Fótbolti

Hún er þekkt fyrir sín þrumu­skot: Sjáðu frá­bært Meistara­deildar­mark Svövu Rósar

Runólfur Trausti Þórhallsson skrifar
Svava Rós fagnar marki sínu í kvöld.
Svava Rós fagnar marki sínu í kvöld. Instagram@brannkvinner

Svava Rós Guðmundsdóttir skoraði mark Brann í 1-1 jafntefli liðsins gegn Rosengård í einvígi liðanna um sæti í riðlakeppni Meistaradeildar Evrópu. Guðrún Arnarsdóttir gerði sitt besta til að stöðva Svövu Rós en kom engum vörnum við.

Leikið var í Bergen í Noregi og hóf Svava Rós leikinn upp á topp hjá Brann. Um miðbik fyrri hálfleiks fékk hún sendingu inn fyrir vörn gestanna en var í nokkuð þröngu færi hægra megin í teignum. Svava Rós lét það ekki á sig fá og þrumaði boltanum upp í þaknetið og kom heimaliðinu yfir. 

Brann hefur birt markið á Instagram-síðu sinni og sjá má það hér að neðan.

Forysta heimaliðsins entist þangað til á 78. mínútu en þá jafnaði Rosengård metin og lauk leiknum með 1-1 jafntefli. Það er því allt jafnt fyrir síðari leikinn sem fer fram í Svíþjóð eftir viku.




Fleiri fréttir

Sjá meira


×