Enski boltinn

Rúnar Alex aftur að láni frá Arsenal

Sindri Sverrisson skrifar
Rúnar Alex Rúnarsson leikur næst í Tyrklandi.
Rúnar Alex Rúnarsson leikur næst í Tyrklandi. vísir/Hulda Margrét

Rúnar Alex Rúnarsson hefur verið lánaður frá enska knattspyrnufélaginu Arsenal, líkt og á síðustu leiktíð. Að þessu sinni fer hann til tyrkneska félagsins Alanyaspor.

Félagaskiptavéfréttin Fabrizio Romano staðfestir það á Twitter að lánssamningur sé í höfn og að Rúnar Alex verði því markvörður Alanyaspor fram í júní á næsta ári.

Rúnar Alex var keyptur til Arsenal sumarið 2020 og varð fyrstur íslenskra markvarða til að spila í ensku úrvalsdeildinni þegar hann lék einn leik þá um haustið. 

Á síðustu leiktíð var hann lánaður til belgíska liðsins OH Leuven en nú hefur Alanyaspor, sem varð í 5. sæti tyrknesku úrvalsdeildarinnar á síðustu leiktíð, tryggt sér krafta KR-ingsins.

Hinn 22 ára gaml Yusuf Karagöz hefur varið mark Alanyaspor í fyrstu tveimur umferðum tyrknesku úrvalsdeildarinnar nú í haust og fengið á sig fimm mörk en liðið er þó komið með fjögur stig.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.