Lið Ísaks og Val­geirs bjargaði stigi á dramatískan hátt

Ísak Bergmann Jóhannesson var í byrjunarliði Düsseldorf sem var undir, 1-2, þegar fimm mínútur voru komnar fram yfir venjulegan leiktíma. Þá skoraði Jona Niemiec og tryggði heimamönnum jafntefli.

Valgeir Lunddal Friðriksson, sem er nýgenginn í raðir Düsseldorf, kom inn á sem varamaður þegar tuttugu mínútur voru eftir. Düsseldorf er með fjórtán stig á toppi deildarinnar.

Jón Dagur Þorsteinsson kom inn á sem varamaður í hálfleik þegar Hertha Berlin sigraði Nürnberg, 0-2, á útivelli. Þetta var þriðji leikur hans fyrir liðið eftir að hann kom frá Leuven í Belgíu.

Hertha Berlin hefur unnið þrjá af síðustu fjórum leikjum sínum og er í 7. sæti deildarinnar.