Fótbolti

Valur skrefi nær Meistaradeildinni

Hjörtur Leó Guðjónsson skrifar
Ásdís Karen Halldórsdóttir skorað annað mark Vals.
Ásdís Karen Halldórsdóttir skorað annað mark Vals. Vísir/Hulda Margrét

Valur vann í dag mikilvægan 2-1 sigur er liðið mætti tyrkneska liðinu Fomget GSK í forkeppni Meistaradeildar kvenna.

Það var Þórdís Elva Ágústsdóttir sem kom Valskonum yfir á 28. mínútu leiksins áður en Ásdís Karen Halldórsdóttir tvöfaldaði forystu liðsins fimm mínútum síðar og Valur fór því með 2-0 forystu inn í hálfleikshléið.

Birgül Sadikoglu minnkaði þó muninn fyrir tyrkneska liðið snemma í síðari hálfleik. Nær komst Formet þó ekki og niðurstaðan varð 2-1 sigur Vals.

Valskonur eru því komnar í úrslit fyrstu umferðar forkeppni Meistaradeildar Evrópu þar sem liðið mætir annað hvort Vllaznia frá Albaníu eða Hajvalia frá Kósovó laugardaginn 9. september. Vllaznia og  Hajvalia eigast við síðar í dag.

Meistaradeild Evrópu í fótbolta kvenna Valur

Mest lesið


Fleiri fréttir

Sjá meira


×

Mest lesið