Íslenski boltinn

Sjáðu Blika klára Skagamenn á níu mínútna kafla

Óskar Ófeigur Jónsson skrifar
Damir Muminovic fagnar skallamarki sínu en hann kom Blikum yfir í leiknum með þessu mikilvæga marki.
Damir Muminovic fagnar skallamarki sínu en hann kom Blikum yfir í leiknum með þessu mikilvæga marki. Visir/ Diego

Breiðablik lenti undir á móti botnliði Skagamönnum í Bestu deild karla í gær en toppliðið snéri leiknum við með þremur mörkum á níu mínútna kafla í seinni hálfleiknum.

Breiðablik vann 3-1 sigur á ÍA í fimmtándu umferðinni og er þar með níu stiga forskot á toppi deildarinnar en Skagamenn eru áfram í botnsætinu. Blikrnir hafa unnið tólf af fimmtán deildarleikjum sínum í sumar.

Gísli Laxdal Unnarsson kom Skaganum i 1-0 eftir 54 markalausar mínútur en Blikar svöruðu með þremur mörkum frá 62. til 71. mínútu en þau skoruðu Kristinn Steindórsson, Damir Muminovic og Ísak Snær Þorvaldsson.

Ísak Snær var að skora sitt tólfta mark í Bestu deildinni í sumar og er hann nú einn markahæstur með einu marki meira en Framarinn Guðmundur Magnússon.

Hér fyrir neðan má sjá mörkin fjögur úr leiknum í gær.

Klippa: Mörkin úr leik Breiðabliks og ÍA



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.