Erlent

John­son vildi láta sprauta sig með Covid-19 í beinni

Árni Sæberg skrifar
Boris Johnson sagði ýmislegt þegar hann var forsætisráðherra Bretlands.
Boris Johnson sagði ýmislegt þegar hann var forsætisráðherra Bretlands. EPA/Chris J. Ratcliffe

Boris Johnson, þáverandi forsætisráðherra Bretlands, vildi láta sprauta sig með Covid-19 í beinni útsendingu í sjónvarpi í árdaga heimsfaraldurs kórónuveiru.

Þetta kom fram í vitnisburði Lister lávarðar, sem var um lengri tíma háttsettur aðstoðarmaður Johnsons í ýmsum embættum hans, fyrir Covid-rannsóknarnefndinni, sem rannsakar nú viðbragð breskra yfirvalda við faraldrinum.

„Hann stakk upp á því við háttsetta embættismenn og ráðgjafa að hann yrði sprautaður með Covid-19 i sjónvarpi til þess að sýna almenningi að sjúkdómurinn væri skaðlaus,“ hefur breska ríkisútvarpið eftir honum.

Á þeim tíma hafi ekki verið litið á sjúkdóminn sem svo alvarlegan og í raun reyndist. Ummæli Johnsons hafi verið látin falla í hálfkæringi í hita leiksins.

Þá staðfesti Lister einnig fyrir nefndinni að Johnson hefði sagst vilja „leyfa líkunum að hrannast upp“ frekar en að skella á allsherjarsamkomutakmörkunum á ný. Greint var frá því árið 2021 að Johnson hefði látið hafa það eftir sér en hann hefur alla tíð neitað því staðfastlega

Bretland Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið