Erlent

Heilsu páfans hrakar skyndi­lega

Sólrún Dögg Jósefsdóttir skrifar
Beðið er fyrir heilsu Frans páfa, 88 ára, á hverju kvöldi víða á Ítalíu. 
Beðið er fyrir heilsu Frans páfa, 88 ára, á hverju kvöldi víða á Ítalíu.  EPA

Heilsu Frans páfa, sem dvalið hefur á sjúkrahúsi í tvær vikur vegna lungnabólgu í báðum lungum, hrakaði skyndilega í gærkvöldi þegar hann fór að glíma við öndunarerfiðleika. 

Í tilkynningu sem Páfagarður sendi frá sér í gærkvöldi segir að ástand hans hafi versnað eftir að hann fékk berkjukrampa og fór í framhaldinu að kasta upp. Hann hafi stuðst við súrefnisbúnað síðan. 

Guardian hefur eftir embættismanni Páfagarðs að ástand Páfans hafi síðar batnað og einn til tveir sólarhringar séu þar til læknar geti sagt til um hvaða áhrif atvikið mun hafa á heilsu Frans í framhaldinu.

Páfagarður sendi frá sér aðra tilkynningu í morgun þar sem segir að nóttin hafi verið friðsæl hjá páfanum, sem dvelur enn á sjúkrahúsi. Ekki er vitað hversu löng sjúkrahúsdvöl hans verður en fyrir liggur að hann verður fjarverandi fyrstu guðsþjónustu lönguföstu á miðvikudaginn. 

Páfagarður Trúmál

Tengdar fréttir

Frans páfi með lungnabólgu í báðum lungum

Frans páfi er með lungnabólgu í báðum lungum og er ástand hans sagt „flókið.“ Páfinn hefur þjáðst af öndunarfærasýkingu í rúmlega viku og var hann lagður inn á spítala í Róm á föstudaginn vegna einkenna berkjabólgu.

Páfinn sendir frá sér yfirlýsingu

Frans páfi hefur sent frá sér yfirlýsingu vegna veikinda sinna. Þar segist hann hafa trú á meðferðinni sem hann nú hlýtur á sjúkrahúsi í Róm.

Mest lesið


Fleiri fréttir

Sjá meira


×

Mest lesið