„Þeir koma hér trekk í trekk með lygina að vopni“ Máni Snær Þorláksson skrifar 28. mars 2023 18:33 Helga Vala Helgadóttir var á meðal þeirra sem bar af sér sakir dómsmálaráðherra. Vísir/Vilhelm Fjórir nefndarmenn og áheyrnarfulltrúi allsherjar- og menntamálanefndar báru af sér sakir á Alþingi í dag. Þingmennirnir fundu sig knúna til að gera það eftir að dómsmálaráðherra sakaði nefndarmenn og aðra alþingismenn um að þiggja þakklætisvott frá fólki sem hefur fengið íslenskan ríkisborgararétt. Jón Gunnarsson dómsmálaráðherra óskaði eftir því á Alþingi í dag að tengingar einstaklinga á Alþingi, þá sérstaklega innan allsherjar- og menntamálanefndar, við hælisleitendur yrðu skoðaðar. „Var mögulegt að einhverjir hefði komuð að borðinu áður með vinnu við að sinna þeim hælisleitendum sem voru að fá veitingu ríkisborgararéttar? Hafa mönnum borið einhver sérstakur þakklætisvottur fyrir að hafa veitt ríkisborgararétt? Þetta eru kannski atriði sem væri ástæða til þess að fá til skoðunar hjá nefndinni og fá svör við því hvort einhver orðrómur um slíkt hafi við rök að styðjast,“ sagði Jón í ræðu sinni. „Ég er orðin svo leið á þessu“ Alls komu fjórir meðlimir allsherjar- og menntamálanefndar upp í pontu í kjölfar þessara ummæla og báru af sér sakir. Það voru þau Helga Vala Helgadóttir, þingmaður Samfylkingarinnar, Arndís Anna Kristínardóttir Gunnarsdóttir, þingmaður Pírata, Jódís Skúladóttir, þingmaður Vinstri grænna og Eyjólfur Ármannsson. Sigmar Guðmundsson, þingmaður Viðreisnar og áheyrnarfulltrúi nefndarinnar, bar einnig af sér sakir. Fjallað var málið í kvöldfréttum Stöðvar 2: Helga Vala var fyrst til að bera af sér sakir og sagði að sér væri mjög brugðið: „Þetta er slíkur viðbjóður, ég er orðin svo leið á þessu, ég er orðin svo leið á þessum róg frá þingmönnum og ráðherrum Sjálfstæðisflokksins, að ég bara óska eftir því að herra forseti grípi inn í þegar þeir koma hér trekk í trekk með lygina að vopni. Þetta er orðið alveg passlegt. Reyndu að hafa stjórn á þessu liði.“ Arndís Anna fór næst upp í pontu. Hún sagði að „viðurstyggileg orð“ dómsmálaráðherra væru að mörgu leyti ekki svaraverð en að henni hafi hins vegar þótt rétt að bera af sér sakir. „Ég hef aldrei þegið mútur fyrir það að veita fólki ríkisborgararétt frá Alþingi. Aldrei. Og myndi aldrei gera,“ sagði Arndís svo. „Mig langar til þess að spyrja þingmenn meiri hlutans og hæstvirta ráðherra í þessari ríkisstjórn: Hversu lengi ætlið þið að láta þetta ganga yfir ykkur? Svona framkomu? Ég bara spyr. Hvað þarf til? Hvað þarf til?“ Væri stórmannlegt að draga ummælin til baka Sigmar tók til máls á eftir Arndísi og fór fram á að dómsmálaráðherra biðji Allsherjar- og menntamálanefnd afsökunar. Hann sagði að svona lagað ætti ekki að heyrast á Alþingi, raunar ætti enginn að tala með þessum hætti: „Það væri stórmannlegt að koma til baka og draga þessi ummæli til baka. Við getum síðan haldið áfram að tala um hið efnislega varðandi það sem snýr að lögbroti hæstvirts ráðherra. Þessar dylgjur sem hér fóru fram eiga ekki að heyrast hér í ræðustól Alþingis og svona á reyndar ekki nokkur einasti maður að tala, það á enginn að dylgja með svona hætti um samstarfsmenn sína, hvað þá þegar menn eiga sæti í einni af fastanefndum þingsins.“ Jódís var næst og benti á að í nefndinni eru bæði fulltrúar frá minnihlutanum og meirihlutanum. Þó svo að sýn nefndarmeðlima sé ólík þá leggja sig allir fram við að vinna faglega. Hún sagði að orð dómsmálaráðherra væru óboðleg og bar af sér sakir. Að lokum kom Eyjólfur upp í ræðustól. Hann sagðist telja að þetta væri einfaldlega rangt hjá dómsmálaráðherra. Þá sagði hann dómsmálaráðherra hafa þyngt vinnuna í nefndinni „alveg ótrúlega mikið“ þar sem nefndin hefur ekki fengið gögn sem hún á að fá. Þykir leitt að hafa ekki verið skýrari Dómsmálaráðherra hefur nú tjáð sig um ummælin en hann gerir það í færslu sem hann birtir á Facebokk-síðu sinni. „Það var ekki rétt af mér í ræðustól Alþingis að vitna til orðróms sem hefur verið í gangi – enda hef ég ekki lagt slíkt í vana minn,“ segir Jón í færslunni. „Í ræðu minni á þingi vísaði ég til þess orðróms sem hefur verið á kreiki um að tiltekinn þingmaður hafi greitt atkvæði um umsóknir um ríkisborgararétt handa einstaklingum sem hann hafði sinnt hagsmunagæslu fyrir. Þá hafi þingmaður hugsanlega í einhverju tilviki þegið þakklætisvott fyrir aðkomu sína að afgreiðslu mála.“ Jón segist hafa kallað eftir því að umræddur orðrómur yrði skoðaður þar sem að um alvarlegt mál væri að ræða ef hann reynist sannur. Það hafi hins vegar ekki hvarflað að honum að ásaka neinn um að hafa þegið mútur. „Mér þykir leitt að ég hafi ekki orðað þann hluta ræðu minnar nægilega skýrt. Með engum hætti vil ég saka þingmenn um mútuþægni.“ Alþingi Flóttafólk á Íslandi Hælisleitendur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Fjölskylda í norðurljósaleit hrakin á brott af leiðsögumönnum Innlent Ísland að tapa í slagnum um ferðamenn Innlent Íbúar Hlíða velta fyrir sér dularfullum hvelli Innlent Svipar til gamalla óupplýstra rána Innlent Fullkomlega sáttur við ákvörðun sína en útilokar ekkert Innlent Hætt við framboð og vonast eftir þjóðhollum og guðræknum forseta Innlent Hamfaragámur Bónus tryggir kældan mat í neyðarástandi Innlent Vélsleðamaður lenti í snjóflóði Innlent Fleiri fréttir Hjólhýsabyggðin á Laugarvatni og Húsið á Eyrarbakki Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Sjá meira
Jón Gunnarsson dómsmálaráðherra óskaði eftir því á Alþingi í dag að tengingar einstaklinga á Alþingi, þá sérstaklega innan allsherjar- og menntamálanefndar, við hælisleitendur yrðu skoðaðar. „Var mögulegt að einhverjir hefði komuð að borðinu áður með vinnu við að sinna þeim hælisleitendum sem voru að fá veitingu ríkisborgararéttar? Hafa mönnum borið einhver sérstakur þakklætisvottur fyrir að hafa veitt ríkisborgararétt? Þetta eru kannski atriði sem væri ástæða til þess að fá til skoðunar hjá nefndinni og fá svör við því hvort einhver orðrómur um slíkt hafi við rök að styðjast,“ sagði Jón í ræðu sinni. „Ég er orðin svo leið á þessu“ Alls komu fjórir meðlimir allsherjar- og menntamálanefndar upp í pontu í kjölfar þessara ummæla og báru af sér sakir. Það voru þau Helga Vala Helgadóttir, þingmaður Samfylkingarinnar, Arndís Anna Kristínardóttir Gunnarsdóttir, þingmaður Pírata, Jódís Skúladóttir, þingmaður Vinstri grænna og Eyjólfur Ármannsson. Sigmar Guðmundsson, þingmaður Viðreisnar og áheyrnarfulltrúi nefndarinnar, bar einnig af sér sakir. Fjallað var málið í kvöldfréttum Stöðvar 2: Helga Vala var fyrst til að bera af sér sakir og sagði að sér væri mjög brugðið: „Þetta er slíkur viðbjóður, ég er orðin svo leið á þessu, ég er orðin svo leið á þessum róg frá þingmönnum og ráðherrum Sjálfstæðisflokksins, að ég bara óska eftir því að herra forseti grípi inn í þegar þeir koma hér trekk í trekk með lygina að vopni. Þetta er orðið alveg passlegt. Reyndu að hafa stjórn á þessu liði.“ Arndís Anna fór næst upp í pontu. Hún sagði að „viðurstyggileg orð“ dómsmálaráðherra væru að mörgu leyti ekki svaraverð en að henni hafi hins vegar þótt rétt að bera af sér sakir. „Ég hef aldrei þegið mútur fyrir það að veita fólki ríkisborgararétt frá Alþingi. Aldrei. Og myndi aldrei gera,“ sagði Arndís svo. „Mig langar til þess að spyrja þingmenn meiri hlutans og hæstvirta ráðherra í þessari ríkisstjórn: Hversu lengi ætlið þið að láta þetta ganga yfir ykkur? Svona framkomu? Ég bara spyr. Hvað þarf til? Hvað þarf til?“ Væri stórmannlegt að draga ummælin til baka Sigmar tók til máls á eftir Arndísi og fór fram á að dómsmálaráðherra biðji Allsherjar- og menntamálanefnd afsökunar. Hann sagði að svona lagað ætti ekki að heyrast á Alþingi, raunar ætti enginn að tala með þessum hætti: „Það væri stórmannlegt að koma til baka og draga þessi ummæli til baka. Við getum síðan haldið áfram að tala um hið efnislega varðandi það sem snýr að lögbroti hæstvirts ráðherra. Þessar dylgjur sem hér fóru fram eiga ekki að heyrast hér í ræðustól Alþingis og svona á reyndar ekki nokkur einasti maður að tala, það á enginn að dylgja með svona hætti um samstarfsmenn sína, hvað þá þegar menn eiga sæti í einni af fastanefndum þingsins.“ Jódís var næst og benti á að í nefndinni eru bæði fulltrúar frá minnihlutanum og meirihlutanum. Þó svo að sýn nefndarmeðlima sé ólík þá leggja sig allir fram við að vinna faglega. Hún sagði að orð dómsmálaráðherra væru óboðleg og bar af sér sakir. Að lokum kom Eyjólfur upp í ræðustól. Hann sagðist telja að þetta væri einfaldlega rangt hjá dómsmálaráðherra. Þá sagði hann dómsmálaráðherra hafa þyngt vinnuna í nefndinni „alveg ótrúlega mikið“ þar sem nefndin hefur ekki fengið gögn sem hún á að fá. Þykir leitt að hafa ekki verið skýrari Dómsmálaráðherra hefur nú tjáð sig um ummælin en hann gerir það í færslu sem hann birtir á Facebokk-síðu sinni. „Það var ekki rétt af mér í ræðustól Alþingis að vitna til orðróms sem hefur verið í gangi – enda hef ég ekki lagt slíkt í vana minn,“ segir Jón í færslunni. „Í ræðu minni á þingi vísaði ég til þess orðróms sem hefur verið á kreiki um að tiltekinn þingmaður hafi greitt atkvæði um umsóknir um ríkisborgararétt handa einstaklingum sem hann hafði sinnt hagsmunagæslu fyrir. Þá hafi þingmaður hugsanlega í einhverju tilviki þegið þakklætisvott fyrir aðkomu sína að afgreiðslu mála.“ Jón segist hafa kallað eftir því að umræddur orðrómur yrði skoðaður þar sem að um alvarlegt mál væri að ræða ef hann reynist sannur. Það hafi hins vegar ekki hvarflað að honum að ásaka neinn um að hafa þegið mútur. „Mér þykir leitt að ég hafi ekki orðað þann hluta ræðu minnar nægilega skýrt. Með engum hætti vil ég saka þingmenn um mútuþægni.“
Alþingi Flóttafólk á Íslandi Hælisleitendur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Fjölskylda í norðurljósaleit hrakin á brott af leiðsögumönnum Innlent Ísland að tapa í slagnum um ferðamenn Innlent Íbúar Hlíða velta fyrir sér dularfullum hvelli Innlent Svipar til gamalla óupplýstra rána Innlent Fullkomlega sáttur við ákvörðun sína en útilokar ekkert Innlent Hætt við framboð og vonast eftir þjóðhollum og guðræknum forseta Innlent Hamfaragámur Bónus tryggir kældan mat í neyðarástandi Innlent Vélsleðamaður lenti í snjóflóði Innlent Fleiri fréttir Hjólhýsabyggðin á Laugarvatni og Húsið á Eyrarbakki Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Sjá meira