Enski boltinn

Enginn spretti meira úr spori í gær en Rashford

Óskar Ófeigur Jónsson skrifar
Marcus Rashford fagnar marki sínu fyrir Manchester United á móti Liverpool á Old Trafford í gær.
Marcus Rashford fagnar marki sínu fyrir Manchester United á móti Liverpool á Old Trafford í gær. AP/Dave Thompson

Manchester United vann ekki bara fyrsta sigur tímabilsins og sigur á erkifjendum í Liverpool í gær því liðið endurheimti líka hinn rétta Marcus Rashford. Eftir eintóm vandræði síðustu misseru fengu stuðningsmenn United að sjá kappann í stuði á ný.

Rashford átti mjög góðan leik og skoraði seinna mark United liðsins í leiknum.

Síðustu ár hafa verið Rashford erfið enda mikið meiddur og út takti fyrir framan markið þegar hann hefur spilað.

Liverpool liðið átti aftur á móti í miklum vandræðum með hann í leiknum í gær.

Enginn átti fleiri skot að marki á vellinum og enginn tók heldur fleiri spretti.

Alls átti Rashford 23 spretti á Old Trafford í gær og með því skapaði hann mikil vandræði fyrir vörn Liverpool.

Markið hans var hans fyrsta á tímabilinu og það fyrsta í ensku úrvalsdeildinni síðan 22. janúar eða í fimmtán leikjum.

Erik ten Hag ætlar augljóslega að veðja á þennan 24 ára gamla framherja en Rashford spilaði allar níutíu mínúturnar í fyrstu tveimur leikjunum þótt að þeir hafi ekki farið vel.

Rashford fékk traustið og það leit út fyrir það í gær að hann væri búinn að finna taktinn á ný og geti nú sýnt hvað gerði hann að einum mest spennandi leikmanni í enska fótboltanum fyrir nokkrum árum.




Fleiri fréttir

Sjá meira


×