Erlent

Geimskot Blue Origin misheppnaðist

Samúel Karl Ólason skrifar
Ekki liggur hvað kom fyrir í eldflauginni.
Ekki liggur hvað kom fyrir í eldflauginni.

Sjálfvirkur neyðarbúnaður geimfars Blue Origin fór í gang við misheppnað geimskot fyrirtækisins í dag. Þegar New Shepard eldflaugin sem notuð var til geimskotsins bilaði í 28 þúsund feta hæð og á rúmlega þúsund kílómetra hraða, kviknaði á hreyflum geimfarsins.

Engir menn voru um borð í geimfarinu heldur margvíslegar vísindatilraunir frá Geimvísindastofnun Bandaríkjanna (NASA) og bandarískum háskólum. Svo virðist þó sem að neyðarbúnaðurinn hafi virkað sem skyldi og farmur geimfarsins sé heill.

Búnaðurinn virkar þannig að hreyfill á geimfarinu fer í gang og aðskilur geimfarið frá eldflauginni á skotstundu. Þannig eiga geimför að bjargast ef eldflaugar springa í loft upp.

Geimfarið átti að fara að mörkum andrúmsloftsins og geimsins í um hundrað kílómetra hæð. 

Þetta var í 23. sinn sem New Shepard eldflaug var skotið á loft en Blue Origin, sem er í eigu auðjöfursins Jeff Bezos, hefur sex sinnum skotið mönnum út í geim, rétt svo.

Sjá einnig: William Shatner er elsti geimfari jarðarinnar

Að þessu sinni hafði eldflaugin verið rúma mínútu á lofti þegar bilunin kom upp og neyðarkerfið fór í gang.

Horfa má á alla útsendingu Blue Origin í spilaranum hér að neðan. Hann er stilltur á að byrja þegar geimskotið misheppnaða hefst.

Geimurinn Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið