Szoboszlai fram­lengir samninginn við Liverpool

Hinn 25 ára gamli Szoboszlai hefur ákveðið að halda kyrru fyrir á Anfield og taka slaginn með nýja stjóranum, Spánverjanum Andoni Iraola. Næsta tímabil verður hans fjórða hjá Liverpool en Szoboszlai kom til félagsins frá RB Leipzig sumarið 2023.

Á síðasta tímabili sprakk Szoboszlai út og var að margra mati besti leikmaður Liverpool, þegar hann skoraði 13 mörk og gaf 12 stoðsendingar í 53 leikjum þrátt fyrir að þurfa oft að spila sem hægri bakvörður.

Á fyrsta tímabilinu hjá Liverpool varð Szoboszlai deildabikarmeistari, á öðru tímabilinu varð hann Englandsmeistari en Liverpool vann engan titil á síðasta tímabili.

Stuðningsmenn Liverpool óttuðust að hann færi sömu leið og Trent Alexander-Arnold og Ibrahima Konate, frítt til Real Madrid þegar samningur hans rynni út næsta sumar. Ljóst er að ekkert verður af því.