Freista þess að fá gísla úr haldi

Indverskur stjórnarerindreki er á leiðinni til Íraks til að freista þess að fá þrjá Indverja, sem setið hafa í haldi mannræningja í tíu daga, lausa. Mannræningjarnir hafa hótað að drepa gíslana dragi kúveiskt fyrirtæki, sem þeir vinna hjá, sig ekki út úr Írak. Þeir ætluðu að drepa mennina síðustu helgi en gáfu fyrirtækinu frest til hádegis í dag. Aftökufresturinn er nú útrunninn en engar fregnir hafa heyrst af gíslunum. Í gær sendu mannræningjarnir frá sér myndband þar sem þeir sjást ógna indverskum gísl með riffli.