Segja að Haaland og fé­lagar fái gjafapakka frá FIFA

Nú lítur út fyrir að Alþjóða knattspyrnusambandið ætli að hjálpa þeim norsku inn á HM í Bandaríkjunum, Mexíkó og Kanada sem fer fram sumarið 2016.

Norsku fjölmiðlarnir, eins og VG, slá því hreinlega upp í kvöld að norska landsliðið hafi fengið gjafapakka frá FIFA.

Það er mikil pressa á norska landsliðinu að komast loksins á stórmót enda með frábæra leikmenn eins og Erling Braut Haaland og Martin Ödegaard innan borðs.

Gjafapakkinn snýr að reglum tengdum drættinum fyrir undankeppni HM 2026 en hann fer fram 13. desember næstkomandi.

FIFA hefur ákveðið að Norðmenn verði í fimm liða riðli en ekki í sex liða riðli. Það þýðir að þeir lenda ekki í riðli með þeim þjóðum sem komast í úrslit Þjóðadeildarinnar.

Liðin sem taka þátt í úrslitakeppni Þjóðadeildarinnar eru upptekin í sumar þegar þjóðir í fimm liða riðlum eru að spila í undankeppninni. Þau eru því fjögurra þjóða riðli.

Átta liða úrslitin í Þjóðadeildinni fara fram í mars og þá kemur í ljós hvaða fjórar þjóðir verða í minni riðlum.

Það verða fjórar af eftirtöldum þjóðum; Portúgal, Frakkland, Þýskaland, Spánn, Króatía, Ítalía, Holland og Danmörk.

Norðmenn eru í öðrum styrkleikaflokki og lenda því ekki í riðli með þeim þjóðum sem fara alla leið.

Mestar líkur eru á því að Norðmenn lendi í riðli með Englandi, Austurríki, Sviss eða Belgíu úr fyrsta styrkleikaflokknum.