Fótbolti

Rúnar Már farinn frá rúmensku meisturunum

Ingvi Þór Sæmundsson skrifar
Rúnar Már Sigurjónsson hefur leikið 32 landsleiki.
Rúnar Már Sigurjónsson hefur leikið 32 landsleiki. vísir/vilhelm

Rúnar Már Sigurjónsson er án félags eftir að hafa rift samningi sínum við rúmenska meistaraliðið Cluj.

Skagfirðingurinn greindi frá þessu á Instagram. Þar þakkar hann samherjum sínum hjá Cluj og stuðningsmenn liðsins fyrir tíma sinn hjá félaginu.

Rúnar gekk í raðir Cluj á frjálsri sölu í febrúar 2021. Hann varð tvívegis rúmenskur meistari með liðinu. Eftir áramót hafa tækifæri Rúnars með Cluj verið af skornum skammti og hann hefur til að mynda bara við sögu í tveimur leikjum á þessu ári.

Auk Rúmeníu hefur Rúnar, sem verður 32 ára í næsta mánuði, leikið í Hollandi, Svíþjóð, Sviss og Kasakstan á ferli sínum sem atvinnumaður.

Fótbolti

Mest lesið


Fleiri fréttir

Sjá meira


×

Mest lesið