Vala Hauks­dóttir hlaut Ljóðstaf Jóns úr Vör

Vala Hauksdóttir er fædd árið 1992, starfar sem verkefnastjóri hjá Markaðsstofu Suðurlands og stundar meistaranám í ritlist við Háskóla Íslands. Hún er menntuð í ferðamálafræði við Háskóla Íslands og Háskólann í Limerick í Írlandi.

Önnur verðlaun hlaut Elísabet Dröfn Kristjánsdóttir fyrir ljóðið Skyggnishnignun og þriðju verðlaun hlaut Ragnheiður Harpa Leifsdóttir fyrir ljóðið Deig.

Þar að auki hlutu sex ljóð sérstaka viðurkenningu dómnefndar: Í móðurkviði eftir Draumeyju Aradóttur, Straumönd eftir Elínu Elísabetu Einarsdóttur, Stríðsyfirlýsing eftir Höllu Þórðardóttur, Fálæti og Legið yfir gögnum eftir Jón Knút Ásmundsson og Segðu mér eitthvað fallegt eftir Ragnar Jónasson.

Alls bárust 270 ljóð í keppnina í ár en ljóðin mega ekki hafa birst áður og skulu send inn undir dulnefni höfundar. Dómnefnd skipuðu Kristín Svava Tómasdóttir (formaður), Þórdís Helgadóttir og Þórður Sævar Jónsson.

Úrslit í Ljóðasamkeppni grunnskóla Kópavogs

Við sama tilefni voru veitt verðlaun í Ljóðasamkeppni grunnskóla Kópavogs og var dómnefnd sú sama. Þar hlaut fyrstu verðlaun Alexander Aron Jörgensson í 10. bekk í Lindaskóla fyrir ljóðið Appelsínur en hann hlaut einnig fyrstu verðlaun í sömu keppni fyrir ári síðan. 

Önnur verðlaun hlaut Inga Bríet Valberg í 5. bekk í Snælandsskóla fyrir ljóðið Ég og hún og þriðju verðlaun hlaut Sigurlín Viðarsdóttir í 10. bekk í Lindaskóla fyrir ljóðið Mjöll, Fönn og Drífa.

Sérstakar viðurkenningar hlutu þau Angelo Mikael Korale Arachchige, 9. bekk í Lindaskóla fyrir ljóðið Batmann; Evelina Sóley Arthur, 7. bekk í Kársnesskóla fyrir ljóðið Fuglaljóð; Elsa Hlín Sigurðardóttir, 9. bekk í Lindaskóla fyrir ljóðið Sumarið; Ríkharður Óli Brynjarsson, 10. bekk í Lindaskóla fyrir ljóðið Að vera ég; Sóldís Anahita Shahsafdari, 6. bekk í Álfhólsskóla fyrir ljóðið Úti og Alexander Aron Jörgensson fyrir ljóðið Í öðrum heimi.

Sigurljóð Ljóðstafs Jóns úr Vör 2024

Hér fyrir neðan má sjá sigurljóðið Verk að finna eftir Völu Hauksdóttur.