslíma á síðustu dögum Balkanskagastríðsins sem stóð yfir á árunum 1992-1195.

Íranir segja kjarnorkuna til almennra nota

Evrópusambandið lítur nýjustu yfirlýsingu Írana um auðgun úrans mjög alvarlegum augum. Þetta kemur fram í tilkynningu frá Þjóðverjum, sem eru í forsæti fyrir sambandið. ESB kannar nú af mikilli alvöru áætlanir Írana um að auðga úran. Forseti Írans Mahmoud Ahmadinejad sagði í gær að Íranar gætu nú í auðgað úran í miklum mæli.

Obama útilokar framboð með Hillary

Bandaríski öldungardeildarþingmaðurinn Barak Obama, sem keppir um að verða forsetaefni demókrataflokksins, útilokar að hann muni bjóða sig fram sem varaforsetaefni Hillary Clinton sigri hún í valkosningunum. Þetta kom fram í máli þingmannsins í sjónvarpsþættinum Late Night with David Letterman.

Telur 80 prósent fanga haldið í einangrun

Mannréttindasamtökin Amnesty International segja að svo virðist sem fjórum af hverjum fimm föngum í Guantánamo-búðunum sé haldið í einangrun og það stangist á við fyrri stefnu Bandaríkjastjórnar um að milda aðstæður í búðunum.

Önnur umferð boðuð

Flest bendir til að Jose Ramos-Horta, forseta Austur-Tímor, hafi mistekist að bera sigur úr býtum í fyrri umferð forsetakosninganna í landinu sem fram fór í gær. Í yfirlýsingu kjörstjórnar landsins í morgun segir að bráðabirgðaúrslit bendi til að Horta og Fernarndo de Araujo, sem rétt eins og Horta tók virkan þátt í sjálfstæðisbaráttu Austur-Tímora gegn Indónesum, hafi orðið efstir.

Sautján létust í sjálfsmorðsárás

Sautján manns létu lífið í súnníabænum Muqdadiya í Írak í morgun þegar kona gyrt sprengjubelti gekk að hópi manna og sprengdi sig í loft upp. Mennirnir höfðu safnast saman fyrir utan eina af lögreglustöðvum bæjarins til að sækja um stöður í lögreglunni.

Göt klippt á girðingar á Litla-Hrauni

Lögreglan á Selfossi rannsakar nú mál þar sem klippt var á ytri og innri girðingar sem umlykja fangelsislóðina á Litla-Hrauni. Eftir því sem fram kemur í dagbók lögreglunnar tóku fangaverðir eftir því um nónbil föstudagsins langa að gat var á girðingunum.

Rúmlega þrjár milljónir söfnuðust

Um 3,5 milljónir króna söfnuðust í minningarsjóð Svandísar Þulu sem lést í umferðarslysi í desember á síðasta ári. Peningarnir renna til styrktar bróður hennar Nóna Sæ sem lamaðist fyrir neðan mitti í slysinu.

Internetnotkun komin úr böndunum?

Tveir af hverjum þremur internet notendum í Bretlandi eyða vinnutíma sínum í óþarfa internetnotkun. Starfsmenn missa tvo heila daga úr á mánuði vegna stjórnlausar leitar á netinu. Karlmenn bregða sér víst mun meira á netið en konur gera.

Þakkar stórauknu umferðareftirliti hve lítið var um slys

Lögreglan þakkar það stórauknu umferðareftirliti hve lítið var um slys um páskana. Bara á Akureyri hafði lögreglan afskipti af þúsund bílstjórum.

Spennan vex á milli Súdana og Tsjada

Súdanska ríkisstjórnin sakar stjórnarher Tsjad um að hafa ráðist á hermenn sína innan landamæra Súdans í gær og hótar grimmilegum hefndum. Hundruð hafa týnt lífi í ofbeldisverkum á svæðinu undanfarna daga.

Áframhaldandi árangur en ekki stopp

12 mánaða fæðingarorlof, hækkun frítekjumarks á tekjur lífeyrisþega og lækkun virðisaukaskatts á lyfjum og barnavörum í sjö prósent er meðal þeirra stefnumála sem Framsóknarflokkurinn leggur áherslu á á næsta kjörtímabili. Forystumenn flokksins kynntu stefnuskrána fyrir komandi þingkosningar á blaðamannafundi á Nordica-hótelinu í dag.

Fátt bendir til að kynjabundið starfsval sé á undanhaldi

Stjórnun höfðar meira til stúlkna en drengja og fátt bendir til þess að kynjabundið starfsval sé á undanhaldi. Þetta kemur fram í nýrri rannsókn sem Námsmatsstofnun gerði fyrir Samtök atvinnulífsins um hugmyndir 15 ára ungmenna um framtíðarstarf.

Hjólhýsin tókust á loft

Tvö hjólhýsi tókust á loft í miklu hvassviðri sem gekk yfir Seyðisfjörð í morgun. Hjólhýsin voru í geymslu innan tollgirðingarinnar við Strandabakka þegar sterk vindhviða varð til þess að þau fuku á aðra hliðina. Hjólhýsin voru mannlaus og því sakaði engan við óhappið. Þá hefur ferjan Norræna ekki geta lagt að bryggju vegna veðurofsans.

Gripin með kíló af kókaíni

Hollenskt par var gripið glóðvolgt með rúmlega kíló af meintu kókaíni á Keflavíkurflugvelli á föstudaginn var. Fólkið var að koma með flugi frá Amsterdam. Efnin földu þau bæði innan klæða og innvortis. Talið er að götuvirði efnisins myndi vera á bilinu 10 til 15 milljónir króna.

Mannleg mistök talin ástæðan

Mannleg mistök virðast vera orsök þess að gríska skemmtiferðaskipið Sea Dimond sökk í síðustu viku. Enn er ekki vitað hvað olli því að tæplega 22,500 tonna skip sigldi á sker rétt við eyjuna Santorini en sex manns eru í haldi vegna atviksins.

Gore vonast eftir umhverfisvakningu

Al Gore, fyrrum varaforseti Bandaríkjanna og einn helsti talsmaður umhverfisins, vonast til þess að tónleikaröð hans, Live Earth, eigi eftir að gera jafn mikið fyrir umhverfismál og Live Aid tónleikarnir gerðu fyrir málefni Afríku.

Vélarvana bátur á Ísafjarðardjúpi

Björgunarskipið Gunnar Friðriksson er nú á leið til hafnar með smábátinn Ísbjörgu ÍS-69 í togi en báturinn varð vélarvana á Ísafjarðardjúpi skammt norðaustur af Arnarnesi í morgun.

Talið að 400 hafi látið lífið í Tsjad

Flóttamannastofnun Sameinuðu þjóðanna áætlar að allt að 400 manns hafi látið lífið í átökum á landamærum Tsjad fyrir 11 dögum síðan. Þá réðust Janjaweed hersveitir frá Súdan yfir landamærin til þess að eltast við flóttafólk úr Darfúr-héraði. Upphaflega var talið að um 65 hefðu látið lífið í árásunum sem áttu sér stað þann 31. mars síðastliðinn.

Rússar segja ekkert sanna staðhæfingar Írana

Rússar segjast ekki hafa neina sönnun á því að Íranar hafi náð einhverjum áfanga sem bendi til þess að þeir geti nú auðgað úran í miklu magni. Utanríkisráðuneyti Rússlands skýrði frá þessu í dag.

Bílvelta á Kringlumýrarbraut

Kringlumýrarbraut var lokað um stund á níunda tímanum í árekstri stórs flutningabíls, fólksbíls og jeppa. Svo harður var áreksturinn að jeppinn valt.