Jákvætt í garð lækna og lögreglu

Yfir 80 prósent þjóðarinnar eru jákvæð í garð lækna, lögreglu og kennara. Þingmennska virðist þó ekki vera til vinsælda fallin, því innan við þriðjungur þjóðarinnar er jákvæður gagnvart alþingismönnum. Þetta kemur fram í Þjóðarpúlsi Gallup þar sem fólk var spurt hvort það væri jákvætt eða neikvætt í garð nokkurra starfstétta.

Rekaldið hefur ekkert hreyfst

Lögregla er engu nær um það hvert líkið af Sri Ramawati hefur rekið eftir að Hákon Eydal varpaði því fyrir björg. Rekald, sem sett var út í gær til að kanna rekið, hefur ekkert hreyfst.

Ragnar í gæsluvarðhald

Taílensk yfirvöld framseldu um helgina Ragnar Sigurjónsson, fyrrverandi skreiðarútflytjanda, sem hvarf sporlaust í Lundúnum fyrir fimm árum. Í gær úrskurðaði Héraðsdómur Reykjaness Ragnar í gæsluvarðhald hér á landi til 23. ágúst.

Skotmaður á geðdeild

Maður sem skaut úr haglabyssu á tvö hús á Reykhólum í Barðastrandarsýslu hefur verið vistaður á geðdeild. Annar maður hefur játað að eiga 170 kannabisplöntur sem fundust í húsnæði í Reykjavík, þar sem byssumaðurinn hafði dvalið.

Þrír biðu bana á Gaza

Þrír Palestínumenn biðu bana í dag, þegar sprengja sem þeir hugðust granda ísraelskri jarðýtu með, sprakk í höndunum á þeim. Sprengingin varð í Rafha flóttamannabúðunum, á Gaza svæðinu, og dæmigerðar fyrir það sem gerist á nær hverjum degi, einhversstaðar á sjálfstjórnarsvæðum palestínumanna.

Kallið barst frá bíl í byggð

Neyðarkall sem barst í síðustu viku um að tuttugu manna hópur Frakka væri í nauðum staddur á hálendinu barst úr bíl í byggð á Suðurlandi. Gabb sem þetta er refsivert og biður lögreglan hvern sem getur veitt upplýsingar að hafa samband.

Nefndarkóngar eru ríkisleyndarmál

DV fær ekki aðgang að lista sem fjársýsla ríkisins gerði um nefndakónga ríkisins. Einn þeirra sem sat í sjö nefndum árin 2000 til 2002 fékk 9,5 milljónir króna. Nafn hans er ríkisleyndarmál.

Húsbílaklósett tæmd í leyfisleysi

"Við viljum að þessu sé fylgt eftir í lögreglusamþykkt þannig að öllum geti verið ljóst að kjósi menn að leggja húsbíl eða tjalda innan bæjarmarkana verði þeir að greiða gjald. Vilji þeir ekki gera það verði þeir að fara út fyrir bæjarmörkin.

Byggðist á gömlum gögnum

Yfirvöld í Bandaríkjunum gáfu út öryggisviðvörun vegna hryðjuverkahættu sem byggðust á þriggja ára gömlum upplýsingum. Samkvæmt tilkynningu frá heimavarnarráðuneytinu var talið að hryðjuverkamenn hyggðu á árás á fjármálastofnanir í New York og Washington.

Kerry með leyniáætlun

John Kerry, frambjóðandi Demókrataflokksins til forsetaembættisins í Bandaríkjunum, gefur í skyn að hann muni ná samkomulagi um lyktir Íraksstríðsins nái hann kjöri sem forseti. Hann neitar hins vegar að gefa upp hvað hann hafi fyrir sér í þessum efnum.

Kraftaverk að ekki fór verr

Vörubíll og Toyota Landcruiser jeppi skullu saman á brú yfir Laxá í Laxárdal í umdæmi lögreglunnar í Búðardal skömmu eftir klukkan 15 í gær.

Lík Sri Rhamawati fundið

Lík Sri Rahmawati fannst í djúpri og þröngri hraunsprungu í Almenningi fyrir sunnan Hafnarfjörð í dag. Hákon Eydal, sem hefur játað að hafa banað fyrrum sambýliskonu sinni og barnsmóður, Sri Rahmawati, vísaði lögreglu á réttan stað eftir að honum var sagt að rannsókn lögreglu sýndi að fyrri staðsetning sem hann gaf upp stæðist ekki. </font />

Leit formlega hætt

Flest þykir nú benda til að misheppnaður grínisti hafi sent hundruð björgunarsveitarmanna í tilgangslausa leit að hópi tuttugu franskra ferðamanna á hálendinu. Starfsmaður Ferðafélagsins gerði Neyðarlínunni viðvart að morgni fimmtudags eftir að maður hafði komið inn í samtal hans og skálavarðar í Hvanngili um talstöð.

Flugher berst við engisprettur

Engisprettufaraldur af nánast biblíulegri stærðargráðu herjar nú á nokkur lönd í Vestur-Afríku. Verst er ástandið á Malí og í Máretaníu, en í þessum löndum er vitað um nálægt 100 engisprettuský sem nánast éta sig í gegnum landið.

Þremur rænt og sleppt sama dag

Palestínskir vígamenn rændu þremur útlendingum í borginni Nablus á Vesturbakkanum í morgun. Útlendingarnir unnu við kirkjustarf í Nablus og komu frá Bandaríkjunum, Írlandi og Bretlandi.

Forsætisráðherra slapp naumlega

Pakistanski forsætisráðherrann, Shaukat Aziz, slapp naumlega þegar sjálfmorðsárás var gerð að bílalest hans. Í sprengingunni létust bílstjóri ráðherrans og fjórir aðrir fylgdarmenn hans. 36 manns slösuðust í árásinni, þar af nokkrir alvarlega.

Flóð í Mexíkó

Miklar rigningar í Mexíkó hafa valdið flóðum í norðurhluta landsins en þar rignir sjaldan. Flóð hafa skemmt byggingar og vegi og fjöldi manna er án rafmagns. Í borginni Cocalco var rigningin svo mikil að þök fjölda húsa gáfu sig undan þunganum.

Veðurhorfur næstu daga

Suðaustan 8-13 m/s og skúrir sunnan- og vestanlands í dag, en annars hægari og þurrt að kalla. Hvessir í nótt og suðaustan 13-18 suðvestanlands um hádegi á morgun, en annars hægari. Rigning á sunnan- og vestanverðu landinu, en úrkomulítið norðaustan til.

Rjómablíða í Eyjum

Rjómablíða er í Vestmannaeyjum í dag eftir rigningu í nótt og gærdag. Dagskráin stóð til klukkan fimm í nótt og fór að sögn ágætlega fram, en þrátt fyrir rigningu var mikil stilla í dalnum.

Rætist úr veðri á landinu

Hátíðahöld fara vel af stað þessa verslunarmannahelgi og virðast landsmenn skemmta sér hið besta um land allt. Sigurður Helgason hjá Umferðarstofu segir umferðina hafa gengið vel fyrir sig það sem af er helgarinnar en minnir ökumenn á virða hraðatakmarkanir, sýna tillit og aka eftir aðstæðum.

Fylgi ríkisstjórnar dalar

Fylgi við ríkisstjórnina dalar samkvæmt nýjum þjóðarpúlsi Gallups. Eftir því sem fram kom í fréttum Ríkisútvarpsins í morgun eru 62 prósent landsmanna andvíg ríkisstjórn Sjálfsstæðisflokks og Framsóknarflokks og hefur stuðningur við hana minnkað um fjögur prósentustig í júlí frá júnímánuði.

Enn tekið alvarlega

Lögreglan tekur ennþá alvarlega neyðarkallið sem barst síðastliðinn fimmtudag, um að tuttugu frakkar væru veikir, af matareitrun, á hálendinu. Jónína Sigurðardóttir, aðstoðaryfirlögregluþjónn, hjá fjarskiptadeild ríkislögreglustjóra, sagði í samtali við fréttastofuna, nú fyrir hádegi, að þótt ýmislegt bendi til þess að neyðarkallið hafi verið gabb, sé ennþá gengið út frá því að það hafi verið raunverulegt.

Gripið til aðgerða gegn Súdan

Sameinuðu Þjóðirnar hafa hótað að grípa til aðgerða gegn Súdan eftir að súdönsk yfirvöld höfnuðu ályktun Öryggisráðs Sameinuðu Þjóðanna sem samþykkt var í gær. Í ályktuninni segir að gripið verði til aðgerða gegn Súdan afvopni stjórnvöld ekki vígamenn í Darfur-héraði á þrjátíu dögum.

Ýtt verði á eftir umbótum

Nefndarmenn úr Ellefta September nefndinni, sem rannsakaði hvað fór úrskeiðis í tengslum við hryðjuverkin ellefta september árið 2001 í Bandaríkjunum, hafa hvatt bandaríska öldungadeildarþingmenn til að ýta á eftir umbótum sem mælt er með í niðurstöðum nefndarinnar.

Namibísk svikamylla

Efnahagsbrotadeild namibísku lögreglunnar vinnur nú að því að reyna að leysa umfangsmikið fjársvikamál, sem teygir anga sína til Íslands. Meira en 40 karlar og konur frá Namibíu eru flækt í málið, en þau lögðu verulegar fjárhæðir inn á bankareikning, sem tryggingu fyrir störf á Íslandi, í Alaska, Noregi, og á Grænlandi.

Friður á Fílabeinsströndinni

Forseti Fílabeinsstrandarinnar, Laurent Gbagbo og leiðtogi uppreisnarmanna skrifuðu undir friðarsamning í gær en vonast er til að þar með ljúki tveggja ára borgarastyrjöld í landinu. Mennirnir hittust í borginni Accra í Ghana ásamt leiðtogum tólf Afríkuríkja og Kofi Annan, framkvæmdastjóra Sameinuðu Þjóðanna.

Freista þess að fá gísla úr haldi

Indverskur stjórnarerindreki er á leiðinni til Íraks til að freista þess að fá þrjá Indverja, sem setið hafa í haldi mannræningja í tíu daga, lausa. Mannræningjarnir hafa hótað að drepa gíslana dragi kúveiskt fyrirtæki, sem þeir vinna hjá, sig ekki út úr Írak.

Egó í kvöld

Hljómsveitin Egó er komin til Vestmannaeyja og var með hljóðprufu um fjögurleytið. Stórt hljóðkerfi hefur verið sett upp við sviðið í dalnum og hlakka menn til að heyra Egó vakna af 20 ára dvala, að sögn Páls Schevings framkvæmdastjóra hátíðarinnar.

Belgíska þjóðin syrgir

Konungur Belgíu, Albert annar, heimsótti í dag og huggaði fjölskyldur þeirra sem létust í stórri gassprengingu 30 kílómetra frá bænum Ghislenghien. Þá fór hann að slysstað og vottaði hinum látnu þar með virðingu sína.

Auglýsingar allan sólarhringinn

Margir kvarta undan því hversu margar auglýsingar séu í sjónvarpi en það eru ekki allir á sama máli. Nú hefur verið stofnuð bresk sjónvarpsstöð sem sýnir einvörðungu auglýsingar. Frá og með 6. september næstkomandi geta menn því horft á auglýsingar allan sólarhringinn án endurgjalds.

Málinu haldið opnu fram yfir helgi

Leit er haldið áfram að tuttugu frönskum ferðamönnum vegna neyðarkalls sem barst síðastliðinn fimmtudag. Búið er að leita á gríðarstóru svæði, bæði úr lofti og á landi. Þó að líkurnar á því að franski hópurinn sé raunverulegur með hverri klukkustund sem líður getur lögreglan ekki annað en leitað af sér allan grun.

Innsetning forseta á morgun

Forseti Íslands, Ólafur Ragnar Grímsson, sver embættiseiða í þriðja sinn á morgun. Athöfnin fer fram á meðan á endurbótum á Alþingishúsinu stendur og var fjölmiðlum af þeim sökum synjað um leyfi til að sýna frá undirbúningi fyrir innsetningarathöfnina. Helmingur ríkisstjórnarinnar verður fjarverandi við athöfnina.

Súdönsk stjórnvöld hafna ekki

Súdönsk stjórnvöld ætla ekki að hafna ályktun Sameinuðu þjóðanna eins og upplýsingaráðherra þeirra tilkynnti í gær. Í ályktuninni eru Súdönum gefnir þrjátíu dagar til að afvopna skæruliða í Darfur-héraði.

Vatikanið gagnrýnir feminista

Vatíkanið gagnrýnir femínista harðlega í nýrri skýrslu um hlutverk karla og kvenna. Þar segir að femínistar geri að engu þann líffræðilegan mun sem sé á körlum og konum. Skýrslan ber nafnið: Bréf til Biskupa Kaþólsku Kirkjunnar um samvinnu karla og kvenna í kirkjunni og í heiminum.

Fékk tvö ný lungu

Lífið er eins og ævintýramynd eftir Spielberg. Þetta segir Jón Ottó Rögnvaldsson sem fékk tvö ný lungu grædd í sig í fyrra. Áður komst hann varla á milli herbergja og var tengdur við súrefniskút allan sólarhringinn, en í dag segist hann nánast treysta sér til að hlaupa maraþon.

Gleði og ást í Húsdýragarði

Það ríkti gleði og ást í Húsdýragarðinum í dag þegar þeir Reykvíkingar sem heima sitja um verslunarmannahelgina slettu þar úr klaufunum. Það gerði einnig nautið Guttormur, sem var ástleitinn við kýrnar.

Gótt verður á austurlandi

Geggjað veður hérna fyrir austan sögðu viðmælendur fréttastofu í dag. Nokkur þúsund manns eru á hátíðum á Austfjörðum um helgina, meðal annars í Neskaupstað og á Borgarfirði eystri þar sem hátíðin Álfaborgarsjens er haldin.

Fjöldi á unglingalandsmóti

Tíu þúsund manns eru á unglingalandsmóti UMFÍ á Sauðárkróki um helgina. Þar brosa skipuleggjendur hringinn og þakka fyrir góða gesti og gott veður. Það hefur ekki verið eintómt sólskin á Sauðárkróki um helgina en það hefur ekki komið að sök.

Af nógu að taka á Suðurlandi

Það var af nógu að taka á Suðurlandi fyrir þá sem lögðu í ferðalag í tilefni af verslunarmannahelginni. Fjölbreytt dagskrá var í boði víða í landshlutanum, og höfðu menn heppnina með sér, því þrátt fyrir leiðinlega veðurspá, rættist úr veðrinu og var einstök veðurblíða, nánast hvar sem drepið var niður fæti.

Níu þúsund í Eyjum

Tæplega níu þúsund manns eru á Þjóðhátíð í Vestmannaeyjum. Lögregla er ánægð með framkomu gesta og segir enga kæru hafa verið lagða fram vegna líkamsárásar eða nauðgunar. Hins vegar hafa um 30 fíkniefnamál komið upp á hátíðinni.

Lang flestir á Akureyri

Tjaldstæði á Akureyri yfirfylltust í nótt þegar íbúafjöldi bæjarins tvöfaldaðist. Talið er að þangað séu komnir yfir fimmtán þúsund gestir. Allt tiltækt lið lögreglu er á vakt ásamt liðsauka að sunnan. Hátíðin ein með öllu, á Akureyri, er lang fjölmennasta hátíð sem haldin er á landinu, um verslunarmannahelgina.

Miklir vatnavextir í Jöklu

Miklir vatnavextir hafa verið í Jöklu undanfarna daga og hafa starfsmenn Impregilo við Kárahnjúkavirkjun af þeim sökum styrkt fremri stífluna við árfarveginn. Leó Sigurðssyni, yfirmanni öryggis- og umhverfismála, hjá Impregilo segir hættuástand ekki hafa skapast en að menn hafi varann á.

Víðtæk leit að 20 ferðamönnum

Víðtæk leit hófst í gær að hópi tuttugu ferðamanna en farið var að óttast um hópinn eftir að neyðarkall kom í gegnum samtal á milli Ferðafélags Íslands í Reykjavík og skálavarðar í Hvanngili. Björgunarsveitir á Suðurlandi héldu af stað á hálendið á öðrum tímanum í gær.

Helmingur fjarverandi embættistöku

Átta af hverjum tíu þingmönnum sem ekki geta mætt við embættistöku forseta Íslands eru þingmenn ríkisstjórnarflokkanna. Helmingur þingmanna ríkisstjórnarflokkanna verður fjarverandi og helmingur ráðherra. Fjórir stjórnarandstöðuþingmenn mæta ekki. </font /></b />

Óhæft húsnæði veldur vetrarkvíða

Starfsfólk Impregilo á Kárahnjúkasvæðinu kvíðir vetrinum vegna mjög lélegs íbúðarhúsnæðis á staðnum. Verkalýðshreyfingin berst gegn óhóflega löngu úthaldi hjá portúgölskum starfsmönnum. Mönnum finnst farið að bera á sparnaði við matarinnkaup. </font /></b />