Andri nýr al­þjóða­full­trúi for­sætis­ráðu­neytisins

Andri tekur við af Sesselju Sigurðardóttur sem hefur tekið við embætti skrifstofustjóra á laga- og stjórnsýsluskrifstofu utanríkisráðuneytisins.

Í tilkynningu kemur fram að Andri hefur undanfarin sex ár verið einn af aðstoðarframkvæmdastjórum EFTA, Fríverslunarsamtaka Evrópu. Þar áður stýrði hann meðal annars upplýsingadeild utanríkisráðuneytisins, samræmdi stefnu stjórnvalda vegna útgöngu Breta úr ESB og EES, starfaði hjá sendiráði Íslands í Brussel, var ritari þingmannanefndar EFTA/EES hjá EFTA-skrifstofunni í Brussel og var um árabil alþjóðaritari á skrifstofu Alþingis.

Andri er með meistaragráðu í alþjóðastjórnmálum frá Háskólanum í Kent og BA-próf í stjórnmálafræði frá Háskóla Íslands.