Fótbolti

Napoli vann og endaði með níutíu stig

Smári Jökull Jónsson skrifar
Victor Osimhen skoraði úr víti í dag.
Victor Osimhen skoraði úr víti í dag. Vísir/Getty

Napoli vann sigur í lokaleik sínum í Serie A á tímabilinu. Liðið er fyrir löngu síðan búið að tryggja sér ítalska meistaratitilinn en með sigrinum í dag náði Napoli níutíu stigum á tímabilinu.

Napoli hefur átt frábært tímabil. Liðið stakk öll önnur lið af í ítölsku úrvalsdeildinni og í dag er akkúrat mánuður síðan liðið tryggði sér meistaratitilinn í fyrsta skipti í rúm þrjátíu ár.

Í dag mætti liðið Sampdoria á heimavelli en gestirnir voru nú þegar fallnir niður í Serie B.

Markahrókurinn Victor Osimhen kom Napoli í 1-0 á 64. mínútu þegar hann skoraði úr vítaspyrnu og Giovanni Simeone skoraði annað mark Napoli sex mínútum fyrir leikslok.

Lokatölur 2-0 en fleiri leikir eru á dagskrá í ítölsku deildinni í kvöld og þar ræðst hvort Juventus nái sæti í Evrópudeildinni á næsta tímabili og eins hvort Hellas Verona eða Spezia fylgja Sampdoria og Cremonese niður í Serie B.

Ítalski boltinn

Mest lesið


Fleiri fréttir

Sjá meira


×

Mest lesið