Fótbolti

FH hirti toppsætið af HK

Hjörvar Ólafsson skrifar
FH trónir á toppi deildarinnar eftir sigur kvöldsins. 
FH trónir á toppi deildarinnar eftir sigur kvöldsins.  Mynd/J.L. Long

FH hafði betur þegar sótti HK heim í Kórinn í Kópavogi í viðureign tveggja efstu liðanna í Lengjudeild kvenna í fótbolta í kvöld. 

Lokatölur í leiknum urðu 3-1 FH í vil en það voru Kristin Schnurr, Elín Björg Norðfjörð Símonardóttir og Shaina Faiena Ashouri sem komu gestunum þremur mörkum yfir áður en Ísold Kristín Rúnarsdóttir klóraði í bakkann fyrir HK undir lok leiksins. 

FH hefur 16 stig á toppi deildarinnar en HK er sæti neðar með stigi minna. 

Víkingur og Tindastóll eru svo í þriðja til fjórða sæti deildarinnar með 12 stig hvort lið. 

Víkingur lagði Hauka að velli með tveimur mörkum gegn einu í leik liðanna að Ásvöllum. 

Berglind Þrastardóttir kom Haukum yfir í leiknum í kvöld en það voru svo Christabel Oduro og Dagbjört Ingvarsdóttir sem snéru taflinu við fyrir Víking.  

Haukar hafa þrjú stig eftir fyrstu sex leiki sína í deildinni í sumar. 

Upplýsingar um úrslit og markaskorara eru fengnar frá fotbolta.net.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.