Fótbolti

Juventus í bikar­úr­slit þrátt fyrir tap

Runólfur Trausti Þórhallsson skrifar
Leikmenn Juventus fagna.
Leikmenn Juventus fagna. EPA-EFE/ETTORE FERRARI

Lazio lagði Juventus 2-1 í síðari leik liðanna í undanúrslitum ítölsku bikarkeppni karla í fótbolta. Juventus vann hins vegar fyrri leikinn 2-0 og einvígið því 3-2.

Taty Castellanos kom Lazio yfir eftir undirbúning Luis Alberto á 12. mínútu leiksins. Þeir voru aftur að verki á 48. mínútu og Lazio allt í einu á leið í úrslit. Það voru hins vegar tveir varamenn sem björguðu leiknum fyrir Juventus.

Á 83. mínútu skoraði Arkadiusz Milik eftir undirbúning Timothy Weah. Staðan orðin 2-1 og þar við sat.

Juventus mætir annað hvort Fiorentina eða Atalanta í úrslitum. Fyrrnefnda liðið leiðir sem stendur 1-0 eftir fyrri leikinn en liðin mætast að nýju annað kvöld, miðvikudag.

Fótbolti Ítalski boltinn

Mest lesið


Fleiri fréttir

Sjá meira


×

Mest lesið