Tæp­lega þúsund manns inn­lyksa á Everest

Um er að ræða göngugarpa og ferðafólk sem dvöldu á tjaldsvæði á austanverðu fjallinu sem er tæpum fimm kílómetrum yfir sjávarmáli. Gríðarmikil snjókoma hófst á föstudagskvöld og var snjóþunginn svo mikill að hann lokaði göngustígum sem liggja frá tjaldsvæðinu niður fjallið. 

Hundruð íbúa í nærliggjandi þorpum og björgunarsveitir hafa verið kölluð út til að greiða leið göngugarpanna. Í umfjöllun BBC, sem hefur eftir kínverskum fjölmiðlum, segir að nú þegar hafi nokkrum ferðamönnum verið bjargað af fjallinu.

Einhver tjöld hafa fallið vegna snjókomunnar og þjást einhverjir af ofkælingu.