Erlent

Kína ætlar að koma fólki á tunglið

Máni Snær Þorláksson skrifar
Kína setur stefnuna á tunglið.
Kína setur stefnuna á tunglið. EPA/Cati Cladera

Kínversk yfirvöld opinberuðu í dag áform sín um mannaða ferð til tunglsins. Gert er ráð fyrir að koma fólki á tunglið fyrir árið 2030.

Síðasta mannaða ferð til tunglsins var farin í desember árið 1972, þegar Apollo 17 fór þangað. Í þeirri ferð voru þrír bandarískir geimfarar, Eugene Cernan, Harrison Schmitt og Ronald Evans. Einungis Bandaríkjamenn hafa farið til tunglsins.

Samkvæmt ríkisfjölmiðlum í Kína eiga geimfararnir að taka sýni og kanna tunglið. Tunglferðin sé hluti af áformum Kína um að koma upp rannsóknarstöð á tunglinu. Kína gerði samkomulag við Rússland um að reisa stöðina árið 2021.

Kína er ekki eina þjóðin sem stefnir á að senda fólk til tunglsins. Bandaríska geimvísindastofnunin NASA er einnig með slík áform. Á næsta ári er reiknað með að senda mannað geimfar í kringum tunglið og aftur til jarðar.

Geimurinn Tunglið Kína
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið