Heldur ekki á­fram með Leicester

Hollendingurinn tók við störfum í nóvember síðastliðnum þegar Steve Cooper var látinn fara og skrifaði þá undir samning til ársins 2027.

Undir hans stjórn vann Leicester hins vegar aðeins fjóra leiki, þar af voru tveir sigurleikir eftir að Leicester var fallið, gegn Ipswich og Southampton sem féllu líka. Liðið var í sextánda sæti þegar van Nistelrooy tók við en endaði í sautjánda sæti.

Versti kaflinn í stjóratíð van Nistelrooy var frá desember til apríl, þegar Leicester tapaði níu leikjum í röð án þess að skora mark.

Óvíst er hver tekur við starfinu hjá Leicester, sem hefur nú látið tvo þjálfara fara á innan við ári eftir að Enzo Maresca fór frá félaginu.

Undirbúningstímabilið hjá Leicester hefst formlega næsta mánudag og aðstoðarþjálfarar aðalliðsins munu stýra æfingum fyrst um sinn, segir í tilkynningu Leicester.