Erlent

Banda­ríkja­for­seti missti stjórn á skapi sínu í sím­tali við Selenskíj

Viktor Örn Ásgeirsson skrifar
MYNDATEXTI
MYNDATEXTI Getty/Makela

Joe Biden Bandaríkjaforseti missti stjórn á skapi sínu þegar hann ræddi við Vólódímír Selenskíj forseta Úkraínu fyrr á árinu. Selenskíj á að hafa beðið Biden um frekari fjárstuðning og er Biden sagður hafa orðið pirraður.

Forsetarnir ræddu saman símleiðis í júní, samkvæmt heimildarmönnum Yahoo. Biden á að hafa verið nýbúinn að veita Úkraínumönnum milljarð bandaríkjadala í styrk, þegar Úkraínuforseti sagði að meira þyrfti til.

Við það er Biden sagður hafa hækkað róminn þó nokkuð og beðið Selenskíj um að sýna þakklæti. Bandaríkjamenn hefðu verið - og væru - duglegir að leggja Úkraínu lið.

Samband forsetanna á aðeins að hafa styrkst við samskiptin, ef marka má heimildarmennina, og þá sérstaklega eftir yfirlýsingu Úkraínuforseta, þar sem hann þakkaði Bandaríkjamönnum fyrir stuðninginn.

Bandaríkin Innrás Rússa í Úkraínu Úkraína
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið