Ísak Andri skoraði í stórsigri Norrköping

Ísak Andri var í byrjunarliði Norrköping í dag en hann gekk til liðs við liðið um miðjan júlí og hefur komið við sögu í þremur deildarleikjum liðsins síðan í dag.

Leikurinn í dag var gegn neðrideildarliðinu Lucksta og vann Norrköping öruggan 6-0 sigur. Ísak Andri skoraði þriðja mark liðsins á 72. mínútu. Hann var síðan tekinn af velli þremur mínútum síðar. Ari Freyr Skúlason var einnig í byrjunarliði Norrköping í dag, lék allan leikinn og bar fyrirliðabandið. Arnór Ingvi Traustason var ekki í leikmannahópnum.

Aron Bjarnason byrjaði í liði Sirius sem mætti Österåker á útivelli. Sirius vann sömuleiðis öruggan 6-0 sigur og Aron spilaði allan leikinn fyrir gestina. Sirius var komið í 4-0 forystu í fyrri hálfleik og sigur liðisins aldrei í hættu.