Fótbolti

Ensku stelpurnar fá jafnmikið fyrir EM-gullið og Ronaldo fær á hverjum degi

Óskar Ófeigur Jónsson skrifar
 Leah Williamson, fyrirliði enska landsliðsins, fagnar í leikslok eftir að enska landsliðið hafði tryggt sér Evrópumeistaratitilinn.
 Leah Williamson, fyrirliði enska landsliðsins, fagnar í leikslok eftir að enska landsliðið hafði tryggt sér Evrópumeistaratitilinn. Getty/Thor Wegner

Ensku landsliðkonurnar tryggðu þjóð sinni sögulegan sigur þegar England vann 2-1 sigur á Þýskalandi í úrslitaleik EM í fótbolta.

Þetta var fyrsti titil ensks fótboltalandsliðs frá árinu 1966 og í fyrsta sinn sem enska kvennalandsliðið vinnur stórmót.

Leikmenn enska landsliðsins fá 55 þúsund pund í bónusgreiðslu fyrir að færa þjóð sinni EM-gullið eða níu milljónir í íslenskum krónum.

Til að setja þá upphæð í samhengi þá er það jafnmikið og Cristiano Ronaldo fær borgað frá Manchester United á hverjum degi.

Ronaldo færi 380 þúsund pund í vikulaun hjá United.

Þessi bónusgreiðsla stelpnanna er líka lítið í samanburði við það sem karlalandsliðið fékk í fyrra.

Leikmenn Southgate í enska landsliðinu fengu 300 þúsund pund fyrir að komast í úrslitaleik EM og hefðu fengið 460 þúsund ef þeir hefðu unnið Evrópumeistaratitilinn. Það eru 76,4 milljónir í íslenskum krónum.




Fleiri fréttir

Sjá meira


×