Skattlagning kemur á óvart

Ríkisskattstjóri hefur ákveðið að innheimta fjármagnstekjuskatt af þeim, sem skipta húsbréfum yfir í nýju peningabréfin. Þetta kemur öllum á óvart, að sögn Halls Magnússonar, sviðstjóra þróunarsviðs íbúðalánasjóðs.

Framseldur til Ítalíu

Dómstóll í París féllst í dag á að fyrrverandi liðsmaður Rauðu hersveitanna, yrði framseldur til Ítalíu, þar sem hann var dæmdur fyrir morð á sjöunda áratug síðustu aldar. Cesare Battisti hefur búið, fyrir opnum tjöldum, í París, síðan 1990, eftir að hann afneitaði hryðjuverkum. Nokkrir tugir ítalskra morðingja fluttu til Frakklands, eftir að Francois Mitterand, forsætisráðherra sósíalistastjórnarinnar þar, bauð þeim hæli.

Bremer dauðfeginn

Paul Bremer, fyrrverandi landstjóri í Írak, kveðst vera dauðfeginn að vera kominn aftur heim til Bandaríkjanna. Bremer talaði við fréttamenn, í dag, á flötum Hvíta hússins, og sagði að hann harmaði að ekki skyldi hafa tekist betur að koma á friði í landinu, áður en hann lét af embætti.

Ræða um samstarf eða sameiningu

Ákveðið hefur verið að hefja viðræður um samstarf eða sameiningu Félags járniðnaðarmanna og Vélstjórafélags Íslands. Þetta kemur fram í fréttatilkynningu frá formönnum félaganna. Markmiðið með því er að sameina alla þá sem starfa við vélstjórn, vélvirkjun, málmiðnað, veiðarfæragerð og í skyldum greinum í eitt öflugt landsfélag.

Aukin aðsókn í kvennaathvarf

Töluverð fjölgun er á dvalardögum í kvennaathvarfinu það sem af er árinu þó nokkuð rólegt hafi verið yfir athvarfinu í júní. Dvalardagar kvenna eru orðnir 575 og barna 367. Alls eru því dvalardagar kvenna og barna 942 á fyrri helmingi ársins. Þarna er um töluverða fjölgun að ræða á milli ára því dagar barna og kvenna í dvöl á síðasta ári numu 1501 degi allt árið.

60 reknir úr starfi í Bosníu

Sextíu háttsettir embættismenn voru reknir úr starfi í Bosníu í dag, fyrir að framselja ekki Radovan Karadits, fyrrverandi leiðtoga Bosníuserba. Karadits er eftirlýstur fyrir stríðsglæpi og þjóðarmorð. Paddy Ashdown, fyrrverandi leiðtogi Frjálslynda flokksins, Breska, stýrir málum í Bosníu, fyrir vesturveldin. Það var hann sem tak embættismennina sextíu.

Afgreiðslutími skertur

Afgreiðslutími Landsbókasafns Íslands - Háskólabókasafns verður skertur talsvert í haust. Undanfarin ár hefur verið í gildi samningur milli safnsins og Háskóla Íslands um að Háskólinn borgi hluta af kostnaðinum við að hafa safnið opið fjögur kvöld í viku til klukkan tíu og á sunnudögum.

Fleiri voðaverk í Belgíu

Franskur skógarvörður hefur viðurkennt hafa hafa myrt sex kornungar stúlkur, og er grunaður um að hafa myrt þrjár til viðbótar. Morðin voru framin í Frakklandi og Belgíu. Í Belgíu eru menn skelfingu lostnir yfir þeim möguleika að þarna sé í uppsiglingu annað mál í líkingu við mál nauðgarans og barnamorðingjans Marks Dutroux, sem nýlega var dæmdur í lífstíðarfangelsi fyrir ódæðisverk sín.

Seinni ferð Herjólfs aflýst

Seinni ferð Vestmannaeyjaferjunnar Herjólfs fellur niður í dag vegna bilunar en skipið mun sigla samkvæmt áætlun á morgun. Herjólfur átti að fara frá Eyjum kl. 16:00 og Þorlákshöfn kl. 19:30 og er þeirri ferð aflýst. Viðgerð fer fram í kvöld  og fer skipið frá Vestmannaeyjum á morgun klukkan 8:15 samkvæmt áætlun.

Sjónmengun af majónesdós

"Haldi þetta áfram þá munu auglýsingar við þjóðveginn spretta upp sem gorkúlur og við munum aka um frumskóg af auglýsingaskiltum," segir Steingrímur Gunnarsson leiðsögumaður um risastóra majónesdós frá Gunnars majónes sem búið er að komna fyrir skammt frá Þjórsárbrú og á að vekja athygli ferðalanga.  

Uppsagnir hjá Morgunblaðinu

Á annan tug starsfmanna Morgunblaðsins hafa fengið uppsagnarbréf, samkvæmt upplýsingum Vísis og taka uppsagnirnar gildi frá og með morgundeginum. Ekki fengust upplýsingar um hve mörgum verður sagt upp.

Jarðböð á Mývatni

Margra ára draumur Mývetninga um baðlón í sveitinni varð að veruleika í dag þegar jarðböð Baðfélags Mývetninga voru formlega tekin í notkun. Starfsemin hefur verið í undirbúningi í um áratug og nemur kostnaðurinn um hundrað milljónum króna.

Segja Heilsugæsluna gera mistök

Formaður Meinatæknafélags Íslands segir Heilsugæsluna í Reykjavík hafa gert mistök með því að leggja niður störf allra meinatækna, með þriggja daga fyrirvara. Forstjóri heilsugæslunnar segir að tólf mánaða biðlaunaréttur þeirra tefji fyrir markmiðum um sparnað.

Múrinn að hluta ólöglegur

Allir hrósa sigri eftir að hæstiréttur Ísraels skipaði svo fyrir að hluti af öryggismúr Ísraelsmanna yrði fluttur. Dómararnir sögðu réttmætt að reisa varnarmúr en að gæta yrði hófs, ekki mætti brjóta gróflega á Palestínumönnum.

Milljónir ganga til vinnu

Milljónir Lundúnabúa héldu á tveimur jafnfljótum til vinnu í dag, þar sem starfsmenn neðanjarðarlestarkerfis borgarinnar voru í sólarhrings- verkfalli. Yfirvöld hvöttu fólk til að vera heima, en í það minnsta þrjár milljónir gerðu samt tilraun til að komast leiðar sinnar.

Faldi e-töflur hjá ömmu sinni

26 ára gamall maður faldi 480 e-töflur hjá ömmu sinni. Lögreglan réðst inn á heimili ömmunnar og fann fíkniefnin. Maðurinn mætti ekki fyrir dóm í fyrradag og hefur verið gefin út handtökuskipun á manninn. Rætt er við manninn og ömmu hans í nýju DV í dag.

Lögmaður dæmdur til sektar

Lögmaður sem dæmdur var fyrir að sýna dómara óvirðingu segist ekki skilja hvað hann hafi gert ámælisvert og vill fá skýringar. Hann var dæmdur til sektar. Hann segist ekki hafa verið ókurteis auk þess sem dómarar verði að sætta sig við að vitni séu spurð ítarlega út úr.

Tíu sagt upp hjá Morgunblaðinu

Tíu starfsmönnum ritstjórnar Morgunblaðsins hefur verið sagt upp, og taka uppsagnirnar gildi um mánaðamótin. Uppsagnirnar byggjast meðal annars á tæknibreytingum og breytingum á skipulagi og efni blaðsins sjálfs.

Saddam afhentur Írökum

Eftir flótta og felur í holum, fangelsisvist hjá Bandaríkjaher og yfirheyrslur, er Saddam Hússein á ábyrgð landa sinna, sem hyggjast ákæra hann á morgun. Óbreyttum Írökum virðist þó standa á sama og vilja frekar að tekist sé á við vanda samtíðar en fortíðar.

Greiða þarf skatt við skipti

Greiða þarf skatt þegar skipt er á húsbréfum og nýju húsnæðisbréfunum sem taka gildi nú um mánaðamótin. Þetta kom forsvarsmönnum Íbúðalánasjóðs gjörsamlega í opna skjöldu. Þeir segja að með breytingunum sé ekki verið að innleysa hagnað, heldur breyta um fjárfestingu.

Harmleikur í Súdan

Mesti harmleikur frá vargöldinni í Rúanda er yfirvofandi í Súdan. Milljón manna er á flótta undan blóðþyrstum skæruliðum og komið er í veg fyrir starf hjálparsamtaka. Í dag létu þungavigtarmenn þó til sín taka og beittu stjórnvöld í Kartúm enn meiri þrýstingi.

Hitti Nistelrooy

Gunnar Ari Kristjánsson, sonur Þorgerðar Katrínar Gunnarsdóttur menntamálaráðherra, hitti hollenska knattspyrnukappann Ruud Van Nistelrooy í Portúgal á dögunum.

Andstaðan með eigið frumvarp

Stjórnarandstaðan ætlar að leggja fram frumvarp um þjóðaratkvæðagreiðsluna um fjölmiðlalögin. Samkvæmt því á einfaldur meirihluti að duga til þess að hafna lögunum. Formaður Samfylkingarinnar segir að ríkisstjórnin sé hrædd við vilja fólksins í landinu.

Þögnin er gull, segir Guðni

Forystumönnum í Framsóknarflokknum líst illa á hugmyndir sjálfstæðismanna um að gera kröfu um að 44 prósent kosningabærra manna þurfi, til að hafna lögum í þjóðaratkvæðagreiðslu. Guðni Ágústsson, varaformaður Framsóknarflokksins, hvetur til þess að ófriðaröldur verði lægðar í samfélaginu, en telur þó sjálfur mikilvægt að lágmarksskilyrði verði sett.

Lettar mótmæltu í Hafnarfirði

Lettneskir sjómenn á skipinu Arnarborginni sem liggur við höfn í Hafnarfirði mótmæltu í gær. Þeir eru með 18 þúsund krónur á mánuði í laun og mótmæltu því að þeir fengu ekki borguð launin. Eigandi skipsins er Íslendingur. Meira um málið í DV í dag.

Davíð fundar með Bush

Davíð Oddsson forsætisráðherra væntir þess að niðurstaða geti fengist um framtíð Keflavíkurstöðvarinnar á fundi með George Bush í Hvíta húsinu á þriðjudaginn kemur. Bandaríkjaforseti býður til fundarins, en á honum á að ræða um alþjóðamál og samskipti landanna. Davíð segir fundinn í Washington engin áhrif hafa á fyrirhugaða fundi Alþingis á sama tíma.

Edwards vinælasta varaforsetaefnið

Fjórir mánuðir eru til forsetakosninga í Bandaríkjunum. George W. Bush og John Kerry eru nánast hnífjafnir samkvæmt skoðanakönnunum. Mikið veltur á vali frambjóðendanna á varaforsetaefni.

Hugsanlega sæst á skilyrði um 1/3

Enn á ný standa stjórnarflokkarnir frammi fyrir því að þurfa að ná lendingu í stórmáli sem flokkarnir eru í aðalatriðum ósammála um. Nú eru það lög um þjóðaratkvæðagreiðslu. Líklegt þykir að flokkarnir sættist á skilyrði um þriðjung.

Þjóðarbókhlaðan minna opin

Formaður Stúdentaráðs segir styttri afgreiðslutíma Þjóðarbókhlöðunnar bakslag fyrir baráttu stúdenta fyrir betri aðgangi að Háskólanum. Rektor segir þjónustu við nemendur aukast og Háskólann spara þrettán milljónir.

Fá 260 milljónir fyrir hitaveituna

Minnihluti bæjarstjórnar segir upphæðina ekki réttlæta söluna. Fjölmörg vafamál séu ekki afgreidd í samningnum. Forseti bæjarstjórnar segir söluna gríðarlegan kost fyrir bæjarbúa og verðið ásættanlegt. Meirihlutinn felldi tillögu minnihlutans um borgarafund.

Lögreglan tekur ekki skuldarana

Lögreglan hefur ekki sinnt þeim skyldum sínum að handtaka skuldara, sem hunsað hafa boðun sýslumanns, og færa þá til embættisins, að sögn formanns Lögmannafélags Íslands. Hann segir þetta óþolandi með öllu.

Ónóg virðing fyrir öldruðum

Ónóg virðing fyrir einkamálum aldraðra á fimm öldrunarstofnunum, og skortur á sjálfræði er meðal þess sem fram kemur í athyglisverðri könnun sem birt hefur verið. Æskilegt er að fólkið taki virkari þátt í sínu daglega umhverfi.

Víða barist í Tsjetsjeníu

Árásir og sprenging í námu kostuðu sex rússneska hermenn lífið og særðu tólf í Tsjetsjeníu í gær. Rannsókn sprengingar fyrir utan kaffihús í Grosní, höfuðborg Tsjetsjeníu, á sunnudag stendur enn yfir en hún kostaði einn lífið og særði fimm.

Óvænt valdaafsal

Bráðabirgðastjórn tók við óvænt við völdum í Írak í gær, tveimur dögum fyrr en áætlað hafði verið. Paul Bremer, landstjóri Bandaríkjamanna í Írak, afhenti nýjum stjórnvöldum skjöl um valdaafsalið í lítilli athöfn í höfuðstöðvum hernámsliðsins í gærmorgun. Um tveimur klukkustundum síðar yfirgaf Bremer Írak.

Búist við hörðum viðbrögðum

Palestínskir vígamenn skutu fjölda heimatilbúinna sprengja að ísraelskum landamærabæ í gær. Skothríðin kostaði tvo Ísraela lífið, þriggja ára dreng og afa hans, auk þess sem sjö særðust

93% ætla að kjósa um fjölmiðlalög

93% landsmanna telja líklegt að þeir taki þátt í þjóðaratkvæðagreiðslu um fjölmiðlalögin, samkvæmt nýjum Þjóðarpúlsi Gallups. RÚV skýrði frá þessu í gær. Rúmlega sex af hverjum tíu sögðust ætla að greiða atkvæði gegn fjölmiðlalögunum en þrír af hverjum tíu sögðust munu greiða atkvæði með þeim.

Ákærður fyrir 480 e-töflur

Maður á þrítugsaldri hefur verið ákærður af ríkissaksóknara fyrir að hafa haft, í október í fyrra, 480 e-töflur og tæp þrjú grömm af töflumulningi í sinni vörslu á heimili sínu. Hann er sakaður um að hafa ætlað fíkniefni til sölu hér á landi.

Fimm fluttir á sjúkrahús

Fimm ferðamenn voru fluttir með sjúkrabíl til Reykjavíkur eftir að bíll þeirra valt á Vatnaleið á Snæfellsnesi seinnipart sunnudags. Að sögn lögreglunnar í Stykkishólmi voru meiðsl þeirra ekki alvarleg en bíllinn er mjög illa farinn og talinn ónýtur.

Lofa mikilli aðstoð við Írak

Leiðtogar NATO lofuðu miklum stuðningi við ný stjórnvöld í Írak á fundi sem nú stendur yfir í Istanbul. Leiðtogarnir samþykktu meðal annars að veita hjálp við þjálfun hersveita Íraka. Þá mun NATO íhuga frekari aðgerðir til að auka öryggi Íraka.

Skipið í Straumsvík í skoðun hér

Súrálskipið sem losnaði af standstað út af Straumsvík í gær fer í sérstaka skoðun hér á landi samkvæmt Parísarsamkomulaginu svonefnda um öryggi skipa. Komið er í ljós að það hefur tvisvar verið stöðvað á jafn mörgum árum fyrir að framfylgja ekki samkomulaginu en það nær m.a. til ýmissa öryggisþátta.

Viðskiptahindranir á bjór afnumdar

Þótt ótrúlegt megi virðast er nú verið að að afnema viðskiptahindranir með bjór í Danmörku og færa þá viðskiptahætti til þess sem ríkir í yngsta bjórvædda landi Evrópu, Íslandi.

Tveir vélhjólaökumenn slasast

Tveir ökumenn torfærumótorhjóla slösuðust í gærkvöldi þegar þeir voru að æfa sig. Annars vegar stakkst hjól inn í fyrirstöðu á æfingasvæðinu á Álfsnesi þannig að ökumaður kastaðist fram á stýrið og meiddist á brjósti.

Kona slasast í bílveltu

Þýsk ferðakona slasaðist alvarlega þegar bíll sem hún var í valt út af þjóðveginum sunnan við Húsavík í gærkvöldi. Hún var fyrst flutt ásamt annarri konu úr bílnum á Sjúkrahúsið á Akureyri og síðan með sjúkraflugi á Landspítalann í Reykjavík þar sem hún liggur nú.

Bandarískur gísl tekinn af lífi

Hryðjuverkamenn í Írak hafa tekið bandarískan hermann sem var í gíslingu þeirra af lífi. Sjónvarpsstöðin al-Jazeera greindi frá þessu í gærkvöldi. Sýnt var myndbandsupptaka af manni með bundið fyrir augun en ekki var sýnt þegar maðurinn var skotinn.

Áframhaldandi árásir Ísraela

Enn á ný héldu ísraelskar hersveitir á Gasa-ströndina í nótt og drápu þar Palestínumann. Skriðdrekar og jarðýtur sáust á götum bæjarins Beit Hanoun. Skömmu áður gerðu herþyrlur árás á byggingu upplýsingaskrifstofu sem sögð er tengjast Hamas-samtökunum. Í sömu byggingu eru m.a. CNN, BBC, tyrkneska sjónvarpið og al-Jazeera með skrifstofur.