Enski boltinn

Chelsea fær Evrópu­meistara

Runólfur Trausti Þórhallsson skrifar
Kadeisha Buchanan fagnar sigri Lyon í Meistaradeild Evrópu ásamt Söru Björk Gunnarsdóttur.
Kadeisha Buchanan fagnar sigri Lyon í Meistaradeild Evrópu ásamt Söru Björk Gunnarsdóttur. EPA-EFE/ALESSANDRO DI MARCO

Kadeisha Buchanan hefur skrifað undir þriggja ára samning við Englandsmeistara Chelsea. Hún kemur frá Frakklands- og Evrópumeisturum Lyon.

Hin 26 ára gamla Buchanan kemur frá Kanada og leikur í stöðu miðvarðar. Hún gekk í raðir Lyon árið 2017 og hefur unnið fjölda titla með liðinu.

Fimm sinnum varð hún Frakklandsmeistari, jafn oft vann hún Meistaradeild Evrópu og þá lyfti hún franska bikarnum þrisvar. Þá hefur hún þrívegis verið kosin leikmaður ársins í Kanada.

Hún var á varamannabekk Lyon er liðið mætti Barcelona í úrslitum Meistaradeildar Evrópu fyrir ekki svo löngu. Hún kom hins vegar inn á eftir aðeins 14. mínútna leik og átti stóran þátt í mögnuðum sigri Lyon.

Buchanan er annar leikmaðurinn sem Englandsmeistarar Chelsea sækja á skömmum tíma en franski bakvörðurinn Ève Perisset samdi við liðið á dögunum. Er ljóst að Lundúnafélagið ætlar sér að verða Englandsmeistari fjórða árið í röð sem og að fara langt í Evrópu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.