Tónlist

Frumsýnir tónlistarmyndband Þjóðhátíðarlagsins 2022 á Vísi á morgun

Dóra Júlía Agnarsdóttir skrifar
Klara frumsýnir tónlistarmyndband við lagið Eyjanótt í hádeginu á morgun á Vísi.
Klara frumsýnir tónlistarmyndband við lagið Eyjanótt í hádeginu á morgun á Vísi. Aðsend

Lífið á Vísi frumsýnir tónlistarmyndband Þjóðhátíðarlagsins Eyjanótt eftir Klöru Elias á morgun klukkan 12:00, föstudag 10. júní.

Saga Sig leikstýrði myndbandinu og Stella Rósenkranz pródúseraði. Lagið er flutt af Klöru og samið af henni og Ölmu Guðmundsdóttur. James Gladius Wong sá um upptökustjórn. Myndbandinu er lýst sem nostalgíu gleði og segir Klara ferlið hafa verið virkilega skemmtilegt.

„Þetta var eiginlega bara smá ævintýri - að fara saman til Eyja og skjóta myndbandið og það var svo vel tekið á móti okkur alls staðar. Við vorum með troðfullan bíl af fötum og glimmeri og stelpurnar hlógu allan daginn af mér því ég vildi ekki láta gera neitt við hárið á mér nema það væri einhverskonar ný útfærsla á fléttu. Enda elska ég allar þessar fléttu greiðslur sem Hildur Ösp Gunnarsdóttir hárgreiðslu stjarnan mín gerði,“ segir Klara.


Tengdar fréttir

Klara Elias frumflutti Þjóðhátíðarlagið 2022

Söngkonan Klara Elias er höfundur og flytjandi Þjóðhátíðarlagsins í ár. Lagið, sem heitir Eyjanótt, kom út fyrr í dag á allar helstu streymisveitur og var frumflutt í Brennslunni á FM957 í morgun.

Klara Elias er höfundur og flytjandi Þjóðhátíðarlagsins í ár

Höfundur og flytjandi Þjóðhátíðarlags Vestmannaeyja 2022 er Klara Elias söngkona og lagahöfundur. Aðeins einu sinni áður hefur hið opinbera þjóðhátíðarlag verið samið og flutt af konu og var það lagið og var það lagið Sjáumst þar eftir Röggu Gísla árið 2017.






Fleiri fréttir

Sjá meira


×