Tíska og hönnun

Fór loksins að taka pláss: „And­stæðan við það sem feitum konum er sagt að gera“

Dóra Júlía Agnarsdóttir skrifar
Íris Svava Pálmadóttir er viðmælandi vikunnar í Tískutali.
Íris Svava Pálmadóttir er viðmælandi vikunnar í Tískutali. Aðsend

„Fyrir nokkrum árum fór mér að vera alveg sama um þessar reglur og fór að klæða mig eins og ég raunverulega vil,“ segir þroskaþjálfinn Íris Svava Pálmadóttir, sem er jafnframt talskona jákvæðrar líkamsímyndar. Hún hélt lengi að hún þyrfti að fela sig með klæðaburði en með aldrinum fór hún að verða óhræddari við að fylgja sínu og skína skært. Íris Svava er viðmælandi vikunnar í Tískutali.

Tískutal er fastur liður á Vísi þar sem rætt er við ólíka einstaklinga um þeirra persónulega stíl og hvernig tíska nýtist þeim í daglegu lífi. Klæðaburður er sannarlega fjölbreytt listform en við fáum að skyggnast inn í ólíka fataskápa og fræðast nánar um það merkilega tjáningarform sem tíska er fyrir hverjum og einum viðmælanda.

Íris Svava býr yfir fjölbreyttum og persónulegum stíl.Aðsend

Hvað finnst þér skemmtilegast við tískuna?

Það sem mér finnst skemmtilegast við tískuna er hvað hún er breytileg og fer stundum heilu hringina. Það er svo gaman að við sem einstaklingar getum tjáð persónuleikann okkar í gegnum tísku. Í mínum augum er tíska huglæg og það er hægt að tjá hana nákvæmlega eins og mann lystir. 

Það er hægt að segja heila sögu án þess að segja orð bara með litavali og klæðaburði.
Íris Svava elskar tjáningarform tískunnar.Aðsend

Hver er uppáhalds flíkin þín og af hverju?

Ég á svo margar fallegar flíkur sem ég elska en það sem kom fyrst upp í hugann minn voru kjólarnir mínir sem ég hef klæðst við hin ýmsu tilefni, til dæmis afmælin mín, útskriftin mín og önnur minnisstæð tilefni. Ég elska kjóla og þá sérstaklega litríka kjóla því það passar vel við persónuleikann minn. Mér finnst bæði þægilegt að vera í kjól og það er svo klæðilegt líka.

Íris Svava elskar litríka kjóla.Aðsend

Hvernig myndirðu lýsa stílnum þínum?

Ég er rosalega þægileg týpa og mér finnst fátt leiðinlegra en að vera í óþægilegum fötum. Þannig að dagsdaglega er ég mjög afslöppuð og klæði mig eftir skapi. Það er svo enginn millivegur myndi ég segja, ég er annað hvort mjög þægilega klædd eða fín. Allt frá mjúkum kósý göllum upp í mjög fína kjóla. Ég á líka mikið af íþróttafötum, eiginlega allt of mikið þar sem ég elska að hreyfa mig. Viðurkenni að ég þyrfti að vera duglegri að nota fínu fötin mín hversdagslega en ekki alltaf að hoppa í íþróttagallann.

Íris Svava elskar að hreyfa sig og á mikið af fínum íþróttafötum.Aðsend

Hefur stíllinn þinn breyst mikið í gegnum tíðina og hvernig þá?

Já hann hefur breyst rosalega. 

Ég hélt lengi að ég þyrfti að klæða mig þannig að fólk sæi ekki að ég væri feit, var aldrei í neinu þröngu eða uppháu svo fólk sæi líkama minn minna. 

Ég keypti föt sem áttu að minnka mig, þá mjög víðar og dökkar flíkur. Samfélagið er með óskrifaðar reglur um hvernig ákveðnar líkamsgerðir eigi að klæða sig og ég vil sýna fram á að það þarf alls ekki að fylgja þessum óskrifuðum reglum. 

Fyrir nokkrum árum fór mér að vera alveg sama um þessar reglur og fór að klæða mig eins og ég raunverulega vil. Ég varð óhrædd við að sýna líkama minn og fór að klæðast uppháum buxum, magabolum, þröngum og litríkum fötum. 

Andstæðan við það sem feitum konum er sagt að gera, ég fór að taka pláss í fyrsta skipti en ekki að fela mig á bak við fötin.
Íris Svava er nú óhrædd við að taka pláss og klæða sig eins og hana langar.Aðsend

Hvaðan sækirðu innblástur í tískunni?

Ég elska konur og hvernig þær tjá sig þegar kemur að tísku. Það eru ótrúlega margar konur sem ég sæki innblástur í og nota Instagram mikið til þess að finna aðrar konur sem eru með svipaða líkamsgerð og ég. 

Það hjálpar mér mikið að sjá þær og spegla mig í leiðinni. Á sama tíma er það alls ekki einskorðað við líkamsgerðir, heldur konur yfir höfuð sem þora að fara sínar eigin leiðir og eru ekki óhræddar við að klæðast því sem þær vilja.
Íris Svava sækir innblástur í fjölbreyttan hóp kvenna sem klæða sig á einstaka vegu.Aðsend

Ertu með einhver boð og bönn þegar það kemur að klæðaburði?

Nei, alls ekki og mér finnst að það ættu ekki að vera neinar reglur þegar kemur að tísku. Ég er svo rosalega opin þegar kemur að því, ég fylgi frekar innsæinu mínu og hvernig mér líður í flíkunum. 

Ég er mjög trú sjálfri mér þegar kemur að einhverju sem mér líkar við og fer ekkert endilega eftir tískutrendum.
Íris Svava er samkvæm sjálfri sér í fatavali og segist ekkert endilega fylgja tískutrendum.Aðsend

Hver er eftirminnilegasta flík sem þú hefur klæðst og af hverju?

Líklegast fjólublái kjóllinn minn frá Hildi Yeoman. Mér finnst hann mjög öðruvísi og sniðið var mjög fallegt.

Yeoman kjóllinn er eftirminnilegur fyrir Írisi Svövu.Aðsend

Býrðu yfir einhverju góðu ráði þegar það kemur að tísku?

Fyrir mér er mikilvægt að líða vel í fötunum mínum og klæðast einhverju sem er valdeflandi. 

Ég skammaðist mín alltaf fyrir línurnar mínar en í dag reyni ég að sýna þær frekar og hvet aðra til þess líka. 

Líka að muna að stærðin á fötunum skilgreinir okkur ekki og mæli ég alltaf með að taka stærðina sem manni líður sem best í. Annars er besta ráðið sjálfstraust, að hlusta á innsæið, klæðast því sem maður fílar sjálfur og þannig geislar af okkur.

Fyrir Írisi Svövu er mikilvægt að líða vel í fötunum og klæðast einhverju sem er valdeflandi.Aðsend

Hér má fylgjast með Írisi Svövu á Instagram. 


Tengdar fréttir

„Í lok dags er fatnaður líka bara rassagardínur“

Dansarinn, fyrirsætan og lífskúnstnerinn Karítas Lotta býr yfir einstökum persónulegum stíl, leikur sér með hann og er óhrædd við að þróa hann. Lotta, eins og hún er gjarnan kölluð, er ekki hrifin af boðum og bönnum og segir það alls ekki sitt að dæma hvernig aðrir tjá sig í gegnum tískuna, þess þá heldur eigi að fagna fjölbreytileikanum. Lotta er viðmælandi vikunnar í Tískutali.

Segir sjálfsöryggið smita út frá sér

Fatahönnuðurinn Rubina Singh segir sjálfsöryggi og gleði vera það allra mikilvægasta þegar það kemur að tískunni. Rubina er alin upp á Akureyri en flutti í höfuðborgina fyrir nokkrum árum og segist hafa týnt sínum persónulega stíl um tíma, sem hún hefur þó blessunarlega endurheimt. Rubina er viðmælandi vikunnar í Tískutali.

„Enn að kynnast nýjum líkama og því hvernig mér finnst best að klæða mig“

Samkvæmisdansarinn, raunveruleikastjarnan og ofur skvísan Ástrós Traustadóttir hefur farið í gegnum ýmis tímabil í tískunni. Í dag er hún nýbökuð móðir og sækir meira í jarðtóna liti en áður ásamt því að vanda vel valið á þeim flíkum sem hún fjárfestir í. Ástrós er viðmælandi vikunnar í Tískutali.

„Myndi ekki vilja láta finna mig dauða í ýmsum flíkum“

Búningahönnuðurinn og listamaðurinn Sylvía Dögg Halldórsdóttir, jafnan þekkt sem Sylvía Lovetank, hefur alla tíð verið samkvæm sjálfri sér í fatavali. Hún segir mikilvægast að hlusta á hjartað þegar það kemur að persónulegum stíl en tíska er órjúfanlegur hluti af lífi hennar og starfi. Sylvía Lovetank er viðmælandi vikunnar í Tískutali.

„Ætlaði sko ekki að falla inn í hópinn“

Tónlistarmaðurinn, stærðfræði séní-inn og lífskúnstnerinn Kjalar söng sig inn í hjörtu þjóðarinnar í Idolinu í vetur þar sem hann hafnaði öðru sæti. Kjalar hefur einnig vakið mikla athygli fyrir einstakan stíl sinn en hann elskar litríkar flíkur og er að eigin sögn duglegur að ögra sér í fatavali. Kjalar er viðmælandi vikunnar í Tískutali.

„Ætlaði sko ekki að falla inn í hópinn“

Tónlistarmaðurinn, stærðfræði séní-inn og lífskúnstnerinn Kjalar söng sig inn í hjörtu þjóðarinnar í Idolinu í vetur þar sem hann hafnaði öðru sæti. Kjalar hefur einnig vakið mikla athygli fyrir einstakan stíl sinn en hann elskar litríkar flíkur og er að eigin sögn duglegur að ögra sér í fatavali. Kjalar er viðmælandi vikunnar í Tískutali.

Reyndi áður fyrr að klæða kynhneigðina af sér

Lífskúnstnernum, tónlistarmanninum og förðunarfræðingnum Úlfari Viktori Björnssyni er margt til lista lagt. Á unglingsárunum var hann að eigin sögn að berjast við innri djöfla og þorði ekki að láta ljós sitt skína en í dag er hann óhræddur við að fara eigin leiðir og vera samkvæmur sjálfum sér. Úlfar Viktor er viðmælandi vikunnar í Tískutali.

Labbaði á tískusýningu komin átta mánuði á leið

Stílistinn og tískuskvísan Karin Arnhildardóttir hefur brennandi áhuga á klæðaburði og reynir alltaf að kaupa flíkur sem endast lengi. Stíllinn hennar hefur breyst svolítið á síðustu árum þar sem hún sækir meira í þægindi, sem hún segir ekki alltaf hafa verið í forgangi hjá sér. Karin er viðmælandi vikunnar í Tískutali.

Myndi frekar vera á tánum en að klæðast gönguskóm

Fyrirsætan Helen Óttarsdóttir hefur gert góða hluti í tískuheiminum og tekið að sér verkefni víða um heiminn. Tískan er órjúfanlegur hluti af starfi hennar og lífi en hún fær gjarnan að heyra að hún sé of fínt klædd fyrir tilefnið og hefur alla tíð neitað að fara í úlpu. Helen er viðmælandi vikunnar í Tískutali.

„Alltaf smá sirkus í mér“

Elísabet Alma Svendsen, eigandi Listval og lífskúnstner mikill, hefur alla tíð haft áhuga á tísku og farið eigin leiðir í persónulegum og einstökum stíl. Meginregla hennar er að líða alltaf vel í því sem hún klæðist. Elísabet Alma er viðmælandi vikunnar í Tískutali.






Fleiri fréttir

Sjá meira


×