Málið ekki í höfn

"Þarna er um að ræða lítið skref í rétta átt en engu að síður er langt í land ennþá," segir Kristján Gunnarsson, formaður Verkalýðs- og sjómannafélags Keflavíkur.

Ístak með lægsta tilboðið

Ístak átti lægsta tilboð í nýjan kerskála og aðrar byggingar vegna þriðja áfanga Norðuráls á Grundartanga, þ.e. stækkunar álversins úr 90 þúsund tonnum í 180 þúsund tonn. Tilboðin voru opnuð 29. júlí sl. Tilboð Ístaks var upp á röska 3,2 milljarða króna en hæsta tilboðið, frá Íslenskum aðalverktökum, var rúmlega 3,6 milljarðar.

Búið að leita þar sem líkið fannst

Lík Sri Rahmawati fannst í hraunsprungu í Almenningi fyrir sunnan Hafnarfjörð í gær. Líkið var vandlega hulið með grjóti og erfitt að sjá að nokkuð hefði verið sett í sprunguna sem er um þriggja metra djúp. Felustaðurinn er innan þess svæðis sem lögregla og björgunarsveitarmenn höfðu leitað á síðustu daga.

Burðarás á bankaveiðum

Fjárfestingarfélagið Burðarás keypti í gær 3,38 prósenta hlut í breska bankanum Singer and Friedlander sem KB banki á fimmtung í.

Ógnarstjórn flæmir burt starfsmenn

Á annan tug íslenskra starfsmanna hefur flæmst úr starfi að Kárahnjúkum vegna hrokafullrar framkomu yfirmanna undirverktakafyrirtækisins Sodexho. Kvartanir hafa streymt frá starfsfólkinu, en yfirmennirnir láta ekki segjast. Trúnaðarmaður á svæðinu staðfestir þetta.

Stöðugleiki forsenda alls

Halldór Ásgrímsson tekur við embætti forsætisráðherra 15. september. Hann boðar ekki miklar breytingar heldur segist ætla að halda áfram því góða starfi sem hefur verið unnið á undanförnum árum. Mikilvægt að endurskoðun stjórnarskrár fari ekki fram í ljósi ákveðins máls. </font /></b />

Hlaup í Jökulsá á Dal

Hlaup kom í Jökulsá á Dal síðdegis í gær og um klukkan hálf sjö var brúnni við Fremri- Kárahnjúk lokað, enda var vatnsyfirborðið þá alveg að ná upp í brúargólfið og farið var að skola úr fyllingum við brúarendana.

Drap einn og særði 5 í Noregi

Víðtæk leit stendur enn yfir að manni sem stakk einn mann til bana og særði fimm í sporvagni í Osló í Noregi síðdegis í gær. Maðurinn sem lést var tuttugu og þriggja ára en meðal hinna særðu er tveir lífshættulega slasaðir, kona á fertugsaldri og rúmlega fimmtugur karlmaður.

Banaslys við Krossanesbraut

Karlmaður á fertugsaldri beið bana þegar stór grjótflutningabíll sem hann ók fór fram af háum vegkanti við Krossanesbraut og valt þegar hann hafnaði ofan í fjöru. Þetta var svonefnd búkolla og vann ökumaðurinn að því að breikka veginn.

Bjargað úr brennandi tjaldi

Vörður á tjaldstæðinu í Laugardal í Reykjavík bjargaði í nótt tveimur mönnum út úr brennandi tjaldi og sakaði þá ekki. Þeir höfðu sofnað út frá logandi kerti sem líklega hefur oltið um.

Öryggisviðbúnaður aukinn

Öryggisviðbúnaður hefur verið aukinn á ellefu flugvöllum og í tveimur höfnum til viðbótar í Bandaríkjunum. Tom Ridge, yfirmaður heimavarnaráðuneytis Bandaríkjanna, segir þetta gert í kjölfar rannsóknar á gögnum Al-Kaída.

Slapp ótrúlega lítið meiddur

Ökumaður á stórum malarflutningabíl slapp ótrúlega lítið meiddur eftir að hann ók út af brúnni yfir Laxá í Laxárdal í gær og bíllinn hafnaði á hvolfi í grýttum árfarveginum, meira en tíu metrum neðar. Ökumaðurinn var fluttur í sjúkrabíl á slysadeild Landspítalans í Reykjavík.

Fellibylur í Norður-Karólínu

Fellibylurinn Alex olli flóði í Norður-Karólínu ríki Bandaríkjanna í gær. Hundruð heimila og bíla urðu vatninu að bráð og rafmagn fór af hjá þúsundum íbúa. Íbúar á svæðinu segja þetta versta veður sem hafi gengið yfir svæðið í þrjátíu ár. Vindhraði náði 160 kílómetra hraða á klukkustund.

3 kíló af amfetamíni haldlögð

Fíkniefnadeild lögreglunnar í Reykjavík og Tollgæslan í Reykjavík hafa lagt hald á þrjú kíló af amfetamíni sem smyglað var til landsins með Dettifosi en andvirði þess gæti numið yfir 30 milljónum króna.

Brennuvargur kveikti í bílum

Kveikt var í þremur bílum vestur á Melum í Reykjavík í nótt og tilraun gerð til að kveikja í þeim fjórða. Kveikt var í fyrsta bílnum um klukkan tvö og hinum tveimur með klukkustundar millibili. Slökkviliðið var kallað á vettvang í öllum tilvikum og skemmdust bílarnir mikið. 

Fólkið enn þungt haldið

Maður og kona liggja enn þungt haldin á gjörgæsludeild Landspítala-Háskólasjúkrahúss eftir harðan árekstur jeppa og fólksbíls við Kotströnd á Suðurlandsvegi á mánudaginn. Þau eru ekki úr lífshættu og er báðum haldið sofandi og í öndunarvél.

Ný stjórn í Tékklandi

Forseti Tékklands, Vaclav Klaus, skipaði í morgun hina nýju ríkisstjórn landsins formlega í embætti undir forystu forsætisráðherrans, Stanislavs Gross, sem er aðeins 34 ára gamall og yngsti forsætisráðherra í Evrópu. Þrjátíu og níu dagar eru liðnir síðan fráfarandi forsætisráðherra Tékklands, Vladimir Spidla, sagði af sér.

Átök í Mósúl í morgun

Til harðra átaka kom í borginni Mósúl í Norður-Írak á milli uppreisnarmanna og íröksku lögreglunnar í morgun og hafa átökin nú staðið yfir í nokkra klukkutíma. Samkvæmt upplýsingum frá Reuters-fréttastofunni brutust út átök á fleiri en einum stað í borginni og mátti heyra í það minnsta sex háværar sprengingar.

Útskrifaður eftir rannsókn

Ökumaður malarflutningabílsins sem ók út af brúnni yfir Laxá í Laxárdal í gær var útskrifaður af slysadeild eftir rannsókn. Bíllinn hafnaði á hvolfi í grýttum árfarveginum, meira en tíu metrum neðar, en áður hafði bíllinn sópað sterku vegriði á brúnni niður á löngum kafla.

Milljarða framkvæmdir í hættu?

Óttast er að grjóthrun hafi stíflað hjárennslisgöng fram hjá virkjanaframkvæmdunum við Kárahnjúka þannig að milljarða framkvæmdir gætu verið í hættu. Göngin voru grafin inn í gljúfurvegginn ofan við vinnusvæðið við aðalstífluna og opnast svo neðan við vinnusvæðið.

Gíslar látnir lausir

Uppreisnarmenn hafa látið nokkra gísla lausa í Írak í morgun en þeir eru flestir bílstjórar eða vinna fyrir erlend fyrirtæki sem starfa fyrir Bandaríkjaher. Fyrirtækin hafa í flestum tilfellum lofað að draga starfsemi sína út úr Írak til að fá gíslana lausa. Á meðal þeirra sem látnir hafa verið lausir eru tveir Tyrkir.

Aldrei meiri verðmunur

Meðaltalsverðmunur á bensínlítranum í Reykjavík og Hafnarfirði er nú kominn upp í sjö krónur eftir að Orkan í Reykjavík hækkaði lítrann í 107,30 krónur í morgun. Munurinn hefur aldrei verið svona mikill á sjálfsafgreiðslustöðvunum, Hafnfirðingum í vil, en þar í bæ má enn fá bensínlítrann á u.þ.b. hundrað krónur.

Starfsmenn Sþ heim frá Gaza

Sameinuðu þjóðirnar ætla að draga næstum alla erlenda starfsmenn sína frá Gaza-svæðunum í Palestínu í kjölfar þess að Ísraelsher hefur fjölgað árásum sínum á svæðið. Tuttugu starfsmenn voru sendir heim í síðasta mánuði og enn fleiri verða sendir heim á næstu dögum.

70 slasaðir í lestarslysi

Sjötíu slösuðust, þar af nokkrir mjög alvarlega, í lestarslysi í Zimbabwe í morgun. Tvær farþegalestir skullu saman við aðallestarstöðina í höfuðborginni Harare. Talið er að um mannleg mistök hafi verið að ræða.

Bakkus hrjáir 9% Bandaríkjamanna

Um níu prósent Bandaríkjamanna glíma við áfengisvandamál og fimmtán prósent þeirra þjást af persónuleikatruflunum. Þetta er meðal þess sem fram kemur í nýrri rannsókn sem birtist í blaðinu <em>Journal of Clinical Psychiatry</em>.

Dæmd fyrir að nauðga nemanda sínum

Mary Kay Letounreau, kennari sem átti í ástarsambandi við tólf ára nemanda sinn, var látin laus úr fangelsi í Washington í Bandaríkjunum í morgun. Mary var dæmd í sjö ára fangelsi fyrir nauðgun en hefur nú afplánað dóminn.

Flugskeyti með kjarnavopnum

Í nýlegri skýrslu frá Bandaríkjunum er sagt líklegt að Norður-Kóreumenn hafi komist yfir flugskeytabúnað sem getur sent flugskeyti með kjarnavopnum alla leið til Bandaríkjanna. Tæknin virðist vera sambærileg þeirri sem finnst á rússneskum kafbátum sem bendir til þess að norðurkóresk stjórnvöld hafi fengið utanaðkomandi hjálp við þróun búnaðarins.

Fyrir ofan meðalhita í 28 mánuði

Meðalhitinn í Reykjavík hefur nú mælst fyrir ofan meðallag í 28 mánuði í röð samkvæmt tilkynningu frá Veðurstofunni. Meðalhitinn í höfuðborginni í júlímánuði mældist 11,5 stig, sem er 0,9 stigum hærri en í meðalári.

Réðst á leikskólabörn með hnífi

Starfsmaður í leikskóla í Pekíng í Kína gekk af göflunum í vinnunni og réðst á fimmtán nemendur og þrjá kennara með eldhúshnífi í morgun. Eitt barn lést og tvö særðust illa. Starfsmaðurinn er í haldi lögreglu en hann er fimmtíu og eins árs gamall og var vörður við skólann. Ekki er vitað hvers vegna maðurinn framdi verknaðinn.

Fleiri hækka afurðaverð nautakjöts

Norðlenska og Borgarnes kjötvörur hafa nú bæst í hóp þeirra sláturleyfishafa sem hækkað hafa afurðaverð á nautgripakjöti til bænda að undanförnu að því er fram kemur á vefsíðu Landssambands kúabænda. Báðir sláturleyfishafarnir hafa jafnframt lækkað þyngdarmörk innan hins svokallaða UN 1 flokks.

Bráðabirgðastífla hækkuð um 5 m

Ákveðið hefur verið að hækka bráðabirgðastíflu við Kárahnjúka um fimm metra vegna stíflunar í hjárennslisgöngum fram hjá virkjanaframkvæmdunum á svæðinu. Göngin eiga að veita vatni fram hjá endanlegu stíflumannvirki á meðan það er í byggingu.

Fuglaflensa í Suður-Afríku

Landbúnaðaryfirvöld í Suður-Afríku gruna að fuglaflensufaraldur eigi sér nú stað í þremur fuglabúum þar sem strútar eru aldir í austurhluta landsins. Landbúnaðarráðherra héraðsins segir að sýni úr fuglabúunum þremur hafi a.m.k. til bráðabirgða verið greind sem afbrigði fuglaflensunnar sem herjað hefur í Asíu undanfarin misseri.

Ráðherrar Norðurlandanna funda

Forsætisráðherrar Norðurlandanna munu hittast á fundi í Sveinbjarnargerði við Eyjafjörð næstkomandi sunnudag, 8. ágúst, að því er segir í tilkynningu frá forsætisráðuneytinu. Á fundinum verður fjallað um norræn málefni, Evrópumál og önnur alþjóðamál.

Skuldsetja sig út áratuginn

Útlit er fyrir að ólympíuleikarnir verði mun dýrari en grísk stjórnvöld stefndu að. Nú er svo komið að sérfræðingar eru farnir að lýsa áhyggjum af því að leikarnir íþyngi gríska ríkinu svo mjög að það kunni að taka gríska skattborgara tíu ár, hið minnsta, að borga reikninginn.

Réðist á börn vopnaður hnífi

Eitt barn lést og fimmtán slösuðust, þar af tvö alvarlega, þegar starfsmaður leikskóla réðst með hnífi að leikskólabörnum og kennurum þeirra. Þrír kennarar særðust í árásinni.

Flugvél flaug á hús

Sex létu lífið, þeirra á meðal tvö börn, þegar lítil flugvél flaug á hús við golfvöll í Austin í Texas. Vélin breyttist í eldhnött þegar hún lenti á húsinu og fórust allir sem voru um borð í henni. Þrennt var í húsinu þegar atvikið átti sér stað en þau sluppu öll við meiðsl.

Grunaðir um aðild að Al-Kaída

Þrettán menn sem grunaðir eru um að eiga aðild að Al-Kaída hryðjuverkasamtökunum eru nú í haldi lögreglu í Bretlandi. Mennirnir, sem eru á aldrinum nítján til þrjátíu og tveggja ára, voru handteknir í borgunum Luton, Blackburn og Bushey, skammt norður af London.

Óbreytt vísitala neysluverðs

Landsbankinn spáir óbreyttri vísitölu neysluverðs í ágúst sem myndi þýða að 12 mánaða verðbólga yrði áfram 3,6%. Gera má ráð fyrir að útsöluáhrif vegi töluvert þungt til lækkunar en hækkun bensínverðs að undanförnu mun vega á móti að stórum hluta segir í tilkynningu frá bankanum.

Bandaríska sendiráðinu lokað

Nokkrum deildum bandaríska sendiráðsins í höfuðborg Indlands, Nýju-Delí, verður lokað á morgun, fimmtudag, vegna öryggisráðstafana að því er segir í tilkynningu frá sendiráðinu í dag.

Aukið álag á vegina

Aukin umferð vöruflutningabifreiða um þjóðvegi hefur í för með sér aukið slit á vegum og sumstaðar aukna slysahættu. Auknar líkur á banaslysi þegar þyngdarmunur bifreiða í árekstri er mjög mikill, segir formaður Rannsóknarnefndar umferðarslysa.

Uppsetning vinnubúða hafin

<span class="frettatexti">Akrafell, skip Samskipa, kom til Reyðarfjarðar á mánudag með fyrsta hluta vöruflutninga sem félagið annast fyrir Fjarðaál vegna uppsetningar vinnubúða fyrir álversuppbygginguna eystra. </span>

Harðir bardagar í Mósúl

Í það minnsta 20 létust í hörðum bardaga í borginni Mósúl í Norður-Írak í morgun. Þetta eru mannskæðustu átök í Írak frá því að Írakar tóku aftur við völdum í landinu. Barist var á nokkrum stöðum í borginni, þar á meðal í miðbænum.

Nafn mannsins sem lést

Maðurinn sem lést þegar vörubifreið valt við Krossanes í gær hét Þorgeir Ingi Ingason, til heimilis að Mánahlíð 9 á Akureyri. Þorgeir Ingi var þrjátíu og sex ára, ókvæntur og barnlaus og bjó í foreldrahúsum. Rannsókn á tildrögum slyssins stendur yfir.

Væntir samkomulags við tollinn

Gísli Gíslason, bæjarstjóri á Akranesi, telur ekki að vandkvæði ættu að vera fyrir sægarpinn Hafstein Jóhannsson, kafara frá Akranesi, að afhenda Byggðasafni Akraness seglskútuna Eldingu að gjöf. "Hafsteinn er mikill sægarpur sem gert hefur garðinn frægan," segir Gísli.og vísar meðal annars til siglingarafreka Hafsteins.

3 kíló af amfetamíni í Dettifossi

Þrjú kíló af amfetamíni fundust í Dettifossi, skipi Eimskipafélagsins. Sjaldan hefur verið lagt hald á jafn mikið af efninu. Söluverðmæti þess gæti numið á fjórða tug milljóna króna.