Bardaginn er í veltivigt þar sem kapparnir þurfa að vera 77 kg á vigtinni eða 170 pund. Gunnar var 170 pund en Barberena 171.
Þeir mætast í búrinu í o2-höllinni annað kvöld en bardagi þeirra er þriðji stærsti bardagi kvöldsins.
Þetta verður fyrsti bardagi Gunnars í tæpt ár en Gunnar hafði betur gegn Takashi Sato á sama stað þann 19. mars í fyrra.
Síðustu þrír bardagar Gunnars hafa endað í dómaraákvörðun en hann kláraði andstæðing sinn síðast í desember árið 2018.
