Loka Breið­holts­braut alla helgina

Í fréttatilkynningu þess efnis segir að að steypuvinnu lokinni þurfi mögulega að takmarka umferð um Breiðholtsbraut. Nánari tímasetningar verði tilkynntar síðar en umferð verði stjórnað af starfsmönnum verktaka.

Hámarkshraði um framkvæmdasvæðið hafi verið lækkaður í 30 kílómetra á klukkustund á meðan unnið er við brúna.

Þegar umferð verður hleypt undir brúna á ný verði hæðartakmarkanir fyrst um sinn fjórir metrar, á meðan steypan er að ná styrk. Eftir það verði hámarksfarmhæð 4,2 metrar samkvæmt reglugerð.

Afar mikilvægt sé að verktakar og flutningsaðilar virði hæðartakmarkanir.

„Vegagerðin biðst velvirðingar á þeim óþægindum sem steypuvinnan hefur í för með sér. Vegfarendur eru beðnir um að sýna tillitssemi og þolinmæði meðan á framkvæmdum stendur.“