Minnihluti Íraka mun kjósa

Forseti Íraks, Ghazi al-Yawar, segir að minnihluti þjóðarinnar muni greiða atkvæði í kosningunum á morgun. Hann kveðst vona að sem flestir Írakar kjósi en vegna óaldarinnar í landinu og tíðra árása uppreisnarmanna á kjörstaði muni fáir Írakar þora að nýta atkvæðisrétt sinn.

Leikskólakennarar samþykktu

Nýr kjarasamningur Félags leikskólakennara var samþykktur með allsherjaratkvæðagreiðslu í dag. Atkvæði greiddu 1.365; 880 sögðu „já“, eða 64,5%, en 443 sögðu „nei“, eða 32,5%. Auðir seðlar og ógildir voru 42, eða 3,0%. 1.491 var á kjörskrá og þátttaka því 91,5%.

Dettifoss á leið í land

Varðskipið Týr er á leið í land með Dettifoss eftir að hluti stýrisins brotnaði af í gærkvöldi þegar það var statt út af Lóni, austan við Hornafjörð. Um það bil 25 mílur eru í land og að sögn Landhelgisgæslunnar verða skipin komin að landi seint í kvöld, ef allt gengur að óskum.

Dettifoss: Taugin slitnaði

Taugin á milli varðskipsins Týs og Dettifoss slitnaði um fjögurleytið í dag þegar þau voru stödd um 22 sjómílur frá Reyðarfirði. Verið er að reyna að koma nýrri taug yfir í Dettifoss en að sögn Landhelgisgæslunnar er mjög hvasst á svæðinu.

Bíll lenti á ljósastaur

Bíll lenti af töluverðu afli á ljósastaur á Reykjanesbrautinni, nærri Hafnarfirði, á fimmta tímanum að sögn vegfaranda. Ekki er vitað nánar um slysið að svo stöddu.

Stríðsandstæðingar bæta í

Mikið andstaða er enn í Danmörku við stríðið í Írak líkt og hér á landi. Í <em>Politiken</em> í dag birtist auglýsing þar sem hundruð þekktra Dana krefjast þess að þeir fimm hundruð hermenn danska hersins sem eru í Írak verði kallaðir heim hið fyrsta. Greinilegt er að andstæðingar stríðsins ætla að láta vel í sér heyra nú í aðdraganda kosninganna sem munu fara fram í Danmörku eftir tíu daga.

Ólgan innan Íslandsbanka

Á annan tug háttsettra starfsmanna hjá Íslandsbanka hefur horfið frá störfum á síðustu mánuðum og hefur þriðjungur þeirra ráðið sig hjá KB banka. Ólga er innan bankans vegna valdabaráttu. 

Innanlandsflug hefur legið niðri

Innanlandsflug hefur að mestu legið niðri í dag. Mörg hundruð manns bíða eftir flugi til allra áfangastaða Flugfélags Íslands og hafa sumir beðið síðan í gær. Ástæðan er vont veður í háloftunum en veður hefur einnig verið að versna á flestum áfangastöðum eftir því sem liðið hefur á daginn.

Flutningabíll fauk af veginum

Gámaflutningabíll fauk út af veginum norðan við Akureyri í gærmorgun. Ökumaðurinn slasaðist á andliti og var fluttur á slysadeild með sjúkrabíl en meiðslin voru þó ekki mikilsháttar.

Fundu amfetamín

Lögreglan í Borganesi hafði í nótt afskipti af ökumanni við hefðbundið umferðareftirlit.

Ísland ekki í hættu

Evrópskir vísindamenn staðfestu á dögunum að Creutzfeldt-Jakob sjúkdómurinn (kúariða) hefði í fyrsta sinn greinst í geit. Áður var talið að sjúkdómurinn legðist aðeins á kýr. Halldór Runólfsson, yfirdýralæknir telur hættuna þó ekki mikla hérlendis.

Reyndi að stinga af

Lögreglumenn á Akranesi höfðu afskipti af grunsamlegum manni á föstudagskvöld. Maðurinn tók til fótanna þegar hann varð var við lögreglumennina en þeir náðu þó að hlaupa hann uppi og handsama.

Síðustu stundirnar blóði drifnar

Síðustu stundirnar fyrir fyrstu frjálsu kosningarnar í Írak eru blóði drifnar. Barist er á götum úti og um traust kjósenda sem óttast er að þori ekki á kjörstaði á morgun.

Framsóknarmenn ræna kvenfélögum

Framsóknarkonur saka hver aðra um baktjaldamakk og karlar innan flokksins eru sagðir ræna kvenfélögum í valdabrölti sínu. Það vantar upp á að flokksforystan styðji við bakið á konum, segir jafnréttisfulltrúi flokksins.

Stýrið brotnaði af Dettifossi.

Stýrisblað á Dettifossi, flutningaskipi Eimskipafélagsins, brotnaði af skipinu í fyrrakvöld austur af landinu. Varðskipið Týr kom til aðstoðar seint í fyrrakvöld og tók Dettifoss í tog. Aðstæður voru mjög erfiðar á þessum slóðum vegna hvassviðris og sjógangs. Dráttartaug milli skipanna slitnaði í fyrrakvöld og aftur í gærdag.

Eins og minkar í hænsnabúi

Heitar umræður urðu um átök í Freyju, félagi framsóknarkvenna í Kópavogi, á fundi Landssambands framsóknarkvenna í gær. Á aðalfundi Freyju í liðinni viku gengu 43 konur í félagið og felldu Unu Maríu Óskarsdóttur, varaformann félagsins, úr stjórninni.

Skærur milli flugfélaga

Starfsmaður Icelandair klippti auglýsingar Iceland Express úr bæklingum Ferðamálaráðs á ferðakaupstefnu á Spáni á miðvikudag. Ólafur Hauksson, talsmaður Iceland Express, segir að það sé dýrt að kaupa auglýsingar í bæklingnum.

Lykketoft valtur í sessi

Níu af hverjum tíu sem hafa yfirgefið danska Jafnaðarmannaflokkinn í kosningabaráttunni eru konur og formaðurinn, Mogens Lykketoft, er valtur í sessi. Sighvatur Jónsson, fréttamaður Stöðvar 2 og Bylgjunnar, skýrir stöðu mála og fer yfir kosningaloforð dönsku flokkanna.

Leikskólakennarar samþykktu

Leikskólakennarar hafa samþykkt nýjan kjarasamning til tveggja ára. Forsvarsmenn Félags leikskólakennara og Launanefndar sveitarfélaga undirrituðu samninginn 22. desember síðastliðinn.

Mikilvægum gögnum stolið

Brotist var inn á heimili Sveins Rúnars Haukssonar, læknis og formanns Félagsins Ísland-Palestína, á föstudaginn. Sveinn Rúnar segir að fartölvu mikilvægum gögnum sem snerta Félagið Ísland-Palestína hafi verið stolið.

Ofsótti fyrrverandi kærustu

Maður var dæmdur í sextán mánaða fangelsi í Kaliforníu fyrir að ofsækja fyrrverandi kærustu sína. Maðurinn var sár og svekktur eftir að konan sleit sambandinu við hann. Reyndi hann hvað hann gat til að vinna aftur ástir konunnar en lítið gekk.

75 ára skotin með rafbyssu

Lögreglukona hefur fengið viðvörun eftir að hafa notað fimmtíu þúsund volta rafbyssu gegn 75 ára gamalli konu á hjúkrunarheimili.

Kosið í Írak í skugga ofbeldis

Kjörstaðir opnuðu í Írak klukkan fjögur í nótt. Óöld ríkir í landinu og var flugskeyti skotið á bandaríska sendiráðið í Bagdad í gær. Forseti Bandaríkjanna segir að kosningarnar muni ekki binda enda á hryðjuverkaárásir. Þær séu hins vegar upphafið að nýjum tímum í landinu.

Abbas og Sharon funda bráðlega

Búist er við því að Mahmoud Abbas, forseti Palestínu, og Ariel Sharon, forsætisráðherra Ísraels, fundi innan tveggja vikna. Shaul Mofaz, varnarmálaráðherra Ísraels, og Mohammed Dahlan, yfirmaður öryggismála í Palestínu, hittust síðdegis í gær til að undirbúa fund Abbas og Sharons.

Vegamálastjóri er ekki í neinum vafa um að kostnaðaráætlun Vegagerðinnar vegna jarðganga til Eyja sé raunhæf. Hún er helmingi hærri en áætlun sænska fyrirtækisins NCC. Hann segir muninn geta falist í því að NCC miði við aðstæður í Færeyjum en ekki á Íslandi.

Kynferðislegar pyntingar notaðar

Kynferðislegar pyntingar eru sagðar notaðar til að þvinga fanga við yfirheyrslur í Guantanamo-herstöðinni á Kúbu. Mannréttindafrömuðir segja föngum þar ennþá neitað um grundvallarréttindi, þrátt fyrir úrskurð bandarísks dómstóls.

Össur lét klappa fyrir Ingibjörgu

Ekkert varð af sameiginlegum fundi Ingibjargar Sólrúnar Gísladóttur og Össurar Skarphéðinssonar á Akureyri í gær eins og auglýst hafði verið. Í tilkynningu frá Ingibjörgu, sem lesin var upp á fundinum, sagðist hún vera veðurteppt í Reykjavík en ekki var flogið á milli Akureyrar og Reykjavíkur í gær. 

Ástandið í Írak ógnvekjandi

Ástandið á götum Íraks er ógnvekjandi. Þar er í raun stríðsástand og byssuskot heyrast nánast hvert sem er farið. Þetta segir Jón Ársæll Þórðarson dagskrárgerðarmaður sem er nýkominn frá Írak. 

Varaformannsslagur í uppsiglingu?

Varaformannsslagur gæti verið í uppsiglingu í Samfylkingunni. Til stóð að formannsframbjóðendur Samfylkingarinnar mættust á opnum fundi Samfylkingarinnar á Akureyri í dag í fyrsta sinn síðan formannsslagurinn hófst. Ekkert varð úr því þar sem Ingibjörg Sólrún varð verðurteppt í Reykjavík.

Landsmenn telji fugla

Fuglavernd hvetur landsmenn að taka þátt í garðfuglakönnun þessa helgina og minnir á nauðsyn þess að þeim sé gefið áfram fram á vor. Sumir stofnar reiða sig algerlega á matargjafir frá mannfólkinu.

Íhuga dómsmál til leiðréttingar

Hjúkrunarfræðingar hyggjast höfða dómsmál á hendur atvinnurekanda sínum í von um að ná fram leiðréttingu á kjörum. Hæstiréttur staðfesti nýverið að starf deildarstjóra á félagsmálastofnun væri jafnverðmætt og deildarverkfræðings. </font /></b />

Umbrotatímar á Héraði

Skuldir og eigið fé Fljótsdalshéraðs verða um 2,8 milljarðar í árslok. Skuldir og skuldbindingar sveitarfélaganna þriggja, sem nú mynda Fljótsdalshérað, voru um 1,6 milljarðar króna fyrir rúmum tveimur árum. Meðvituð og raunhæf áhætta til að standa að nauðsynlegri uppbyggingu segir bæjarstjóri Fljótsdalshéraðs. </font /></b />

Róbert sagði upp

Róbert Marshall, fréttamaður á Stöð 2, hefur sagt upp störfum. Ákvörðun Róberts er tekin í kjölfar fréttar Stöðvarinnar um að Ísland hefði verið á lista hinna viljugu þjóða fyrir ríkisstjórnarfund 18. mars 2003. Róbert mislas tímasetningar í frétt CNN sem stuðst var við.

Sjógangur rýfur hlíðina

Sjógangur hefur náð að rjúfa talsvert úr hlíðinni neðan við Óshlíðarveg Bolungarvíkurmegin og varar lögreglan ökumenn stórra bíla við að treysta á kantana sjávarmegin. Ekki er langt síðan bætt var við uppfyllingu á þessu svæði til að verjast sjógangi en sjórinn hefur nú skolað þeirri uppfyllingu í burt.

Fischer kemur ekki í bráð

Bobby Fischer er ekki á leiðinni til Íslands í bráð þrátt fyrir að hérlend stjórnvöld hafi boðið honum landvistarleyfi. Þetta sagði Masako Susuki, lögfræðingur Fischers, í morgun eftir fund með lögfræðingum útlendingaeftirlitsins í Japan.

Bandaríkjamenn yfirgefa Írak?

George Bush Bandaríkjaforseti sagðist í gær reiðubúinn til þess að kalla herlið Bandaríkjanna út úr Írak, færi svo að nýkjörin stjórnvöld í landinu myndu fara þess á leit. Í viðtali við <em>New York Times</em> í gær sagði Bush að Írakar stæðu á eigin fótum og væri það vilji þeirra að losna við herlið Bandaríkjamanna eftir kosningarnar yrði gengið að því.

Róbert Marshall sagði upp

Róbert Marshall, fréttamaður á Stöð 2 og Bylgjunni, hefur sagt starfi sínu lausu í kjölfar mistaka sem gerð voru í frétt á Stöð 2 í fyrrakvöld um ákvörðun ríkisstjórnarinnar um stuðning við Íraksstríðið. Róbert segir að með þessu axli hann ábyrgð á mistökum sínum.

Gamalmenni eins og síld í tunnu

Ófremdarástand er á  hjúkrunarheimilinu Sólvangi í Hafnarfirði. Sjúklingar eru alltof margir og þeim er hrúgað saman í of lítil herbergi. Guðmundur Rúnar Árnason bæjarfulltrúi segir Hafnarfjarðarbæ hafa þrýst á heilbrigðisráðuneytið um úrbætur en án árangurs.Ekki fékkst heimild starfsfólks til að ræða við íbúa Sólvangs.

Má vera stoltur af litlu fjöðrunum

Listamaðurinn Heimir Björgúlfsson segir myndskreytinn Sigurð Val Sigurðsson hafa átt að fyllast stolti yfir því fuglamyndir Sigurðar voru notaðar sem hluti af verki hans á sýningu hjá Kling og Bang. Tímaskortur hafi valdið því að hann hafi ekki aflað leyfis Sigurðar sem sjálfur ekki hafi birt myndirnar sem list.

Fyrstu Írakarnir kjósa

Írakar í Ástralíu urðu í morgun fyrstir til þess að kjósa í sjálfstæðum kosningum í heimalandi sínu í heil fimmtíu ár. Fyrstu atkvæðin utan kjörfundar voru greidd í Ástralíu sem er eitt þeirra fjórtán landa þar sem Írakar, sem ekki eru búsettir í heimalandinu, geta kosið.

Fjórir féllu í sprengingu

Fjórir Írakar féllu í valinn í morgun þegar bílsprengja sprakk nærri lögreglustöð í suðurhluta Bagdad. Í gær létust nítján Írakar og einn Bandaríkjamaður í árásum uppreisnarmanna og ljóst að aðgerðir þeirra fara sífellt harðnandi fram að kosningunum sem fram fara á sunnudaginn.

Fimm teknir fyrir ölvunarakstur

Lögreglan í Reykjavík tók fimm menn úr umferð í nótt vegna ölvunaraksturs sem er óvenju mikið í miðri viku. Þar af voru tveir nokkuð drukknir. Allir sinntu þó stöðvunarmerkjum lögreglu strax og enginn þeirra efndi til frekari vandræða eftir að hafa verið stöðvaður.

Fuglaflensa geisar enn

Yfirvöld í Víetnam hafa falið óeirðalögreglunni að aðstoða við eftirlit með öllum alifuglaviðskiptum í Ho Chi Minh borg til að reyna að hefta útbreiðslu fuglaflensu. Þar lést maður í gær úr flensunni og er það tíunda fórnarlamb hennar þar í landi.

Handteknir með fíkniefni og þýfi

Þrír menn voru handteknir í nótt eftir að fíkniefni og þýfi fundust í fórum þeirra. Þeir voru á bíl sem lögreglan stöðvaði við eftirlit og þar sem mennirnir þóttu grunsamlegir var leitað í bílnum. Þar fannst meðal annars fartölva og geislaspilari úr bíl. Mennirnir voru færðir í fangageymslur og verða yfirheyrðir í dag.

Herinn samsekur í Beslan

Rússnesk yfirvöld segja að nokkrir háttsettir embættismenn í rússneska hernum hafi aðstoðað hryðjuverkamennina sem réðust inn í grunnskólann í Beslan síðasta haust. Búist er við að nokkrir embættismenn verði ákærðir í kjölfarið. Ættingjar þeirra sem létust í gíslatökunni hafa mótmælt aðgerðaleysi yfirvalda og krefjast þess að fólk verði dregið til ábyrgðar.