Að minnsta kosti 20 látnir

Að minnsta kosti tuttugu Írakar létust og fjórir særðust í sprengingu í borginni Falluja í morgun. Vitni segja að fólkið hafi verið statt í húsi sem bandarísk herþyrla hafi gert árás á með þessum afleiðingum. Engin viðbrögð fengust hjá hernámsliðinu þegar eftir þeim var leitað skömmu eftir atburðinn.

Aldrei fleiri útskrifast frá HÍ

Aldrei fyrr í sögu Háskóla Íslands hafa svo margir kandídatar brautskráðst sem í dag. Þeir eru 830 að þessu sinni, þar af eru 604 úr grunnnámi, 135 úr framhaldsnámi, þrír luku doktorsprófi og 91 viðbótarnámi til starfsréttinda. Skólaárið 2003-2004 hafa samtals 1.324 lokið námi við Háskóla Íslands.

Kvennahlaupið ræst klukkan 14

Kvennahlaupið fer fram í dag, fimmtánda árið í röð, og verða fjölmennustu hlaupin í Garðabæ, Mosfellsbæ og Akureyri. Búist er við að 15-20.000 konur taki þátt í hlaupinu. Þátttökugjald er 1000 krónur og fá allar sem taka þátt bol og verðlaunapening.

Leiðtogar ESB ná samkomulagi

Leiðtogar Evrópusambandsríkja náðu í gærkvöld samkomulagi um fyrstu stjórnarskrá sambandsins. Ekki tókst að útnefna næsta forseta framkvæmdastjórnarinnar, sem taka á við af Romano Prodi.

Framkvæmdastjóri NATO býður aðstoð

Framkvæmdastjóri Atlantshafsbandalagsins er reiðubúinn að aðstoða Íslendinga og Bandaríkjamenn við endurskoðun á hlutverki bandaríska hersins á Íslandi. Hann segir þó að málið sé fyrst og fremst í höndum þjóðanna tveggja.

Schröeder segir frekar af sér

Gerhard Schröeder, kanslari Þýskalands, segist frekar segja af sér en að breyta stefnu sinni í efnahagsmálum.

Ástþór afhendir Ólafi áskorun

Ástþór Magnússon, forsetaframbjóðandi, hitti Ólaf Ragnar Grímsson, forseta Íslands, í húsi Ríkisútvarpsins eftir hádegi og afhenti honum bréf með áskorun um að mæta sér í kappræðum. Bréf Ástþórs er stílað á Hans hátign herra forseta Ólaf Ragnar Grímsson.

Pattstaða innan ESB

Pattstaða er innan Evrópusambandsins um það hver eigi að taka við af Romano Prodi sem forseti framkvæmdastjórnar sambandsins. Nú fyrir stundu tilkynnti Chris Patten, utanríkisstjóri Evrópusambandsins, að hann hefði dregið sig í hlé í baráttunni um embættið.

Stór hluti Grafarvogs rafmagnslaus

Stór hluti af Grafarvoginum er rafmagnslaus. Verið er að leita að biluninni í háspennukerfi.

Ítalir gegn umskurði kvenna

Ítalska stjórnin gefur UNICEF, Barnahjálp Sameinuðu þjóðanna, 1,8 milljón evrur til að koma í veg fyrir að kynfæri ungra stúlkna verði afskræmd. Það svarar til 156,5 milljóna króna. Á hverju ári þurfa um 2 milljónir stúlkna að þola slíkar aðgerðir og áætlað er að um 100 milljónir kvenna og stúlkna um allan heim þjáist vegna þeirra.

Jarðskjálftar á Norðurlandi

Jarðskjálftahrina hefur átt sér stað úti fyrir Norðurlandi síðustu daga. Síðan á mánudag hefur hefur Veðurstofan staðsett þar 181 skjálfta, langflesta úti fyrir mynni Eyjafjarðar.

Meistarar í strætisvagnaakstri

Íslenskir strætisvagnabílstjórar unnu norrænu ökuleikniskeppnina þriðja árið í röð. Keppnin fór fram í Ósló í dag. Norðmenn urðu í öðru sæti, Finnar í þriðja, Svíar í fjórða - og Danir lágu í því.

18 þúsund konur í Kvennahlaupinu

Um átján þúsund konur á öllum aldri tóku þátt í afmælishlaupi Kvennahlaupsins í dag á 90 stöðum hérlendis og 15 stöðum erlendis. Samkvæmt fréttatilkynningu er þetta um 12,5% íslenskra kvenna. Elsti þátttakandinn, Guðrún Stefánsdóttir, átti 89 ára afmæli í dag. Kvennahlaupið er 15 ára og segir ÍSÍ að framkvæmdin hafi tekist vel.

Grípa verður í taumana sem fyrst

"Þetta staðfestir það sem vitað hefur verið lengi og margar aðrar kannanir hafa sýnt svipaða niðurstöðu," segir Jóhannes Gunnarsson, formaður Neytendasamtakanna, vegna nýrrar skýrslu Efnahags- og viðskiptastofnunar Evrópu, OECD.

Tryggingasvik

<font face="Helv"> Kona sem keypti sjúkdómatryggingu fær ekki bætur þar sem hún veitti ekki fullnægjandi upplýsingar á umsóknareyðublaði. </font>

Fæstir vilja þjóðstjórn

Rúmlega helmingur þingmanna Likudbandalagsins er andvígur því að mynda þjóðarstjórn með Verkamannaflokknum

Bótakrafa Litháa á hendur ríkinu

Litháinn, sem Hæstiréttur dæmdi í gær að hefði verið ranglega vísað úr landi, hefur í raun verið í nokkurs konar átthagafjötrum síðan. Ekki er ósennilegt að hann eigi bótakröfurétt á hendur íslenska ríkinu.

Enn verið að telja

Fimm vikum eftir forsetakosningar á Filippseyjum liggja úrslitin ekki fyrir.

Dæmdur fyrir kynferðisbrot

Hæstiréttur staðfesti tíu mánaða fangelsisdóm yfir manni sem dæmdur var í héraðsdómi fyrir kynferðisbrot gegn tveimur ungum stúlkum.

Erilsamt hjá lögreglu

Mikill erill hefur verið hjá lögreglunni á Akureyri frá því um miðja vikuna.

Íranir sæta gagnrýni

Alþjóða kjarnorkumálastofnunin skammaði Írana fyrir að veita sér ekki nægilega góðar upplýsingar um kjarnorkuáætlun sína

Brotthvarfi verður flýtt

Brottflutningi landtökumanna frá ísraelskum landnemabyggðum á Gazasvæðinu verður flýtt frá því sem til stóð að sögn ísraelska dagblaðsins Maariv.

Fjögur systkini slösuðust

Fjögur systkini slösuðust eftir að bifreið sem eitt þeirra ók valt á Snæfellsnesvegi skammt vestan við Hítará.

Forsetaembættið ekki pólitískara

Ólafur Ragnar Grímsson, forseti Íslands, segir að hann ætli ekki að gera forsetaembættið pólitískara en áður. Hann segist ekki hafa hannað þá atburðarás sem færði fjölmiðlafrumvarpið í hendur forseta Íslands. Hann segir tal um vanhæfi sitt vegna Norðurljósa ævintýralega vitleysu.

Óljóst með niðurskurð sjúkrahúss

"Það hafa engar ákvarðanir verið teknar að svo stöddu enda öll vinna enn í gangi," segir Magnús Stefánsson, formaður fjárlaganefndar Alþingis, vegna fjárlagafrumvarps ríkisstjórnarinnar fyrir næsta ár.

Frambjóðendur ógna ekki forsetanum

"Það sem verður að líkindum mest spennandi að fylgjast með í þessum kosningum er hversu margir skila auðu," segir Baldur Þórhallsson, dósent í stjórnmálafræði við Háskóla Íslands, vegna komandi forsetakosninga sem fram fara á laugardaginn kemur.

Bandaríkjamenn verði um kyrrt

Colin Powell, varnarmálaráðherra Bandaríkjanna, sagði í útvarpsviðtali við Radio America á föstudag að hryðjuverkamenn hefðu unnið sigur ef bandarískir þegnar sem starfa í Sádi-Arabíu myndu yfirgefa landið.

Voru með fíkniefni

Tveir menn um fertugt voru handteknir á Selfossi eftir að hafa verið stöðvaðir við venjubundið eftirlit um klukkan tvö í fyrrinótt.

Í gæsluvarðhaldi vegna innbrota

Tuttugu ára maður var úrskurðaður í gæsluvarðhald til fimmta júlí að kröfu lögreglunnar á Selfossi vegna fjölda innbrota á Suðurlandi.

Ástþór óánægður með Ólaf Ragnar

Baráttan fyrir komandi forsetakosningar fékk annan og þyngri undirtón þegar forsetaframbjóðendurnir sátu í fyrsta sinn allir saman fyrir svörum í Ríkisútvarpinu í dag.

Fyrsta stjórnarskrá ESB

Leiðtogar Evrópusambandsríkja náðu í gærkvöld samkomulagi um fyrstu stjórnarskrá sambandsins. Ekki tókst að tilnefna næsta forseta framkvæmdastjórnarinnar, sem á að taka við af Romano Prodi, en nú síðdegis sagðist Javier Solana, utanríkismálastjóri Evrópusambandsins, reiðubúinn að taka starfið að sér, yrði til hans leitað. 

Byssu úr El Grillo landað

Köfurum hefur tekist að ná fágætri þriggja tonna byssu af El Grillo sem legið hefur á botni Seyðisfjarðar í sex áratugi.

Leiðtogi al-Kaída látinn

Yfirvöld í Sádi-Arabíu segja að leiðtogi al-Kaída samtakanna í landinu sé einn fjögurra manna sem voru drepnir í skotbardaga í nótt.

18 þúsund konur í Kvennahlaupinu

Kvennahlaup ÍSÍ fagnaði 15 ára afmæli í dag. Um átján þúsund konur á öllum aldri tóku þátt í hlaupinu á meira en 90 stöðum hérlendis og fimmtán stöðum erlendis. Í Garðabæ var mikil og góð stemmning í blíðskaparveðri og var þátttakan best þar, eða um sex þúsund konur sem hlupu.

Reykjavíkurgoðorð verður félag

Reykjavíkurgoðorð varð í dag formlegt félag en það er skipað ásatrúarmönnum sem sagt hafa skilið við Ásatrúarfélagið. Sáttanefnd var skipuð en ef ekki nást sættir við Ásatrúarfélagið verður nýtt félag ásatrúarmanna stofnað og opinberrar rannsóknar óskað á fjárreiðum Ásatrúarfélagsins.

Kona fannst látin í Fossvogi

Eldri kona fannst látin í fjörunni í Fossvogi um klukkan þrjú eftir hádegi í gærdag. Þegar blaðið fór í prentun í gærkvöldi hafði ekki tekist að bera kennsl á hina látnu.

NATO hefur ekkert hlutverk í Írak

Atlantshafsbandalagið hefur ekkert hlutverk í Írak, nema lögbundin ríkisstjórn í Íraks óski sjálf eftir því. Þetta segir framkvæmdastjóri bandalagsins, sem kom til landsins í gær, og átti fund með íslenskum stjórnvöldum.

Sundlaugarpartý á vegum öryrkja

Um hundrað manns komu í sundlaugarpartý í Hátúni í dag sem haldið var á vegum Sjálfsbjargar og Hins hússins. Gleðskapurinn er hluti af átaki sem nokkur ungmenni standa fyrir í sumar og er ætlað að bæta ímynd öryrkja.

Ekkert afsakar framhjáhaldið

"Ég held ég hafi gert þetta af þeirri verstu ástæðu sem til er - vegna þess að ég gat það," sagði Bill Clinton í viðtali við CBS sjónvarpsstöðina um framhjáhald sitt með Monicu Lewinsky sem á tíma ógnaði stöðu hans sem forseta.

Átta af tíu lokaársnemum féllu

Lektor við Tækniháskóla Íslands hefur sent menntamálaráðherra bréf þar sem hann greinir frá þeirri ákvörðun rektors háskólans að skipa rannsóknarhóp sérfræðinga til að "fara ofan í saumana á prófum, prófsyfirferð, samræmi milli námskeiðs og prófa og fleiru sem þurfa þykir."

Hátt eftirlitsgjald veldur óánægju

Fasteignasalar eru óánægðir með hátt eftirlitsgjald sem þeim verður gert að greiða með gildistöku nýrra laga um fasteignasölur. Formaður Félags fasteignasala segir of mikið gert úr valdasviði nýrrar eftirlitsnefndar, en fagnar tilkomu laganna.

Ekki sátt innan ESB

Eftir að hafa setið í tólf stundir á fundi gáfust leiðtogar Evrópusambandsríkjanna upp á að reyna að ná samkomulagi um nýjan forseta framkvæmdastjórnar sambandsins. Þeim tókst ekki heldur að ná samkomulagi um nýja, evrópska stjórnarskrá en drög að henni lágu fyrir fundi leiðtoganna.

Eldur í Firðinum

Fjölmennt slökkvilið frá fjórum stöðvum slökkviliðsins á höfuðborgarsvæðinu var sent að verslunarmiðstöðinni Firðinum í miðbæ Hafnarfjarðar um klukkan níu í gærkvöld af ótta við að eldur, sem þar hafði verið kveiktur, kynni að ná mikilli útbreiðslu.

Forseti fagnar ummælum Vigdísar

Ólafur Ragnar Grímsson forseti segist í viðtali við DV fagna því að Vigdís Finnbogadóttir, forveri sinn í forsetaembætti, skuli telja málskotsréttinn svo vakandi og sterkan að hún lýsi því nú yfir að hún hefði beitt honum í Kárahnjúkamálinu.

Grípa hefði mátt inn í

Skýrsla rannsóknarnefndar, sem kannaði hryðjuverkaárásirnar á Bandaríkin þann 11. september 2001, dregur í efa nánast allar fullyrðingar stjórnvalda vestanhafs um tildrög hryðjuverkanna og viðbrögð við þeim.