Bíó og sjónvarp

Tárin féllu þegar Nágrannar kvöddu

Tryggvi Páll Tryggvason skrifar
Nágrannar eru úr sögunni.
Nágrannar eru úr sögunni. Fremantle/Ray Messner

Búið er að taka upp síðasta atriðið í áströlsku sápuóperunni Nágrönnum sem eru að hætta eftir 37 ár í sjónvarpi. Tárin féllu þegar Nágrannanir sögðu bless.

Tilkynnt var um það fyrr á árinu að framleiðslufyrirtæki þáttanna sæi sér ekki fært að halda framleiðslu þeirra áfram.

Ekki náðust samningur um áframhaldandi sýningu þáttanna í Bretlandi, þaðan sem meirihluti þess fjármagns sem þarf til að framleiða þáttana kemur.

Leikararnir deildu hópmynd sem tekin var eftir að síðasta atriðið hafði verið tekið upp. Myndin er tekin í settinu sem er heimili hjónanna Karl og Susan Kennedy, sem hafa verið miðpunktur þáttanna síðan á tíunda áratug síðustu aldar.

Á myndinni má sjá nokkra góðkunningja þáttanna, þar á meðal Harold Bishop, sem leikinn er af Ian Smith. Hann er einn margra leikara sem leikið hafa stórt hlutverk í þáttunum og munu birtast í þáttunum er þeir renna sitt skeið á enda.

Síðasti þátturinn verður sýndur í Ástralíu í ágúst. Þættirnir hafa verið sýndir á Íslandi á Stöð 2 og eru þeir sýndir hér fjórum til sex mánuðum á eftir frumsýningu þáttanna í Ástralíu.

Stjórstjörnurnar Jason Donovan og Kylie Minogue, sem stigu sýn fyrstu skref í þáttunum, munu snúa aftur í lokaþáttunum, sem munu snúast um að heiðra sögu þáttanna.

Jason Herbison, framleiðandi þáttanna, segir að síðustu skrefin hafi verið erfið.

„Við vissum öll að þessi dagur myndi koma. Það var hins vegar ekki fyrr en að við tókum upp síðasta atriði þegar við áttuðum okkur á tilfinningunum,“ sagði Herbison.

„Auðvitað er þetta erfitt og tárin féllu. En við erum líka gríðarlega stolt. Að framleiða þátt í 37 ár er magnað afrek og eitthvað sem við ættum að fagna.“


Tengdar fréttir

Kylie Minogue snýr aftur í Nágranna

Kylie Minogue mun snúa aftur í Nágranna eftir meira en þrjátíu ára fjarveru áður en framleiðslu þáttanna verður hætt í sumar. Jason Donovan, sem lék unnusta Kylie í þáttunum, snýr einnig til baka.

Framtíð Nágranna í mikilli hættu

Óvíst er hvort að framleiðslu áströlsku sápuóperunnar vinsælu Nágranna verði haldið áfram. Sjónvarpsstöðin sem borgar brúsann fyrir framleiðslu þáttanna hefur ákveðið að skrúfa fyrir kranann.

Stað­festa að fram­leiðslu Ná­granna verður hætt í júní

Framleiðslu áströlsku sjónvarpsþáttanna Nágranna, eða Neighbours, verður hætt í júní næstkomandi. Þættirnir hafa verið í framleiðslu í heil 37 ár, en framleiðslufyrirtækinu Fremantle hefur ekki tekist að finna nýja breska sjónvarpsstöð til að fjármagna framleiðsluna eftir að Channel 5 tilkynnti að stöðin myndi draga sig úr framleiðslunni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.